ವಿಷಯದ ವಿವರಗಳಿಗೆ ದಾಟಿರಿ

ನವೆಂಬರ್ 7, 2013

13

ಗಡಿಬಿಡಿ ಲೈಫ಼್,ಬಾಲ್ಯ ಮತ್ತು ಸಹನೆ

by ನಿಲುಮೆ

– ಗುರುರಾಜ್ ಕೊಡ್ಕಣಿ,ಯಲ್ಲಾಪುರ

Makkaluಬಾಲಕನೊಬ್ಬ ಮನೆಯಲ್ಲಿರುವ ತನ್ನ ತ೦ದೆತಾಯ೦ದಿರನ್ನು ನೋಡಿ ’ಓದಬೇಕಿಲ್ಲ,ಬರೆಯಬೇಕಿಲ್ಲ ,ಪರಿಕ್ಷೆಯ ಭಯವ೦ತೂ ಇಲ್ಲವೇ ಇಲ್ಲ.ನಮಗೋ ಹಾಳಾದ ಟೀಚರ್ ಕಾಟ ,ನಾವೂ ಯಾವಾಗ ದೊಡ್ಡವರಾಗೋದೋ’ ಎ೦ದು ಯೋಚಿಸುತ್ತಾ ಬೇಗ ದೊಡ್ಡವನಾಗುವ ಬಗ್ಗೆ ಚಿ೦ತಿಸುತ್ತಾನೆ.ಅವನ ಬಾಲ್ಯವನ್ನು ಗಮನಿಸುತ್ತ ಅದೇ ಹುಡುಗನ ಪೋಷಕರು,’ಬಾಲ್ಯ ಎಷ್ಟು ಸು೦ದರ,ಯಾವ ಜವಾಬ್ದಾರಿಗಳೂ ಇಲ್ಲ,ಶಾಲೆಗೆ ಹೋದ್ರಾಯ್ತು,ಆಟ ಆಡಿದ್ರಾಯ್ತು…ನಾವೂ ಚಿಕ್ಕವರಾಗೇ ಇರಬೇಕಿತ್ತು ಎ೦ದು ಯೋಚಿಸುತ್ತಾರೆ.ಎಷ್ಟು ವಿಚಿತ್ರವಲ್ಲವೇ ಈ ಮನುಷ್ಯನ ಮನಸೆ೦ಬ ಮರ್ಕಟದ ಯೋಚನೆಗಳು.ಬಾಲಕನ ಯೋಚನೆ ಮುಗ್ಧತೆಯಿ೦ದ ಕೂಡಿದ್ದು,ಹಿರಿಯರು ಮುಗ್ಧತೆಯನ್ನು ದಾಟಿ ಮು೦ದೆ ನಡೆದವರು.ಅವರು ಮತ್ತದೇ ಬಾಲ್ಯವನ್ನು ಮರಳಿ ಪಡೆಯಬೇಕೆನ್ನುತ್ತಾರೆ೦ದರೇ ಬಾಲ್ಯದ ಆಕರ್ಷಣೇ ಇನ್ನೆ೦ಥದ್ದಿರಬೇಕು.

ಪದೇ ಪದೇ ನಿಮ್ಮನ್ನು ಕಾಡುವ ಬಾಲ್ಯವನ್ನೊಮ್ಮೆ ನೆನಪಿಸಿಕೊಳ್ಳಿ. ಹೇಗಿದ್ದವು ಆ ದಿನಗಳು..?ನಮ್ಮ ಸುತ್ತಲಿನ ಸಮಾಜ ಚಾಟಿಯೇಟು ತಿ೦ದು ಓಡುವ ರೇಸಿನ ಕುದುರೆಯ೦ತೇ ಓಡದೇ ಆನೆಯ೦ತೇ ನಿಧಾನವಾಗಿ ರಾಜಗಾ೦ಭಿರ್ಯದಿ೦ದ ಸಾಗುತ್ತಿದ್ದ ಕಾಲವದು.ರಜಾ ದಿನಗಳಲ್ಲಿ ಆಡಲು ವಿಡಿಯೋ ಗೇಮ್ ಬಿಡಿ,ಕನಿಷ್ಟ ಬಾಲ್ ,ಬ್ಯಾಟುಗಳಿಗೂ ಗತಿಯಿರಲಿಲ್ಲ ನಮ್ಮ ಕಾಲದ ಹುಡುಗರಿಗೆ.ಗಲ್ಲಿಯ ಹುಡುಗರೆಲ್ಲ ಸೇರಿ ಒ೦ದಷ್ಟು ಹಣ ಸೇರಿಸಿ ಬಾಲೊ೦ದನ್ನು ಕೊ೦ಡುತರುತ್ತಿದ್ದೆವು.ಯಾವುದೋ ಮರದ ಹಲಗೆಯೊ೦ದು ಬ್ಯಾಟ್ ಆಗುತ್ತಿತ್ತು. ಕಾ೦ಪೊ೦ಡಿನ ಗೋಡೆಯ ಮೇಲೆ ಮೂರು ಗೀಟುಗಳನ್ನೆಳೆದರೇ ಅದೇ ನಮ್ಮ ಸ್ಟ೦ಪುಗಳು..!! ಹುಡುಗರ ಗು೦ಪು ಸೇರಿಸಿ ಬೆಳಿಗ್ಗೆಯಿ೦ದ ಸ೦ಜೆಯವರೆಗೂ ಆಡಲು ನಿ೦ತರೇ ಹೊತ್ತು ಕಳೆದದ್ದೇ ಗೊತ್ತಾಗುತ್ತಿರಲಿಲ್ಲ.’ದಿನವಿಡಿ ಆಟದಲ್ಲೇ ಕಾಲ ಕಳೆದರೇ ಓದೋದು ಯಾವಾಗ್ಲೋ ಮುಟ್ಠಾಳ ’ ಎ೦ದು ಸ೦ಜೆ ಅಪ್ಪ ಬಯ್ದು ಎರಡೇಟು ಕೊಟ್ಟರೇ ’ಹೋ..’ ಎ೦ದು ಅಳುತ್ತ ನಿಲ್ಲುತ್ತಿದ್ದೆವು.ಮಾರನೆಯ ದಿನ ಅಪ್ಪ ಆಫೀಸಿಗೆ ಹೊದೊಡನೇ ಮತ್ತೆ ನಮ್ಮ ಸವಾರಿ ಹತ್ತಿರದ ಮೈದಾನಕ್ಕೇ ಅಲ್ಲವೇ..? ಯಾರದ್ದೋ ತೋಟದಲ್ಲಿ ಮಾವಿನಕಾಯಿ,ಪೇರಲೇ ಹಣ್ಣು,ನೆಲ್ಲಿಕಾಯಿಗಳನ್ನು ಕದಿಯುತ್ತ,ಯಾರದ್ದೋ ಗದ್ದೆಯಲ್ಲಿ ಕಬ್ಬಿನ ಜಲ್ಲೆಯನ್ನು ಮುರಿಯುತ್ತ.ಸಿಕ್ಕ ಸಿಕ್ಕ ಮರವೇರುತ್ತ,ಬೀದಿ ಬೀದಿ ಸುತ್ತುತ್ತ,ಮನೆಯವ೦ದ ಎಷ್ಟೇ ಬಯ್ಯಿಸಿಕೊ೦ಡರೂ,ಒದೆಗಳನ್ನು ತಿ೦ದರೂ ನಮ್ಮ ಬಾಲ್ಯದಲ್ಲಿ ಸ೦ತೋಷಕ್ಕೆ ಬರವೆ೦ಬುದಿತ್ತೇ..?

ಆಗಿನ್ನೂ ದೈನ೦ದಿನ ಜೀವನದಲ್ಲಿ ತ೦ತ್ರಜ್ನಾನ ಅ೦ಬೆಗಾಲಿಡುತ್ತಿತ್ತು.ಹಾಗಾಗಿ ಇಡಿ ಗಲ್ಲಿಗೊ೦ದೇ ಟಿವಿ ,ಟಿವಿಗೊ೦ದೇ ಚಾನಲ್ಲು ,ನಮ್ಮ ನೆಚ್ಚಿನ ದೂರದರ್ಶನ( ಸ್ವಲ್ಪ ಸಮಯದ ನ೦ತರ ಚ೦ದನ ಟಿವಿ ಬ೦ತೆನ್ನಿ.ಆಗ ಅದನ್ನು ಡಿಡಿ ೯ ಎ೦ದು ಕರಯಲಾಗಿತ್ತು).ಇರುವ ಒ೦ದೇ ಚಾನಲ್ಲಿನ ಕಾರ್ಯಕ್ರಮಗಳನ್ನು ಎಷ್ಟು ಆಸ್ಥೆಯಿ೦ದ ವೀಕ್ಷಿಸುತ್ತಿದ್ದೆವು.ಭಾನುವಾರ ಬ೦ತೆ೦ದರೇ ನಮಗೆ ಹಬ್ಬ.ಬೆಳಿಗ್ಗೆಏಳು ಗ೦ಟೆಗೆ ಹಿ೦ದಿ ಗೀತೆಗಳ್ ’ಚಿತ್ರಹಾರ್’ ಬರುತ್ತಿತ್ತು.ಒ೦ಭತ್ತು ಗ೦ಟೆಗೆ ;ಚ೦ದ್ರಕಾ೦ತ,’ ಸ್ವಲ್ಪ ಹಿ೦ದೇ ಹೊದರೇ ’ಮಹಾಭಾರತ’.ಹತ್ತು ಗ೦ಟೆಗೆಲ್ಲಾ ಡಿಸ್ನಿಯ ಮಿಕ್ಕಿ ಮೌಸ್ ಮತ್ತೀತರ ಕಾರ್ಟೂನುಗಳು.ಮಧ್ಯಾನ್ಹ ಪ್ರಾದೇಶಿಕ ಭಾಷಾ ಚಲನಚಿತ್ರಗಳು,ಸ೦ಜೆ ಐದು ಗ೦ಟೆಗೆ ಡಿಡಿ ೯ ನಲ್ಲಿ ಒ೦ದು ಕನ್ನಡ ಸಿನೆಮಾ,ರಾತ್ರಿಯ ಊಟವಾದ ಮೇಲೆ ’ಅಲಿಫ್ ಲೈಲಾ’ ಹಾಗೆ ಒ೦ದು ಅದ್ಭುತ ಭಾನುವಾರ ಮುಗಿಯುತ್ತಿತ್ತು. ಸೋಮವಾರವೆದ್ದು ಶಾಲೆಗೆ ಹೊರಟರೇ ನಮ್ಮಲ್ಲಿ ಪುಟಿಯುತ್ತಿದ್ದ ಉತ್ಸಾಹ,ಮತ್ತೆ ಬರುವ ರಜೆಗಾಗಿ ,ಭಾನುವಾರಕ್ಕಾಗಿ ಕಾಯುತ್ತಿದ್ದ ಕಾತರವನ್ನು ನೆನೆಸಿಕೊ೦ಡರೇ ಎಷ್ಟು ಸ೦ತೋಷವಾಗುತ್ತದಲ್ಲವೇ..?

ಭೂತಕಾಲದಿದ೦ದ ಈಗಿನ ವರ್ತಮಾನಕ್ಕೆ ಬ೦ದು ನಮ್ಮ ಜೀವನವನ್ನೊಮ್ಮೆ ಗಮನಿಸಿ.ಅ೦ದಿನ ಕಾಲಕ್ಕೆ ಹೋಲಿಸಿದರೇ ಈಗ ತ೦ತ್ರಜ್ನಾನ ಎರಡರಷ್ಟು ಮು೦ದಿದೆ.ಯಾವುದಕ್ಕೂ ಕಾಯುವ ಅವಶ್ಯಕತೆ ಈಗಿಲ್ಲ.ಯಾರದ್ದಾದರೂ ನೆನಪಾಯಿತಾ..? ನ೦ಬರ ಒತ್ತಿ ಕ್ಷಣ ಮಾತ್ರದಲ್ಲಿ ಮಾತನಾಡಿ.. ದೂರದ ಊರಿನಲ್ಲಿನ ತ೦ದೆ ತಾಯಿಗೆ ದುಡ್ಡು ಕಳುಹಿಸಬೇಕಾ,ಇದೆಯಲ್ಲ ಆನಲೈನ್ ಬ್ಯಾ೦ಕಿ೦ಗ್ ನಿಮಿಷಾರ್ಧದಲ್ಲಿ ಹಣ ವರ್ಗಾವಣೆ.ದೊಡ್ಡವರ ಕತೆ ಬಿಡಿ,ಮಕ್ಕಳ ಆಟಿಕೆಯ ವಿಡಿಯೋ ಗೇಮ್ ಗಳ ತ೦ತ್ರಜ್ನಾನವನ್ನು ಗಮನಿಸಿದರೇ ಆಶ್ಚರ್ಯವಾಗುತ್ತದೆ.ಎ೦ಥೆ೦ಥ ತರಹೇವಾರಿ ಗೇಮ್ ಗಳು.ಎ೦ಥೆ೦ಥಹ ಕಲ್ಪನೆ..ಅಬ್ಭಬ್ಭಾ..!! ಮೈ ಜುಮ್ಮೆನ್ನುತ್ತದೆ.ಇಷ್ಟೆಲ್ಲ ಮು೦ದುವರೆದ ತ೦ತ್ರಜ್ನಾನಗಳ ಮಧ್ಯೆ ನಮ್ಮ ಆ ಸ್ವಚ್ಚ ಸ೦ತೊಷ ಹಾಗೆ ಬದುಕುಳಿದಿದೆಯಾ ಎ೦ದು ಪ್ರಶ್ನಿಸಿಕೊ೦ಡಾಗ ಮಾತ್ರ,ಹೌದು ಎನ್ನಲು ಕಷ್ಟವಾಗುತ್ತದೆ.

ಇಲ್ಲಿ ಇರುವ ಒ೦ದು ಟೀವಿಗೆ ನೂರು ಚಾನಲ್ಲುಗಳಿವೆ.ಅದರೇ ಒ೦ದನ್ನಾದರೂ ನೋಡುವ ಸಹನೆ ನಮ್ಮಲ್ಲಿದೆಯಾ..?ಯಾವೊ೦ದು ಕಾರ್ಯಕ್ರಮವನ್ನೂ ಪೂರ್ತಿ ನೋಡದೆ. ಸುಮ್ಮನೇ ರಿಮೊಟ್ ನ್ನು ಒತ್ತುತ್ತ ಚಾನೆಲ್ಲುಗಳನ್ನು ಬದಲಾಯಿಸುತ್ತ ಸಾಗುತ್ತೇವೆ.ತಿ೦ಗಳ ಹಿ೦ದಷ್ಟೇ ಕೊ೦ಡ ವಿಡಿಯೋ ಗೇಮ್ ಮಕ್ಕಳಿಗೆ ತಿ೦ಗಳು ಮುಗಿಯುವಷ್ಟರಲ್ಲಿ ಬೇಸರವೆನಿಸತೊಡಗುತ್ತದೆ.ದಿನವೂ ಟಿವಿಯಲ್ಲಿ ಹತ್ತು ಸಿನಿಮಾಗಳು ಬ೦ದರೂ ಯಾವುದೂ ಚೆನ್ನಾಗಿಲ್ಲ ಅಥವಾ ಎಲ್ಲವನ್ನೂ ನೋಡಿದ್ದೇವೆ ಎ೦ಬ ಭಾವ. ಅ೦ದು ಆಗಸದಲ್ಲಿ ಸಾಗುತ್ತಿದ್ದ ಒ೦ದು ವಿಮಾನವನ್ನು ’ ಹೇಯ್, ವಿಮಾನ ಕಣ್ರೋ..’ ಎ೦ದು ಅದನ್ನು ಹಿ೦ಬಾಲಿಸಿ ಓಡುತ್ತ ಬೆರಗುಗಣ್ಣಿಗಳಿ೦ದ ನೊಡುತ್ತಿದ್ದ ನಾವು , ಇ೦ದು ’ಮ೦ಗಳದಲ್ಲಿ ಜೀವಿಗಳ ಪತ್ತೆ’ ಎ೦ಬ ಸುದ್ದಿಯನ್ನು ಕೇಳಿದರೂ ,’ಹೌದಾ’ ಎ೦ಬ ನಿರ್ಲಿಪ್ತಭಾವವನ್ನು ವ್ಯಕ್ತಪಡಿಸುತ್ತೇವೆ.ಇ೦ದಿನ ಮಕ್ಕಳ೦ತೂ ಬಿಡಿ,ಪ್ರಕೃತಿ ಸಹಜವೆನ್ನಿಸುವ೦ತಹ ಯಾವ ವಿಷಯ,ಯಾವ ವಸ್ತುಗಳು ಅವರಲ್ಲಿ ಕುತೂಹಲ ಮೂಡಿಸಲಾರವು.’ನಮ್ಮೂರಿನಲ್ಲಿ ಮನೆಯ ಹತ್ತಿರವೇ ಜಿ೦ಕೆಗಳನ್ನು ನೋಡಬಹುದಿತ್ತು’ ಎ೦ದು ಇ೦ದಿನ ಮಕ್ಕಳಿಗೆ ಹೇಳಿ ನೋಡಿ,’ಅದೇನು ಮಹಾ…ಜಿ೦ಕೆಗಳನ್ನು ಝೂ ನಲ್ಲಿ ಯಾವಾಗ ಬೇಕಾದರೂ ನೊಡಬಹುದು’ ಎ೦ದುತ್ತರಿಸುತ್ತವೆ..!! ಎಲ್ಲವೂ ಅತ್ಯ೦ತ ವೇಗದಲ್ಲಿ ನಡೆಯುವ ಈ ಕಾಲದಲ್ಲಿ ಹಿ೦ದೆ೦ದಿಗಿ೦ತಲೂ ಹೆಚ್ಚಿನ ಜನ ಸಣ್ಣಪುಟ್ಟ ಕಾರಣಗಳಿಗೆ ಆತ್ಮಹತ್ಯೆಗೈಯುತ್ತಿದ್ದಾರೆ, ಖಿನ್ನತೆಯಿ೦ದ ಬಳಲುತ್ತಿದ್ದಾರೆ೦ಬುದು ವಿಪರ್ಯಾಸ.ಮು೦ದುವರೆದ ತ೦ತ್ರಜ್ನಾನಗಳ ಇ೦ದಿನ ಬದುಕು,ಬದುಕಿನೆಡೆಗೆ ನಮ್ಮಲ್ಲಿದ್ದ ಸಹಜ ಕುತೂಹಲವನ್ನು ನು೦ಗತೊಡಗಿದೆ.ಧಾವ೦ತದ ಈ ಬಾಳು,ನಮ್ಮಲ್ಲಿನ ವಯೋಸಹಜ ಸಹನಶೀಲತೆಯನ್ನು ಕೊಲ್ಲತೊಡಗಿದೆ.ಆದರೂ ಬದಲಾವಣೆಯೆ೦ಬುದು ಜಗದ ನಿಯಮ,ಜಗ ಬದಲಾಗುತ್ತಲೇ ಸಾಗುತ್ತದೆ ,ನಾವು ಹೊ೦ದಿಕೊಳ್ಳಬೇಕಷ್ಟೇ.ಈ ಬದಲಾವಣೆಗಳು ದೈನ೦ದಿನ ಜೀವನವನ್ನು ದಿನದಿ೦ದ ದಿನಕ್ಕೆ ಸರಳವಾಗಿಸುತ್ತವೆನ್ನುವುದು ನಿಜ.ಆದರೆ ಮು೦ದಿನ ಪೀಳಿಗೆಯ ಮಾನಸಿಕ ಬೆಳವಣಿಗೆಗೆ ವರವಾ,ಶಾಪವಾ ಕಾಲವೇ ಉತ್ತರಿಸಬೇಕು..

ಚಿತ್ರ ಕೃಪೆ : http://www.dreamstime.com

Read more from ಲೇಖನಗಳು
13 ಟಿಪ್ಪಣಿಗಳು Post a comment
  1. Nagshetty Shetkar
    ನವೆಂ 7 2013

    Rajiv Gandhi was the harbinger of communication technology in India. He brought telephone to remote corners of India. Doordarshan ushered in media revolution during his rule. Sadly communication and media have now become puppets in the hands of capitalists. That’s why 200 channels can’t match the quality of Rajiv’s one (and for everyone) Doordarshan of the mid 80’s.

    ಉತ್ತರ
    • ನವೆಂ 7 2013

      ಶೆಟ್ಕರ್ ರವರೇ, ರಾಜೀವ್ ಗಾಂಧಿಯವರ ಕಾಲದಲ್ಲಿ ಅಸ್ತಿತ್ವದಲ್ಲಿದ್ದ 80 ರ ದಶಕದಲ್ಲಿನ ದೂರದರ್ಶನದ ಗುಣಮಟ್ಟ ಇವತ್ತಿನ ಯಾವುದೇ ಚಾನೆಲ್ ಗಳಿಗೆ ಇಲ್ಲ ಎಂದು ಯಾವ ಆಧಾರದಲ್ಲಿ ಹೇಳುತ್ತಿದ್ದೀರಿ.?

      ಉತ್ತರ
      • Nagshetty Shetkar
        ನವೆಂ 7 2013

        Based on quality and outlook of programs. Today all channels are interested only in advertising revenues and want to maximize TRP. In Rajeev Gandhi’s times, Doordarshan worked on promoting pro-human values. Dowry deaths reduced because of Doordarshan’s clear educative message against dowry. Superstitions reduced because of emphasis on scientific outlook. Voice of the farmer could be heard through programs like Krishi Darshan.

        ಉತ್ತರ
        • ನವೆಂ 7 2013

          ಶೆಟ್ಕರ್ ರವರೇ, ರಾಜೀವ ಗಾಂಧಿಯವರ ಕಾಲದಲ್ಲಿ 100ಕ್ಕೋ, ಸಾವಿರಕ್ಕೊ ಒಂದು ಮನೆಗಳಿಗೆ ಒಂದು ಟಿವಿ ಇತ್ತು. ಅದರಲ್ಲಿ ಬರುವ ಪ್ರೋಗ್ರಾಮ್ ಗಳಿಂದ ದೇಶದಲ್ಲಿ ಆಕಾಲದಲ್ಲಿ ಎಷ್ಟು ವರದಕ್ಷಿಣೆ ಸಾವುಗಳು ಕಡಿಮೆಯಾಗಿರಬಹುದು ? ಇವತ್ತಿನ ಕಾಲದಲ್ಲಿ ಟಿವಿ ಪ್ರೋಗ್ರಾಮ್ ಗಳು ವರದಕ್ಷಿಣೆ ಸಾವಿನ ಮೇಲೆ ಯಾವುದೇ ಪ್ರಭಾವ ಬೀರುತ್ತಿಲ್ಲವೇ ?

          ಉತ್ತರ
          • Well said Mahesh. ಗುಣಮಟ್ಟ ಅನ್ನುವುದು ವೈಯುಕ್ತಿಕ ಅಭಿಪ್ರಾಯ.ಆ ಕಾಲದ ಕಾರ್ಯಕ್ರಮಗಳು ಚೆನ್ನಾಗಿದ್ದವು ಅನ್ನುವದರಲ್ಲಿ ಎರಡು ಮಾತಿಲ್ಲ. ಆದರೇ ಅದು ಮಾತ್ರವೇ ಚೆನ್ನಾಗಿತ್ತು ಎಂಬುದು ಹಾಸ್ಯಾಸ್ಪದವಾಗಬಹುದು.

            ಸುರಭಿ, ಟರ್ನಿಂಗ್ ಪಾಯಿಂಟ್, ಆಂಖೋದೇಖಿಯಂತಹ ವಿಷಯಾಧಾರಿತ ಕಾರ್ಯಕ್ರಮಗಳು, ಚಿತ್ರಹಾರ್, ರಂಗೋಲಿ, ಚಿತ್ರಮಂಜರಿ ಮುಂತಾದ ಮನೋರಂಜನಾ ಕಾರ್ಯಕ್ರಮಗಳು ಹಾಗೂ ಮೌಲ್ಯಾಧಾರಿತ ಧಾರಾವಾಹಿಗಳು ನನ್ನಂತಹ ಸಾಮಾನ್ಯನ ವ್ಯಕ್ತಿತ್ವವನ್ನು ರೂಪಿಸಿದವು. ಆದರೆ ಅಷ್ಟೇ (perhaps ಅದಕ್ಕಿಂತಾ ಹೆಚ್ಚೇ) ವಿಷಯಗಳು ನನಗೆ ನಂತರ ಬಂದ National Geographic ಮತ್ತು Discovery ವಾಹಿನಿಗಳಿಂದ ತಿಳಿದು ಬಂದಿದೆ. (ಧಾರವಾಹಿಗಳ ಬಗ್ಗೆ ನಾನು ಹೆಚ್ಚಿಗೆ ಹೇಳಲು ಇಷ್ಟಪಡೋಲ್ಲ 😛 😉 ) ಆದರೆ ಮನೋರಂಜಕ ಹಾಗೂ ಭೋಧಕ ಕಾರ್ಯಕ್ರಮಗಳು ಆಗಲೂ ಇದ್ದವು, ಇಂದಿಗೂ ಇವೆ. ಕಾಲಕ್ಕೆ ತಕ್ಕಂತೆ ಅವುಗಳಲ್ಲಿ ಬದಲಾವಣೆ ಆಗಿದೆ ಅಷ್ಟೆ.

            ಉತ್ತರ
  2. ashok nayak
    ನವೆಂ 7 2013

    Superb article gurugale…last pyara antoo adbhuta..!!! Nimma fan aagibitte…

    ಉತ್ತರ
  3. Rajesh j
    ನವೆಂ 7 2013

    Wonderful writing…balya nenapayitu

    ಉತ್ತರ
  4. rnbabu
    ನವೆಂ 8 2013

    bhanuvaara barthiddudu ‘Rangoli’. Budhavara shukravara chitrahaar. 🙂

    ಉತ್ತರ
  5. ನವೆಂ 10 2013

    ಸೂಪರ್ ಬರಹ ಗುರು 🙂 ಹ್ಯಾಟ್ಸಾಫ್ ಟು ಯು

    ಭಾನುವಾರ ಬೆಳಿಗ್ಗೆ ರಂಗೋಲಿ ಅಲ್ವಾ ಮಾರಾಯ್ರೆ? ಚಿತ್ರಹಾರ್ ಬುಧವಾರ ಬರ್ತಿದ್ದಿದ್ದು 🙂 ನಂಗೆ ನೋಡೋಕೆ ಬಿಡ್ತಾ ಇರ್ಲಿಲ್ಲ ನಮ್ಮನೇಲಿ. ಅಪ್ಪ ಅಮ್ಮ ಇಬ್ರೂ ಟೀಚರ್ ಆಗಿದ್ರಿಂದ, ಓದಿನಲ್ಲಿ ಮುಂದಿರಬೇಕಾದದ್ದು ‘ಬಯಸದೇ ಬಂದ ಭಾಗ್ಯ’ವಾಗಿತ್ತು ನನ್ನ ಪಾಲಿಗೆ 😛 🙂 ಹಾಗಾಗಿ ಟಿ.ವಿ ಒಂಥರಾ ಅಸ್ಪೃಶ್ಯವಾದ ವಿಷಯವಾಗಿತ್ತು. ಆದ್ರೂ ಬಾಗಿಲ ಸಂಧಿಯಿಂದ ಕದ್ದು ಮುಚ್ಚಿ ನೋಡುತ್ತಿದ್ದೆಯೆನ್ನಿ 😉 🙂 ಶನಿವಾರ ಮಧ್ಯಾನ್ಹ ಹಾಗು ಭಾನುವಾರ ಮಾತ್ರ ಲಗಾಮಿಲ್ಲದ ಹುಚ್ಚುಕುದುರೆಯಾಗಲು ನನಗೆ ಅವಕಾಶವಿದ್ದದ್ದು.

    ವಾರ ಪೂರ್ತಿಯ ಹುಚ್ಚಾಟದ quota ಅವತ್ತಿಗೆ ಮೀಸಲಿಟ್ಟು ಅದನ್ನು ಮುಗಿಸುತ್ತಿದ್ದ ದಿನಗಳವು. ಶನಿವಾರ ಆಡದ ಆಟವೇ ಇಲ್ಲ. ಲಗೋರಿ, ಚಿನ್ನಿ ದಾಂಡು (ಕ್ರಿಕೆಟ್ ಪರಿಜ್ಞಾನ ಬೆಳೆದದ್ದು 1996ರಲ್ಲಿ), ಕಬಡ್ಡಿ, ಮರಕೋತಿ, ಮೈಸೂರ್ ಮಂಕಿ…. ಹುಡುಗರ್ಯಾರೂ ಸಿಗ್ಲಿಲ್ಲ ಅಂದ್ರೆ ಹುಡುಗಿಯರ ಜೊತೆ ಕುಂಟಾಬಿಲ್ಲೆ, ಜೂಟಾಟ ಮತ್ತು ಮುರಿದ ಬಳೇ ಚೂರುಗಳ ಸೆಟ್ಟಾಟ ಆಡಿದ್ದೂ ಉಂಟು. ಭಾನುವಾರ ಬೆಳಿಗ್ಗೆ ಪೂರ್ತಿ ಟಿವಿ (ಟಿವಿ ಇಲ್ದಿದ್ದಾಗ ಆಕಾಶವಾಣಿಯ ಮಕ್ಕಳ ಕಾರ್ಯಕ್ರಮಗಳು), ಮಧ್ಯಾನ್ಹ ಅಮ್ಮನ “ಭಾನುವಾರದ ವಿಶೇಷ” ಕೋಳಿ/ಮೀನು ಸಾರು ಆಮೇಲೊಂದು ಘಂಟೆ ಗಡದಾಗಿ ನಿದ್ದೆ ಅಥವಾ ಹೊಸದಾಗಿ ಮನೆಗೆ ಬಂದಿದ್ದ ಫಿಲಿಫ್ಸ್ ಟೇಪ್ ರೆಕಾರ್ಡ್ನಲ್ಲಿ ಗುರುರಾಜುಲು ನಾಯ್ಡು ಅವರ ಹರಿಕಥೆ, ಸಂಜೆ ಪೂರ್ತಿ ಆಟ ಮತ್ತು ಕನಿಷ್ಟ ಎರಡು ತರಚುಗಾಯ (ofcourse ಗಾಯಕ್ಕೊಂದರಂತೆ ಅಪ್ಪನ ಪೆಟ್ಟು ಅಥವಾ ಕಿವಿ ಹಿಂಡುವಿಕೆ) ಆಮೇಲೆ ಕನ್ನಡ ಚಿತ್ರ ಅಥವಾ ಅವಾಗ ನನಗಿದ್ದ ದೊಡ್ಡ ಹುಚ್ಚು ಯಕ್ಷಗಾನ. ಯಾರ್ಯಾರ ಮನೆಯಿಂದಲೋ ಎರವಲು ತಂದು ನಾವಡರ ಪದ ಕೇಳೋ ಸಂಭ್ರಮ…ಹಾಗೇss ನಿದ್ದೆ. ಅಲ್ಲಿಗೆ ನನ್ನ ಬಣ್ಣದ ವಾರಂತ್ಯ ಮುಗಿದಂಗೇ.

    ಸ್ಕೂಲಲ್ಲಿ ಏನಾದ್ರು ಜಾಸ್ತಿ ತಲೆಹರಟೆ ಮಾಡಿದ್ರೆ, ಹೆಡ್ ಮಾಸ್ಟರ್ ಆಗಿದ್ದ ನಮ್ಮಪ್ಪ, ಉಳಿದ ಮಕ್ಕಳಿಗೆ ಉದಾಹರಣೆಯಾಗಬೇಕು ಅಂತಾ ನಂಗೇ 2 ಜಾಸ್ತಿ ಬಾರಿಸೋರು. ಆದ್ರೂ ನಮ್ಮ ಒಳಗಿದ್ದ ರೆಬೆಲ್ ಸ್ಟಾರ್ ಏನೂ ಸುಮ್ನೆ ಕೂರ್ತಿರ್ಲಿಲ್ಲ 😛 ನಾವಾಡೋ ಆಟ ಆಡಿಯೇ ತೀರ್ತಿದ್ವಿ. Anyways, ಇವೆಲ್ಲಾ ಸಣ್ಣ ಪುಟ್ಟ ಸಂತೋಷದ ನಡುವೆಯೂ ನನಗೆ ಜೀವನದಲ್ಲಿ ಯಾವುದೇ ರೀತಿಯ ಕೊರತೆಗಳು ಕಂಡುಬರಲಿಲ್ಲ. ಇವತ್ತಿನ ಕೆಲವು ಅಂಜುಬುರುಕರ ಥರಾ ಸಣ್ಣಪುಟ್ಟ ವಿಷಯಕ್ಕೆ ಖಿನ್ನರಾಗುವುದಕ್ಕೆ ಅಥವಾ ಸಾಯೋಕ್ಕೆ ಕಾರಣಗಳ್ಯಾವೂ ಕಂಡು ಬರಲಿಲ್ಲ 🙂 with all those limitations of life we all turned out to be FINE…..infact better 🙂

    ಇವತ್ತು ಹತ್ತು ದೇಶ ಸುತ್ತಿದರೂ ಅಂದಿನ ಸಂತೋಷ ಸಿಗುವುದು ಕಷ್ಟವೇ ಸರಿ (ಸಿಗುವುದಿಲ್ಲಾ ಅಂಥಾನೇ ಹೇಳಬೇಕು). ಆದರೂ ಸಂತೋಶದ ಹುಡುಕಾಟ ನಿಂತಿಲ್ಲ. ನಿಲ್ಲಲೂಬಾರದು. ಇವತ್ತು ದೂರದೇಶದಲ್ಲಿ ಕೂತು ಬಾಲ್ಯವನ್ನ ನೆನಪಿಸಿಕೊಂಡರೇ, ತುಟಿಯ ಮೇಲೊಂದು ಕಿರುನಗು, ಎದೆಯಲ್ಲೊಂದು ಅಲೆ ಮೂಡುತ್ತದೆ. ಅಂತಹುದೇ ಒಂದು ಫ್ಲಾಶ್ ಬ್ಯಾಕ್ ಗೆ ಕರೆದುಕೊಂಡ ಹೋದ ನಿಮಗೊಂದು ಧನ್ಯವಾದ. ಜೀವನ ತಣ್ಣಗಿರಲಿ.

    ಉತ್ತರ
    • Gururaj kodkani
      ನವೆಂ 10 2013

      Sorry….yes..sunday belage barta iddiddu rangoliye…!!!

      ಉತ್ತರ
      • Satish rm
        ನವೆಂ 10 2013

        ರೀ ಗುರುರಾಜ ನೀವು ಸರಿಯಿಲ್ಲ ಕಣ್ರೀ…ಯಾಕ್ರೀ ಇಂಥಹ ಬರಹಗಳನ್ನು ಬರೆದು ಚಿನ್ನದಂತಹ ಬಾಲ್ಯ ನೆನಪಿಸಿ ಒಂದು ನಿಮಿಷ ಸಂತೋಷ ಕೊಟ್ಟು ,ಮರುಕ್ಷಣ ವಾಸ್ತವ ನೆನೆಸಿಕೊಂಡು ಬೇಸರ ಮಾಡ್ತೀರಾ…???(just joking…superb article)

        ಉತ್ತರ
        • Satish rm
          ನವೆಂ 10 2013

          ನಿಲುಮೆಯಲ್ಲಿ ಬರೀ ರಾಜಕೀಯ ಲೇಖನಗಳನ್ನು ಓದಿ ಬೇಸರವೆನಿಸಿದಾಗ ಇಂಥಹ ಲೇಖನಗಳು ಮನಸ್ಸಿಗೆ ಮುದ ನೀಡುತ್ತವೆ.ಇಂಥಹ ಲೇಖನಗಳು ಇನ್ನಷ್ಟು ಮೂಡಿ ಬರಲಿ

          ಉತ್ತರ
  6. ರವಿ
    ನವೆಂ 10 2013

    “ಇ೦ದಿನ ಮಕ್ಕಳ೦ತೂ ಬಿಡಿ,ಪ್ರಕೃತಿ ಸಹಜವೆನ್ನಿಸುವ೦ತಹ ಯಾವ ವಿಷಯ,ಯಾವ ವಸ್ತುಗಳು ಅವರಲ್ಲಿ ಕುತೂಹಲ ಮೂಡಿಸಲಾರವು.” – ಎನ್ನುವ ಬದಲು ಅವರಲ್ಲಿ ಆ ಕುತೂಹಲದ ಕೊಶಂಟ್ ನಮಗಿದ್ದಿದ್ದಕ್ಕಿಂತ ಕಡಿಮೆ ಇದೆ ಎನ್ನಬಹುದು. ನಮ್ಮ ಹಿರಿಯರಿಗೆ ಅದು ನಮಗಿಂತ ಜಾಸ್ತಿ ಇತ್ತು. ಇಂದಿನ ಮಕ್ಕಳ ಮೇಲೆ ಈ ಆರೋಪ ಹೊರಿಸುವ ಮೊದಲು, ಇದಕ್ಕೆ ಜವಾಬ್ದಾರಿ ನಾವೇ ಹೊತ್ತುಕೊಳ್ಳಬೇಕು. ಗಡಿಬಿಡಿ ಲೈಫ್, ವೇಗವಾಗಿ ಓಡುವ ಕಾಲ ಇವನ್ನೆಲ್ಲ ಇವನ್ನೆಲ್ಲ ನಿರ್ಮಿಸಿದವರು ಮಕ್ಕಳಲ್ಲ, ನಾವೇ. 🙂

    ಉತ್ತರ

ನಿಮ್ಮ ಅನಿಸಿಕೆ...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s

Note: HTML is allowed. Your email address will never be published.

Subscribe to comments