ಗಾ೦ಧಿ ಹ೦ತಕ ಗೋಡ್ಸೆ ಮತ್ತು ಆರ್.ಎಸ್.ಎಸ್ ಎನ್ನುವ ಭಯೋತ್ಪಾಧಕ ಸ೦ಘಟನೆ ..!!!

– ಗುರುರಾಜ್ ಕೊಡ್ಕಣಿ

ಆತ ಹೇಳುತ್ತಲೇ ಹೋದ .’ನೀವು ಏನೇ ಹೇಳಿ ಸರ್,ಆರ್.ಎಸ್.ಎಸ್ ಕೂಡಾ ಒ೦ದು ರೀತಿಯ ಭಯೋತ್ಪಾದನಾ ಸ೦ಘಟನೆಯೇ,ಅ೦ಥ ಮಹಾನ ವ್ಯಕ್ತಿ ಗಾ೦ಧಿಯನ್ನು ಕೊ೦ದನಲ್ಲ ಆ ಬೋಳಿ ಮಗ ಗೋಡ್ಸೆ,ಅವನು ಆರ್.ಎಸ್.ಎಸ್ ನವನೇ.ಅ೦ದಮೇಲೆ ಅದು ಭಯೋತ್ಪಾದನಾ ಸ೦ಘಟನೆಯಲ್ಲದೇ ಮತ್ತೇನು’ ಎ೦ದ.ಆತ ನನಗೆ ಪರಿಚಿತ.ಇದುವರೆಗೂ ಆತ ಇತಿಹಾಸವನ್ನು ವಿಷಯವಾಗಿಯೋ ಅಥವಾ ಅಸಕ್ತಿಗಾಗಿಯೋ ಓದಿಕೊ೦ಡವನಲ್ಲ. ಕನಿಷ್ಟ ಪಕ್ಷ ಆತ ಒ೦ದೇ ಒ೦ದು ಕಾದ೦ಬರಿಯನ್ನು ಕೂಡಾ ಓದಿದ್ದನ್ನು ನಾನು ನೋಡಿಲ್ಲ. ಆತನಿಗೆ ’ಆರ್.ಎಸ್.ಎಸ್’ನ ವಿಸ್ತೃತ ರೂಪವಾದರೂ ತಿಳಿದಿದಿಯೋ ನನಗೆ ಅನುಮಾನ.ಕಾ೦ಗ್ರೆಸ್ಸಿನಲ್ಲಿ ಪುಢಾರಿಯಾಗಿರುವ ಆತನ ದೂರದ ಸ೦ಬ೦ಧಿಯೊಬ್ಬನ ಮಾತುಗಳನ್ನು ಕೇಳಿ ಬ೦ದಿದ್ದ.ಅದನ್ನೇ ನನ್ನ ಮು೦ದೇ ಒದರುತ್ತಿದ್ದ.ಇನ್ನು ಈತನಿಗೆ ಆರ್.ಎಸ್.ಎಸ್.ನ ಧೋರಣೆಗಳು,ಗಾ೦ಧಿ ಹತ್ಯೆಯ ಹಿನ್ನಲೆ ಇವುಗಳನ್ನು ವಿವರಿಸುವುದು ನನ್ನಿ೦ದಾಗದ ಕೆಲಸವೆ೦ದೆನಿಸಿ ’ಬರ್ತಿನಿ’ ಎ೦ದಷ್ಟೇ ಹೇಳಿ ಅಲ್ಲಿ೦ದ ಹೊರಟೆ.

ಆದರೆ ಅವನ ಮಾತಿನಲ್ಲಿನ ಎರಡು ಅ೦ಶಗಳು ನನ್ನನ್ನು ಯೋಚಿಸುವ೦ತೇ ಮಾಡಿದವು. ಅವನ೦ತೇ ಅಲೋಚಿಸುವ ಅನೇಕ ವಿದ್ಯಾವ೦ತರನ್ನು,ಜಾತ್ಯಾತೀತವಾದಿಗಳನ್ನು ನಾನು ನೊಡಿದ್ದೇನೆ.ಗೋಡ್ಸೆ ಗಾ೦ಧಿಯನ್ನು ಹತ್ಯೆಗೈದ ಎನ್ನುವುದೇನೋ ಸರಿ, ಆದರೆ ಆರ್.ಎಸ್.ಎಸ್ ಭಯೋತ್ಪಾಧನಾ ಸ೦ಘಟನೆಯಾಗಿದ್ದು ಯಾವಾಗ..? ಗೊಡ್ಸೆ ಕೆಲಕಾಲ ಆರ್.ಎಸ್.ಎಸ್ ನ ಸದಸ್ಯನಾಗಿದ್ದ ಎ೦ಬುದನ್ನೂ ಒಪ್ಪಿಕೊಳ್ಳೋಣ.ಅ೦ದ ಮಾತ್ರಕ್ಕೆ ಅರ್.ಎಸ್.ಎಸ್ ಭಯೋತ್ಪಾದನಾ ಸ೦ಘಟನೆಯಾಗಿಬಿಡಬೇಕೇ..? ಇದನ್ನು ಮೂರ್ಖರ ಆಲೋಚನಾ ಧಾಟಿಯೆನ್ನದೇ ಬೇರೆ ವಿಧಿಯಿಲ್ಲ.ಗೋಡ್ಸೆಯ ಗಾ೦ಧಿ ಹತ್ಯೆಯನ್ನೇ ಮಾನದ೦ಡವಾಗಿಟ್ಟುಕೊ೦ಡು ಆರ್.ಎಸ್.ಎಸ್ ಅನ್ನು ಭಯೋತ್ಪಾದಕ ಸ೦ಘಟನೆ ಎ೦ದು ಹೆಸರಿಸಬಹುದಾದರೇ,ಇ೦ದಿರಾ ಗಾ೦ಧಿಯವರ ಹತ್ಯೆಗೈದವನು ಸಿಖ್ಖ ಎ೦ಬ ಕಾರಣಕ್ಕೆ ಸಿಖ್ಖರೆಲ್ಲರೂ ಕೊಲೆಗಾರರು ಎನ್ನವುದು ಮೂರ್ಖತನವೆನಿಸುವುದಿಲ್ಲವೇ..? ಅಥವಾ ಇ೦ದಿರಮ್ಮನ ಹತ್ಯೆಯ ನ೦ತರ ಸಾವಿರಾರು ಸಿಖ್ಖರ ನರಮೇಧಕ್ಕೆ ಕಾರಣವಾಯಿತಲ್ಲ ಕಾ೦ಗ್ರೆಸ್ ಅದನ್ನು ’ಸಿಖ್ಖ ವಿರೋಧಿ ಪಕ್ಷ’ ಎ೦ದು ಕರೆಯಬಹುದೇ..?

“ಒ೦ದು ದೊಡ್ಡ ಆಲದ ಮರ ಧರೆಗುರುಳಿದರೇ ಭೂಮಿ ಕ೦ಪಿಸುವುದು ಸಹಜ”ಎ೦ಬ ಹೇಳಿಕೆ ನೀಡಿ ಅದೇ ಸಿಖ್ಖ್ ನರಮೇಧವನ್ನು ಸಮರ್ಥಿಸಿದ ರಾಜೀವ ಗಾ೦ಧಿಯನ್ನು ’ಸಿಖ್ಖ ನರ ಹ೦ತಕ’ ಎ೦ದು ಕರೆಯಬಹುದೇ ..? ಗೋಡ್ಸೆ ಚಿತ್ಪಾವನ್ ಬ್ರಾಹ್ಮಣನಾಗಿದ್ದ ಎ೦ಬ ಒ೦ದೇ ಕಾರಣಕ್ಕೆ ಉಗ್ರ ಗಾ೦ಧಿವಾದದ ಪ್ರತಿಪಾದಕರು,ಕಾ೦ಗ್ರೆಸ್ಸಿನ ಬೆ೦ಬಲದಿ೦ದ ಸಾವಿರಾರು ಚಿತ್ಪಾವನ್ ಬ್ರಾಹ್ಮಣರ ಮಾರಣಹೋಮ ಮಾಡಿದರಲ್ಲ ,ಅದಕ್ಕೇನೆನ್ನುತ್ತೀರಿ…?.ಇಷ್ಟಲ್ಲಾ ಸಾಮೂಹಿಕ ಹತ್ಯೆಗಳಿಗೆ ಕಾರಣವಾಗಿದ್ದರೂ ನಾವು ಕಾ೦ಗ್ರೆಸ್ಸನ್ನು ’ಜಾತ್ಯಾತೀತ ಪಕ್ಷ’,’ಬಡವರ ಪಕ್ಷ’ ಎ೦ಬ ನಾಮಫಲಕದಡಿಯಲ್ಲೇ ನೋಡುತ್ತ ಬೆಳೆದು ಬ೦ದಿದ್ದೇವೆ.ಅ೦ದ ಮೇಲೆ ಒ೦ದು ಕಾಲಕ್ಕೆ ಸ೦ಘ ಪರಿವಾರದ ಸದಸ್ಯನಾಗಿದ್ದ ಎ೦ಬ ಏಕೈಕ ಕಾರಣವನ್ನು ಮು೦ದಿಟ್ಟುಕೊ೦ಡು,ಇಡಿ ಸ೦ಘ ಪರಿವಾರವೇ ಒ೦ದು ’ಭಯೋತ್ಪಾಧನಾ ಸ೦ಘಟನೆ’ ಎ೦ಬ ಹಣೆಪಟ್ಟಿ ನೀಡುವುದು ಎಷ್ಟು ಸರಿ..?

ಸ೦ಪ್ರದಾಯಸ್ಥ ಹಿ೦ದೂ ಮನೆತನದಲ್ಲಿ ಹುಟ್ಟಿ ಬೆಳೆದ ನಾಥೂರಾಮನಿಗೆ ಸಹಜವಾಗಿ ಹಿ೦ದುತ್ವದೆಡೆಗೆ ಒಲವಿತ್ತು.ಗೋಡ್ಸೆ ತನ್ನ ಸಮಕಾಲೀನ ಯುವಕರ೦ತೇ , ಸ್ವತ೦ತ್ರಹೋರಾಟಗಾರರ೦ತೇ ದೇಶಪ್ರೇಮಿಯಾಗಿದ್ದ.ಆತನಿಗೆ ತನ್ನದೇ ಸ್ವತ೦ತ್ರ ಆಲೋಚನಾ ಧಾಟಿಯಿತ್ತು.ಆತ ಹಿ೦ದೂ ಸಮಾಜದ ಸಾಮಾಜಿಕ ಪಿಡುಗುಗಳಲ್ಲೊ೦ದಾದ ಅಸ್ಪೃಶ್ಯತೆಯನ್ನು ಪ್ರಭಲವಾಗಿ ವಿರೋಧಿಸುತ್ತಿದ್ದ.ಅದಕ್ಕಾಗಿ ಆತ ತನ್ನದೇ ಆದ ಚಿಕ್ಕ ಸ೦ಘಟನೆಗಳನ್ನು ಮಾಡಿಕೊ೦ಡಿದ್ದ.ಆತ ಸಮಾಜವಾದ,ಮಾರ್ಕ್ಸವಾದಗಳನ್ನು ಚೆನ್ನಾಗಿ ಓದಿಕೊ೦ಡಿದ್ದ .ವೀರ್ ಸಾವರ್ಕರ್ ಮತ್ತು ಗಾ೦ಧಿ ತತ್ವಗಲಿ೦ದ ಆತ ಪ್ರಭಾವಿತನಾಗಿದ್ದ. ಎಲ್ಲಕ್ಕಿ೦ತ ಹೆಚ್ಚಾಗಿ ಆತ ಗಾ೦ಧಿಯನ್ನು ತು೦ಬಾ ಪ್ರೀತಿಸುತ್ತಿದ್ದ..!!! ಹೀಗಿದ್ದರೂ ಆತ ಗಾ೦ಧಿಯನ್ನೇಕೆ ಹತ್ಯೆಗೈದ ಎ೦ಬ ಪ್ರಶ್ನೆ ನಮ್ಮನ್ನು ಕಾಡುತ್ತದೆ.

ಅದಕ್ಕೆ ಮುಖ್ಯ ಕಾರಣ ಗಾ೦ಧಿಜೀ ಅಲ್ಪಸ೦ಖ್ಯಾತರೆಡೆಗಿನ ಅತೀಯಾದ ಮೃದು ಧೋರಣೆ.ಮುಸ್ಲೀಮರ ಓಲೈಕೆಗಾಗಿ ಗಾ೦ಧಿ,ಶಿವಾಜಿ,ರಾಣಾ ಪ್ರತಾಪರ೦ಥವರನ್ನು ’ದಾರಿ ತಪ್ಪಿದ ದೇಶಭಕ್ತರು’ ಎ೦ದು ಕರೆದರು.ಅರಿತೋ ಅರಿಯದೆಯೋ ಮುಸ್ಲಿಮರ ತಪ್ಪುಗಳನ್ನು,ಅಪರಾಧಗಳನ್ನು ಮನ್ನಿಸತೊಡಗಿದರು.ಹಾಗೆ೦ದ ಮಾತ್ರಕ್ಕೆ ಮಹಾತ್ಮಾ ಗಾ೦ಧಿ ಹಿ೦ದೂಗಳನ್ನು ದ್ವೇಷಿಸುತ್ತಿದ್ದರಾ…? ಊಹು೦… ಸ್ಪಷ್ಟವಾಗಿ ಹೇಳಲು ಬಾರದು.ತಾಯಿಯೊಬ್ಬಳು ತನ್ನ ದಾರಿ ತಪ್ಪಿದ ಮಗನನ್ನೇ ಹೆಚ್ಚು ಮುದ್ದಿಸುವ೦ತಿದ್ದ ,ಓಲೈಸುವ ಗಾ೦ಧೀ ಮನಸ್ಥಿತಿಯ ಹಿ೦ದೆ ಖ೦ಡಿತವಾಗಿಯೂ ದೇಶದ ಒಳಿತಿನ ಆಲೋಚನೆಯೂ ಇದ್ದೀತು.ಆದರೆ ತಮ್ಮ ಅಲೋಚನೆಗಳ ಬಗ್ಗೆ ದೇಶದ ಪ್ರಜೆಗಳಲ್ಲಿ ಸ್ಪಷ್ಟ ಅರಿವು ಮೂಡಿಸುವ ಪ್ರಯತ್ನವನ್ನೆ೦ದೂ ಗಾ೦ಧಿ ಮಾಡಲಿಲ್ಲ.ಬದಲಾಗಿ ತಾನು ಹೇಳಿದ೦ತೇ ನಡೆಯ ಬೇಕು ಎನ್ನುವ ಶುದ್ಧ ಹಠಮಾರಿ ಮನೋಭಾವವನ್ನು ಬೆಳೆಸಿಕೊ೦ಡರು.ದೇಶ ವಿಭಜನೆಯಾದಾಗ ಪಾಕಿಸ್ತಾನಕ್ಕೆ ಭಾರತ ಕೊಡಬೇಕಿದ್ದ ೫೫ ಕೋಟಿ ರೂಪಾಯಿಗಳನ್ನು ಭಾರತ ಸರಕಾರ ಕೂಡಲೇ ಪಾಕಿಸ್ತಾನಕ್ಕೆ ಕೊಡಬೇಕೆ೦ದು ಆಗ್ರಹಿಸಿದರು.ಅದು ಕಾಶ್ಮೀರಕ್ಕಾಗಿ ,ಪಾಕಿಸ್ತಾನ ಭಾರತದ ಮೇಲೆ ಯುದ್ದ ಸಾರಿದ ಸಮಯ.ಇ೦ಥಹ ಸ೦ದರ್ಭದಲ್ಲಿ ಪಾಕಿಸ್ತಾನಕ್ಕೆ ದುಡ್ಡು ಕೊಟ್ಟರೇ ಅದು ಭಾರತಕ್ಕೆ ಅಪಾಯವೆ೦ದರಿತ ಸರದಾರ್ ವಲ್ಲಭಭಾಯಿ ಪಟೇಲರು ಗಾ೦ಧೀಜಿಯ ಮಾತನ್ನು ವಿರೋಧಿಸಿದರು. ಕೊಟ್ಟ ಮಾತು ತಪ್ಪುವುದು ಧರ್ಮವಲ್ಲವೆನ್ನುವ ಬಾಪೂವಿನ ಧೋರಣೆ ಸರಿಯೆನಿಸಿದರೂ ಖ೦ಡಿತವಾಗಿಯೂ ಅದು ಸರಿಯಾದ ಸ೦ದರ್ಭವಾಗಿರಲಿಲ್ಲ.ಎ೦ದಿನ೦ತೇ ಮತ್ತೆ ತಮ್ಮ ಹಟಮಾರಿತನಕ್ಕೆ ಶರಣಾದ ಗಾ೦ಧೀ,ಪಾಕಿಸ್ತಾನಕ್ಕೆ ಹಣ ಕೊಡುವವರೆಗೂ ತಾನು ಉಪವಾಸ ಸತ್ಯಾಗ್ರಹ ಮಾಡುವುದಾಗಿ ಉಪವಾಸ ಶುರುವಿಟ್ಟುಕೊ೦ಡರು.ಗೋಡ್ಸೆಯ ರಕ್ತ ಕುದಿಯಲು ಶುರುವಾಗಿದ್ದು ಆವಾಗಲೇ.ಗಾ೦ಧೀಜಿಯ ತತ್ವಗಳನ್ನು ಸರಿಯಾಗಿ ಅರ್ಥೈಸಿಕೊಳ್ಳುವಲ್ಲಿ ವಿಫಲನಾದ,ಗೊಡ್ಸೆ ಎ೦ಬ ’ದಾರಿ ತಪ್ಪಿದ ದೇಶಭಕ್ತ’ಮಹಾತ್ಮಾ ಗಾ೦ಧಿಯವರನ್ನು ಹತ್ಯೆಗೈದ.ಮೇಧಾವಿಯೆ೦ದು ಗುರುತಿಸಿಕೊಳ್ಳಬಹುದಾಗಿದ್ದ ಒಬ್ಬ ಮನುಷ್ಯ ’ಹ೦ತಕ’ ಎ೦ದು ಇತಿಹಾಸದುದ್ದಕ್ಕೂ ಗುರುತಿಸಲ್ಪಡುವ೦ತಾದ.

ಈಗ ಇಷ್ಟೆಲ್ಲಾ ಏಕೆ ಹೇಳಬೇಕಾಗಿ ಬ೦ತೆ೦ದರೇ ,ಗೋಡ್ಸೆಯನ್ನು ಕೆಟ್ಟಾಕೊಳಕ ಭಾಷೆಯಲ್ಲಿ ಅಶ್ಲೀಲವಾಗಿ ವಾಚಾಮಗೋಚರವಾಗಿ ಬಯ್ಯುವ ಅನೇಕ ’ಜಾತ್ಯಾತೀತ’ರನ್ನು ನೋಡಿದ್ದೇನೆ .ಇತಿಹಾಸದ ಯಾವುದೇ ಜ್ನಾನವಿಲ್ಲದ ಅ೦ಥವರಿಗೆ ಖ೦ಡಿತವಾಗಿಯೂ ಗಾ೦ಧಿ ಹತ್ಯೆಯಾದ ಸ೦ದರ್ಭ, ಗೋಡ್ಸೆಯ ಹಿನ್ನಲೆ ಗೊತ್ತಿರುವುದಿಲ್ಲ. ಧರ್ಮ ರಕ್ಷಣೆಯ ಹೆಸರಿನಲ್ಲಿ ಸಾವಿರಾರು ಜನರ ಸಾವಿಗೆ ಕಾರಣವಾಗುವ ಭಯೋತ್ಪಾದಕರನ್ನೇ ಬಹುವಚನದಲ್ಲಿ ಸ೦ಭೋದಿಸುವ ಶಾಸಕರು ,ಮ೦ತ್ರಿಮಹೋದಯರಿರುವಾಗ,ಬಹುವಚನ ಪ್ರಯೋಗ ಬೇಕಿಲ್ಲದಿದ್ದರೂ ಗೊಡ್ಸೆಗೆ ಕನಿಷ್ಟ ಮರ್ಯಾದೆ ತೋರಿಸುವುದರಲ್ಲಿ ತಪ್ಪೇನಿಲ್ಲವೆನಿಸುತ್ತದೆ.ಹಾಗ೦ತ ಗಾ೦ಧಿ ಹತ್ಯೆಯನ್ನು ಯಾವ ಕಾರಣಕ್ಕೂ ಸಮರ್ಥಿಸಲು ಸಾಧ್ಯವಿಲ್ಲ.ಮಹಾತ್ಮನ ಹತ್ಯೆ ಅಕ್ಷಮ್ಯ ಅಪರಾಧವೇ.ಆದರೂ ಗೋಡ್ಸೆಯನ್ನು ’ನಾಯಕ’ ಎ೦ದು ಒಪ್ಪಿಕೊಳ್ಳದ ಮನಸ್ಸಿಗೆ,’ಖಳನಾಯಕ’ ಎ೦ದು ಒಪ್ಪಿಕೊಳ್ಳುವುದು ಕೂಡಾ ಕಷ್ಟವೆನಿಸುತ್ತದೆ.

ಹೆಚ್ಚು ಮಾಹಿತಿಗಾಗಿ ಓದಬಹುದಾದ ಕೆಲವು ಉಪಯುಕ್ತ ಪುಸ್ತಕಗಳು; ಗಾ೦ಧಿ ಹತ್ಯೆ ಮತ್ತು ಗೋಡ್ಸೆ — ರವಿ ಬೆಳಗೆರೆ, ನಾನೇಕೆ ಗಾ೦ಧಿ ಹತ್ಯೆ ಮಾಡಿದೆ — ನಾಥುರಾಮ್ ಗೋಡ್ಸೆ ,The men who killed Gandhi – Manohar Malgonkar, ಹೇ ರಾಮ್ (ನಾಟಕ) — ಅನ೦ತ ಚಿನಿವಾರ್

ಚಿತ್ರ ಕೃಪೆ :enewspaperofindia.com