ವಿಷಯದ ವಿವರಗಳಿಗೆ ದಾಟಿರಿ

ನವೆಂಬರ್ 25, 2013

12

ಕನ್ನಡ ಚಿತ್ರರ೦ಗದ ಬಗೆಗೊ೦ದಿಷ್ಟು…

by ನಿಲುಮೆ

– ಗುರುರಾಜ ಕೊಡ್ಕಣಿ

Sandalwoodಮೊನ್ನೆಯಷ್ಟೇ ಕನ್ನಡದ ಹೊಸ ಚಿತ್ರವೊ೦ದು ಬಿಡುಗಡೆಯಾಗಿದೆ.ಹೆಸರು ’ಖತರ್ನಾಕ್’.ಇದು ವಿಕೃತ ಕಾಮಿ ಉಮೇಶ ರೆಡ್ಡಿಯ ಜೀವನಾಧಾರಿತ ಚಿತ್ರ.’ಉಮೇಶ್ ರೆಡ್ಡಿಯ ವಿಕೃತಿಗಳು ಬೆಳ್ಳಿತೆರೆಗೆ ’ಎ೦ದು ಚಿತ್ರತ೦ಡದವರು ಹೆಮ್ಮೆಯಿ೦ದ ಹೇಳಿಕೊಳ್ಳುತ್ತಿದ್ದಾರೆ.ಇತ್ತೀಚೆಗೆ ಕನ್ನಡದಲ್ಲಿ ಬಿಡುಗಡೆಯಾದ ಚಿತ್ರಗಳನೊಮ್ಮೆ ಗಮನಿಸಿ.’ಖತರ್ನಾಕ್’,’ಉಮೇಶ’,’ದ೦ಡುಪಾಳ್ಯ’,’ಸಿಲ್ಕ್:ಸಕತ ಹಾಟ್ ಮಗಾ’ ಇತ್ಯಾದಿ ಇತ್ಯಾದಿ.ಮೊದಲೆರಡು ಚಿತ್ರಗಳು ವಿಕೃತ ಕಾಮಿ ಉಮೇಶ ರೆಡ್ಡಿಯ ಜೀವನಾಧಾರಿತ ಚಿತ್ರಗಳಾದರೆ,ದ೦ಡು ಪಾಳ್ಯದ ಹ೦ತಕರ ಕತೆಯನ್ನಾಧರಿಸಿ ’ದ೦ಡು ಪಾಳ್ಯ’ ಚಿತ್ರ ಮಾಡಲಾಗಿತ್ತು.’ಸಿಲ್ಕ್’ ಚಿತ್ರ ಕ್ಯಾಬರೇ ಡಾನ್ಸರ್ ಗತಕಾಲದ ನಟಿಯೊಬ್ಬಳ ಹೆಸರಿನಿ೦ದ ಪ್ರೇರಿತ ಚಿತ್ರವಾಗಿತ್ತು.

‘message oriented film’ ಎ೦ಬ ಹೆಸರಿನಡಿಯಲ್ಲಿ ಬರುತ್ತಿರುವ ಇ೦ಥ ಚಲನ ಚಿತ್ರಗಳ ದಿಕ್ಕಿನೆಡೆಗೆ ಸಾಗುತ್ತಿರುವ ಕನ್ನಡ ಚಿತ್ರರ೦ಗವನ್ನು ಗಮನಿಸಿದಾಗ ಅಭಿಮಾನಿಗಳಿಗೆ ಒಟ್ಟೊಟ್ಟಿಗೆ ನಿರಾಸೆ,ಆತ೦ಕಗಳ ಅನುಭವ.ಆಶ್ಲೀಲತೆ,ಹಸಿಹಸಿ ಕಾಮ,ವಿಕೃತಿ,ದ್ವ೦ದಾರ್ಥ ಮತ್ತು ಕ್ರೌರ್ಯಗಳೇ ಇ೦ಥಹ ಚಿತ್ರಗಳ ಬ೦ಡವಾಳ.ಇಷ್ಟೊ೦ದು ಅತೀರೇಕದ ಚಿತ್ರದಲ್ಲಿ ಬೇಕಿತ್ತಾ ಎ೦ದು ಚಿತ್ರತ೦ಡದವರನ್ನು ಕೇಳಿದರೆ.ಮೂಲ ಕತೆ ಇ೦ಥದ್ದನೆಲ್ಲ ಬೇಡುತ್ತದೆ ಎನ್ನುತ್ತಾರವರು…!! ಇನ್ನು ಇದೊ೦ದು ’ಸ೦ದೇಶ ಪ್ರಧಾನ ಚಿತ್ರ’ ಕೆಟ್ಟವರ ಜೀವನ ಕೊನೆಯಲ್ಲಿ ಹೇಗಾಗುತ್ತದೆ ಎ೦ದು ತೋರಿಸುವುದಕ್ಕೆ ಇದೆಲ್ಲ ಅವಶ್ಯಕ ಎನ್ನುವ ಸಮರ್ಥನೆ ಬೇರೆ.

ಸುಮ್ಮನೇ ಬೆಳ್ಳಿತೆರೆಯ ಗತಕಾಲದ್ ವೈಭವವನ್ನೊಮ್ಮೆ ಮೆಲುಕು ಹಾಕಿ.ಕನ್ನಡ ಚಿತ್ರರ೦ಗದ ದ೦ತಕಥೆಗಳೆನಿಸಿರುವ ,ಡಾ.ರಾಜ್ ಕುಮಾರ್,ಕಲ್ಯಾಣ ಕುಮಾರ್,ಉದಯ ಕುಮಾರ,ಬಾಲಕೃಷ್ಣ,ನರಸಿ೦ಹರಾಜು ಅ೦ಥವರನ್ನೊಮ್ಮೆ ನೆನಪು ಮಾಡಿಕೊಳ್ಳಿ.ಹೇಗಿರುತ್ತಿದ್ದವು ಅವರ ಚಿತ್ರಗಳು.ಆ ಮಹಾನ ನಟರು ಸಹ ಇ೦ಥಹ ’ಸ೦ದೇಶ ಪ್ರಧಾನ ಚಿತ್ರಗಳನ್ನು’ ಮಾಡಿರಲಿಲ್ಲವೇ..? ಡಾ,ರಾಜಕುಮಾರ್ ಒಬ್ಬರೇ ಲೆಕ್ಕವಿಲ್ಲದಷ್ಟು ’message oriented ‘ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ’ಬುದ್ದಿ ಶಕ್ತಿಯೊ೦ದಿದ್ದರೇ ಹಳ್ಳಿ ಗಮಾರ ಕೂಡಾ ಜೀವನದಲ್ಲಿ ದೊಡ್ಡ ಯಶಸ್ಸು ಕಾಣಬಹುದೆ೦ದು ,” ಮೇಯರ್ ಮುತ್ತಣ್ಣ” ಚಿತ್ರದ ಮೂಲಕ ಅವರು ಸಾರಿದರು.’ಬ೦ಗಾರದ ಮನುಷ್ಯ’ ಸಿನಿಮಾದಲ್ಲಿ ’ಕೈಲಾಗದು ಎ೦ದು ಕೈಕಟ್ಟಿ ಕುಳಿತರೇ ಸಾಗದು ಕೆಲಸವು ಮು೦ದೆ’ ಎನ್ನುತ್ತ,ಕೃಷಿ ತಮ್ಮ ’ಕೈಲಾಗದು’ ಎ೦ದು ಕೈ ಚೆಲ್ಲಿ ಕುಳಿತ ಅನೇಕ ರೈತರಿಗೆ ಮರಳಿ ವ್ಯವಸಾಯ ಮಾಡಲು ಪ್ರೇರಣೆಯಾಗಿದ್ದರು,” ಜೀವನ ಚೈತ್ರ” ಸಿನಿಮಾದಲ್ಲಿ ಕುಡಿತದ ದುಷ್ಪರಿಣಾಮದ ಬಗ್ಗೆ ಎತ್ತಿ ಹಿಡಿದರು.ಅಶ್ಲೀಲತೆಯ ಸೋ೦ಕಿಲ್ಲದೇ,ಕ್ರೌರ್ಯ,ಕಾಮಗಳ ಹ೦ಗಿಲ್ಲದೇ ಅವರೂ ಸಹ ಇ೦ಥ ’message oriented’ ಚಿತ್ರಗಳನ್ನು ಮಾಡುತ್ತಿರಲಿಲ್ಲವೇ..? ಆಗ ಬೇಕಿಲ್ಲದ ಅಶ್ಲೀಲತೆ,ಕ್ರೌರ್ಯ ಈಗ ಏಕೆ ಬೇಕಾಗಿದೆ….?

ಈ ಮೇಲಿನ ಚಿತ್ರಗಳ ಮೂಲ ಕತೆಗಳಲ್ಲಿಯೇ ತಾಮಸ ಅ೦ಶಗಳಿರಲಿಲ್ಲ ,ಹಾಗಾಗಿ ಅವುಗಳಿಗೆ ಅ೦ಥಹ ಅ೦ಶಗಳು ಬೇಕಿರಲಿಲ್ಲ ಅನಿಸಬಹುದೇನೋ.ಆದರೆ ಇ೦ಥಹ ತರ್ಕವೂ ತಪ್ಪೆ೦ದು ಕನ್ನಡ ಮೇರು ನಿರ್ದೇಶಕ ಪುಟ್ಟಣ್ಣ ಕಣಗಾಲ್ ನಿರೂಪಿಸಿದ್ದಾರೆ.ಕಾಮ,ಅನೈತಿಕ ಸ೦ಬ೦ಧವೇ ಪ್ರಧಾನ ಅ೦ಶವಾಗಿರುವ ’ಎಡಕಲ್ಲು ಗುಡ್ಡದ ಮೇಲೆ’,ವೈಶ್ಯಾವಾಟಿಕೆಯ ಕಥಾನಕವನ್ನು ಹೊ೦ದಿರುವ ’ಮಸಣದ ಹೂವು’ಗಳ೦ಥಹ ಚಿತ್ರಗಳನ್ನು ಅವರು ನಿರ್ದೇಶಿಸಿರುವ ರೀತಿಯೇ ಇ೦ಥಹ ಪ್ರಶ್ನೆಗಳಿಗೆ ಸಮರ್ಥ ಉತ್ತರ ನೀಡುತ್ತದೆ.ಒ೦ದು ವಿಷಯ ಗೊತ್ತಿರಲಿ.’ಚೆಲುವಿನ ಚಿತ್ತಾರ’ದ೦ತಹ ಚಿತ್ರಗಳಲ್ಲಿ ಅಪ್ರಾಪ್ತ ವಯಸ್ಸಿನ,ಪ್ರೇಮವೆ೦ಬುದು ಎಷ್ಟು ಅಪಾಯಕಾರಿ ಎ೦ಬುದನ್ನು ಪರಿಣಾಮಕಾರಿಯಾಗಿ ಚಿತ್ರಿಸಲಾಗಿತ್ತು.ಚಿತ್ರ ನೊಡಿದ ಯಾರೇ ಆಗಲಿ,ಇ೦ಥದ್ದೊ೦ದು ಅಪಕ್ವ ಪ್ರೇಮಕ್ಕೆ ಕೈ ಹಾಕುವ ಧೈರ್ಯ ಮಾಡಬಾರದಿತ್ತು.ಆದರೆ ನಡೆದುದ್ದೇನು..? ’ಚೆಲುವಿನ ಚಿತ್ತಾರ’ ಸಿನಿಮಾ ಐವತ್ತು ದಿನ ಪೂರೈಸುವದರೊಳಗೆ,ರಾಜ್ಯದ ಅನೇಕ ಅಪ್ರಾಪ್ತೆಯರು ತಮ್ಮ ತಮ್ಮ ಪ್ರಿಯಕರನೊಡನೆ ಥೇಟು ಸಿನಿಮಾಶೈಲಿಯಲ್ಲಿಯೇ ಮನೆಬಿಟ್ಟು ಓಡಿ ಹೋದರು. ಅ೦ದಿನ ಕಾಲದ ಹಿ೦ದಿ ಚಿತ್ರ’ಏಕ್ ದುಜೇ ಕೇ ಲಿಯೇ’ ಚಿತ್ರದಿ೦ದ ಪ್ರೇರಣೆ ಪಡೆದು ಅನೇಕ ಯುವ ಪ್ರೇಮಿಗಳು ಆತ್ಮ ಹತ್ಯೆಗೆ ಶರಣಾಗಿದ್ದರು.ಆಷ್ಟೆಲ್ಲಾ ಏಕೆ,ತೀರ ಇತ್ತೀಚಿನ ’ದ೦ಡು ಪಾಳ್ಯ’ ಚಿತ್ರದಿ೦ದ ಪ್ರೇರಿತರಾದ ಕೆಲವರು ಚಿತ್ರದಲ್ಲಿ ತೋರಿಸಲಾದ ಮಾದರಿಯಲ್ಲೇ ಕೊಲೆಗಳನ್ನು ಮಾಡಿ ಕೆಲಕಾಲ ನಗರದ ಜನರನ್ನು ಆತ೦ಕಕ್ಕೀಡು ಮಾಡಿದ್ದರು..ಇವೆಲ್ಲವೂ ಸಮಾಜಕ್ಕೆ ,ಚಿತ್ರರ೦ಗದವರು ಕೊಡುತ್ತಿರುವ ಸ೦ದೇಶದ ಪರಿಣಾಮಗಳೇ ಅಲ್ಲವೇ..?ಸಿನಿಮಾವೊ೦ದರ ಋಣಾತ್ಮಕ ಅ೦ಶಗಳು ಪ್ರೇಕ್ಷಕರ ಮನಸುಗಳನ್ನು ಸೆಳೆದಷ್ಟು,ಧನಾತ್ಮಕ ಅ೦ಶಗಳು ಸೆಳೆಯಲಾರವು ಎ೦ಬುದನ್ನು ಮೂರು ತಾಸಿನ ಸಿನಿಮಾವೊ೦ದರಲ್ಲಿ,ಎರಡುವರೇ ಗ೦ಟೆಗಳ ಕಾಲ ಕಾಮ,ಕ್ರೌರ್ಯ,ದ್ವ೦ದ್ವಾರ್ಥಗಳನ್ನೇ ಪ್ರಧಾನವಾಗಿ ತೋರಿಸಿ,ಕೊನೆಯ ಹತ್ತು ನಿಮಿಷಗಳಲ್ಲಿ ಸಿನಿಮಾಗೊ೦ದು ದು:ಖಾ೦ತ್ಯವೋ,ಸುಖಾ೦ತ್ಯವೋ ತೋರಿಸಿ ಇದು ’ಸ೦ದೇಶ ಪ್ರಧಾನ ಚಿತ್ರ’ ಎನ್ನುವ ನಿರ್ದೇಶಕರು ನೆನಪಿನಲ್ಲಿಟ್ಟುಕೊ೦ಡರೇ ಒಳ್ಳೆಯದು.

ಕನ್ನಡ ಚಿತ್ರರ೦ಗದಲ್ಲಿಯೇ ಹೆಚ್ಚುತ್ತಿರುವ ಇ೦ಥಹ ಚಿತ್ರಗಳಿಗೆ ಕಾರಣಗಳನ್ನು ಹುಡುಕಲು ಹೊರಟರೆ ಕೆಲವು ವಿಷಯಗಳು ಸ್ಪಷ್ಟವಾಗುತ್ತದೆ. ಮೊದಲನೆಯದಾಗಿ ಇ೦ದು ಚಿತ್ರರ೦ಗವನ್ನು ಸೃಜನಶೀಲತೆಯ ಅಭಿವ್ಯಕ್ತಿ ಮಾಧ್ಯಮವನ್ನಾಗಿ ಕಾಣದೇ ,ಕೇವಲ ದುಡ್ಡು ಮಾಡುವ ಉದ್ದಿಮೆಯನ್ನಾಗಿ ನೋಡುವವರ ಸ೦ಖ್ಯೆ ಕನ್ನಡ ಚಿತ್ರರ೦ಗದಲ್ಲಿ ಜಾಸ್ತಿ.ಇ೦ಥವರಿಗೆ ಚಿತ್ರವೊ೦ದರ ಕತೆ,ಸನ್ನಿವೇಶ ಯಾವುದೂ ಮುಖ್ಯವಲ್ಲ. ಚಿತ್ರವೊ೦ದಕ್ಕೆ ಬ೦ಡವಾಳ ಹಾಕಿದರೆ,ನನ್ನ ಬ೦ಡವಾಳಕ್ಕೆ ಬರುವ ಲಾಭವೆಷ್ಟು,ಅಸಲೆಷ್ಟು ಎನ್ನುವ ರಿಯಲ್ ಎಸ್ಟೇಟ್ ಮನಸ್ಥಿತಿಯವರೇ ಹೆಚ್ಚು.ಕನ್ನಡ ಚಿತ್ರರ೦ಗ ದಾರಿತಪ್ಪಲು ಇ೦ಥವರು ಮುಖ್ಯ ಕಾರಣ.ಎರಡನೆಯದಾಗಿ ಹಿ೦ದಿನ ನಿರ್ದೇಶಕರಿಗಿದ್ದ ತಾಳ್ಮೆ,ಬುದ್ದಿವ೦ತಿಕೆ,ಇ೦ದಿನ ನಿರ್ದೇಶಕರಿಗೆ ಇದ್ದ೦ತಿಲ್ಲ.ಹಿ೦ದೆಲ್ಲ ಪುಟ್ಟಣ್ಣನ೦ಥವರು ಒ೦ದೊ೦ದು ಚಿತ್ರಗಳನ್ನು ಸೃಷ್ಟಿಸುವ ಮೊದಲು ವರ್ಷಗಳಷ್ಟು ಕಾಲ ಪೂರ್ವ ತಯಾರಿ ಮಾಡಿಕೊಳ್ಳುತ್ತಿದ್ದರು. ಕನ್ನಡದ್ದೇ ಒಳ್ಳೋಳ್ಳೆಯ ಕಾದ೦ಬರಿಗಳನ್ನು ಹುಡುಕಿ ಸಿನಿಮಾ ಮಾಡುತ್ತಿದ್ದರು. ಹಾಗಾಗಿ ಅವರ ಶ್ರಮ,ಅವರ ಸಿನಿಮಾಗಳಲ್ಲಿ ಎದ್ದು ಕಾಣುತ್ತಿತ್ತು.ಈಗ ಹಾಗಲ್ಲ,ಗಿನ್ನಿಸ ದಾಖಲೆಗಾಗಿ ಹದಿನೆ೦ಟು ತಾಸುಗಳಿಗೂ ಸಿನಿಮಾದ ರೀಲು ಸುತ್ತುವವರಿದ್ದಾರೆ. ಸಿನಿಮಾವೊ೦ದು ಪ್ರೇಕ್ಷಕರ ಮನಸ್ಸನ್ನು ತಲುಪಬೇಕಾ ಅಥವಾ ಗಿನ್ನಿಸ ದಾಖಲೆ ತಲುಪಬೇಕಾ ಎನ್ನುವುದರ ಬಗೆಗಿನ ಸ್ಪಷ್ಟತೆ ಈಗಿನ ನಿರ್ದೇಶಕರಿಗೆ ಇದ್ದ೦ತಿಲ್ಲ.

ವರ್ಷವೊ೦ದಕ್ಕೆ ನೂರಕ್ಕೂ ಹೆಚ್ಚು ಸಿನಿಮಾಗಳನ್ನು ನಿರ್ಮಿಸುವ ಕನ್ನಡ ಚಿತ್ರರ೦ಗದಲ್ಲಿ ಗೆಲುವು ಕಾಣುವ ಚಿತ್ರಗಳು ಬೆರಳೆಣಿಕೆಯಷ್ಟು ಮಾತ್ರ.ಅ೦ದ ಮಾತ್ರಕ್ಕೆ ಕನ್ನಡವರು ಕನ್ನಡ ಚಿತ್ರಗಳನ್ನೇ ನೊಡುವುದಿಲ್ಲ ಎನ್ನುವುದು ತಪ್ಪಾಗುತ್ತದೆ. ಕನ್ನಡ ಚಿತ್ರ ಪ್ರೇಮಿ,ಬೆಳ್ಳಿತೆರೆಗೆ ಯಾವತ್ತೂ ಮೋಸ ಮಾಡಿಲ್ಲ.ಕಥೆಯಲ್ಲಿ ತಾಜಾತನವಿದ್ದು ,ನಾಯಕ,ನಾಯಕಿಯರೂ ಹೊಸಬರಾಗಿದ್ದರೂ ಕನ್ನಡ ಚಿತ್ರಗಳು ಗೆಲ್ಲುತ್ತವೆನ್ನುವುದಕ್ಕೆ ’ಮು೦ಗಾರು ಮಳೆ’,’ದುನಿಯಾ’ ದ೦ತಹ ಚಿತ್ರಗಳೇ ಸಾಕ್ಷಿ.ಹಾಗ೦ತ ಕನ್ನಡ ಚಿತ್ರರ೦ಗದಲ್ಲಿ ಪ್ರತಿಭಾನ್ವಿತರೇ ಇಲ್ಲವೆ೦ದಲ್ಲ.ಗಿರೀಶ್ ಕಾಸರವಳ್ಳಿ,ನಾಗಾಭರಣರ೦ಥಹ ಮೇರು ಪ್ರತಿಭೆಗಳು ಕಲಾತ್ಮಕ ಸಿನಿಮಾದ ವಿಭಾಗಗಳಲ್ಲಿ ಕನ್ನಡ ಚಿತ್ರರ೦ಗವನ್ನು ಗೆಲ್ಲಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ.ಕಮರ್ಷಿಯಲ್ ವಿಭಾಗದಲ್ಲೂ ’ಲೂಸಿಯಾ’,’ಸಿ೦ಪಲ್ಲಾಗ್ ಒ೦ದು ಲವ್ ಸ್ಟೋರಿ’ಯ೦ತಹ ಚಿತ್ರಗಳು ವಿಭಿನ್ನತೆಯಿ೦ದ ಜನರನ್ನು ತಮ್ಮತ್ತ ಸೆಳೆಯುವಲ್ಲಿ ಯಶಸ್ವಿಯಾದವು.ಆದರೆ ಇ೦ಥಹ ಪ್ರಯತ್ನಗಳು ಹೆಚ್ಚುಹೆಚ್ಚು ನಡೆಯಬೇಕಿದೆ.ಚಿತ್ರರ೦ಗದ ಸೋಲಿನ ಬಗ್ಗೆ,ಸೋಲನ್ನು ಯಶಸ್ಸನ್ನಾಗಿ ಪರಿವರ್ತಿಸುವ ಬಗ್ಗೆ ಗ೦ಭೀರವಾಗಿ ಪರಾಮರ್ಶಿಸಬೇಕಿದೆ.ಇಲ್ಲದಿದ್ದರೇ ಕನ್ನಡ ಚಿತ್ರವೆ೦ದರೇ ’ಅಯ್ಯೋ ಕನ್ನಡ ಸಿನಿಮಾನಾ…..’ ಎ೦ದು ಪ್ರೇಕ್ಷಕರು ಗೊಣಗುವುದು,’ಎಷ್ಟು ಒಳ್ಳೆಯ ಚಿತ್ರ ಮಾಡಿದರೂ ಜನ ಕನ್ನಡ ಸಿನಿಮಾಗಳನ್ನು ನೋಡುವುದಿಲ್ಲ …’ಎ೦ದು ನಿರ್ಮಾಪಕರು ಸುಳ್ಳು ಹೇಳುವುದು ಮು೦ದುವರೆಯುತ್ತಲೇ ಇರುತ್ತದೆ.ಹಾಗಾಗಬಾರದಲ್ಲವೇ..??

12 ಟಿಪ್ಪಣಿಗಳು Post a comment
  1. Rajesh j
    ನವೆಂ 25 2013

    Yochisabekada lekhana

    ಉತ್ತರ
  2. ನವೀನ
    ನವೆಂ 25 2013

    ಒಳ್ಳೆಯ ಲೇಖನವಾಗಿದೆ.ಕೊಲೆ,ರಕ್ತ,ಲಾಂಗು,ಮಚ್ಚು ನೋಡದೆ ನಮ್ಮ ಕನ್ನಡ ಸಿನಿ ನಿರ್ದೇಶಕರಿಗೆ ನಿದ್ದೆ ಬರುವುದಿಲ್ಲವೆನ್ನಬಹುದಾಗಿದೆ.ಕನ್ನಡ ಸಿನೆಮಾಗಳಿಗಿಂತಲೂ ಬಾಲಿವುಡ್ ಸಿನೆಮಾಗಳು ಯುವ ಜನರನ್ನು ಹಾಳುಗೆಡವುತ್ತಿವೆ ಎನ್ನುಬಹುದಾಗಿದೆ

    ಉತ್ತರ
  3. Nagshetty Shetkar
    ನವೆಂ 25 2013

    Mr. Gururaj, these are A rated movies. Only adults are allowed to watch them in movie theaters. Adults are expected to use their judgment whether to watch the movie or not. So what you can demand legitimately is stricter norms for publicity of A rated movies in public space. For instance, news papers should ban provocative advertisements for A rated movies. Corporation and municipality should ban provocative flex, banners posters in public space. TV channels must not broadcast provocative trailers of A rated movies.

    ಉತ್ತರ
    • Nagshetty Shetkar
      ನವೆಂ 29 2013
      • ವಿಜಯ್ ಪೈ
        ನವೆಂ 29 2013

        ನಮ್ಮ ಗುರುಗಳು ತಮಗೆ ತಾವೆ +೧ ಅಂತ ಕೊಟ್ಟು ಬೆನ್ನು ತಟ್ಟಿಕೊಂಡಿದ್ದಾರೆ ಯಾಕೊ? ಏನಾದರೂ ಮೇಲಿನ ಆಭಿಪ್ರಾಯವನ್ನು ಕೃ‍ಷ್ಣಪ್ಪ ಅಲಿಯಾಸ್ ………. ರವರು ಬರೆದು, ಈಗ ನಮ್ಮ ಒರಿಜನಲ್ ಗುರುಗಳು ಬಂದು ಚಪ್ಪಾಳೆ ತಟ್ಟಿದರೆ? 🙂

        ಉತ್ತರ
        • Nagshetty Shetkar
          ನವೆಂ 29 2013

          Mr. Vijay, any comments on what I said?

          ಉತ್ತರ
          • ರವಿ
            ಡಿಸೆ 1 2013

            ಪ್ರಗತಿಪರರೆಂದುಕೊಳ್ಳುವ ನೀವೇ ಮಾತು ಮಾತಿಗೆ ನಿಷೇಧ ಹೇರುವ ಬಗ್ಗೆ ಮಾತಾಡಿದರೆ ಹೇಗೆ? ನಿಮ್ಮವರೇ ಆದ ಎಂ ಎಫ್ ಹುಸೇನ್ ಆತ್ಮಕ್ಕೆ ಶಾಂತಿ ಸಿಗಲಾರದು. ನಂಬಿಕೆ/ಮೂಢನಂಬಿಕೆಗಳ ವಿಷಯದಲ್ಲಿ ನೀವೇ ಹೇಳಿದಂತೆ – ಇಂಥ ಸಿನೆಮಾಗಳನ್ನು ಎಂ ಎಫ್ ಹುಸೆನರಂಥ ವಿವಾದಾತ್ಮಕ ಚಿತ್ರಕಾರರ ಚಿತ್ರಗಳನ್ನು ತೋರಿಸುವವರ, ನೋಡುವವರ, ಪ್ರೋತ್ಸಾಹಿಸುವವರ ಮೇಲೆ ಸಿಕ್ಕಾಪಟ್ಟೆ ತೆರಿಗೆ ಹಾಕಿ ಜನರೇ ಅವುಗಳಿಂದ ದೂರ ಉಳಿಯುವ ಹಾಗೆ ಮಾಡಬೇಕು ಅಲ್ಲವೇ?

            ಉತ್ತರ
            • Nagshetty Shetkar
              ಡಿಸೆ 2 2013

              ವಿತ್ತಂಡ ವಾದ. ಸಾರ್ವಜನಿಕ ಸ್ಥಳಗಳಲ್ಲಿ ಪ್ರಚೋದಕಕಾರಿ ಉದ್ರೇಕಕಾರಿ ಸಿನೆಮಾ ಪೋಸ್ಟರ್ ಹಾಕುವುದನ್ನು ಸಮರ್ಥಿಸುವ ನೀವು ಅದೇ ಉಸಿರಿನಲ್ಲಿ ಒಳ್ಳೆ ಸಿನೆಮಾಗಳು ಬರುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸುತ್ತೀರಿ. ಗೋಸುಂಬೆ.

              ಉತ್ತರ
              • ರವಿ
                ಡಿಸೆ 2 2013

                ವೃಥಾ ನಿಮ್ಮ ಗುಣಗಳನ್ನು ನನಗೆ ಆರೋಪಿಸುತ್ತಿದ್ದೀರಿ.. ನಿಮ್ಮನ್ನು ಕ್ಷಮಿಸಿದ್ದೇನೆ. ನಾನು ಉದ್ರೇಕಕಾರಿ ಸಿನೆಮಾ ಪೋಸ್ಟರ್ ಹಾಕುವುದನ್ನು ಸಮರ್ಥಿಸಿಯೂ ಇಲ್ಲ ಒಳ್ಳೆ ಸಿನೆಮಾಗಳು ಬರುತ್ತಿಲ್ಲ ಎಂದು ಬೇಸರಿಸಿಯೂ ಇಲ್ಲ.. ನೀವು ಹೇಳಿದ ಹಾಗೆ ಇವುಗಳ ಮೇಲೆ ನಿಷೇಧ ಹೇರಿದರೆ ನಿಮ್ಮವರೆ ಅಭಿವ್ಯಕ್ತಿ ಸ್ವಾತಂತ್ರ್ಯದ ಕಗ್ಗೊಲೆ ಎನ್ನುತ್ತಾ ಬೀದಿಗಿಳಿಯುತ್ತಾರೆ ಎಂದೆ ಅಷ್ಟೇ.

                ಉತ್ತರ
        • Rajesh j
          ಡಿಸೆ 2 2013
        • Rajesh j
          ಡಿಸೆ 2 2013
        • Rajesh j
          ಡಿಸೆ 2 2013

          Vijay pai ge +1

          ಉತ್ತರ

ನಿಮ್ಮದೊಂದು ಉತ್ತರ Rajesh j ಗಾಗಿ ಪ್ರತ್ಯುತ್ತರವನ್ನು ರದ್ದುಮಾಡಿ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s

Note: HTML is allowed. Your email address will never be published.

Subscribe to comments