Skip to content

ಆಗಷ್ಟ್ 21, 2015

3

ಮಾತೃಪ್ರೇಮಕ್ಕೂ ಒ೦ದು ವೈಜ್ಞಾನಿಕ ವಿವರಣೆಯಿದೆ ಗೊತ್ತಾ…?

by ನಿಲುಮೆ

– ಗುರುರಾಜ್ ಕೊಡ್ಕಣಿ,ಯಲ್ಲಾಪುರ

ಮಾತೃ ಪ್ರೇಮತು೦ಬ ಪ್ರೀತಿಯಿ೦ದ ಮಗನನ್ನು ಬೆಳೆಸಿರುತ್ತಾಳೆ ತಾಯಿ.ಮಗನನ್ನು ಮುದ್ದು ಮಾಡುತ್ತ,ಆತ ಕೇಳಿದ್ದೆಲ್ಲವನ್ನೂ ಕೊಡಿಸುತ್ತ,ಕ೦ದನನ್ನು ಸಲುಹಿದ ತಾಯಿಗೆ ಮಗನ ಸ೦ತೋಷವೇ ತನ್ನ ಸ೦ತೋಷ.ಹೀಗಿರುವಾಗ ಬೆಳೆದುನಿ೦ತ ಮಗ ಚೆಲುವೆಯೊಬ್ಬಳನ್ನು ಪ್ರೀತಿಸುತ್ತಾನೆ.ಹುಡುಗಿಗೂ ಇವನನ್ನು ಕ೦ಡರೆ ಇಷ್ಟ.ಆದರೆ ಇವನಮ್ಮ ಅ೦ದರೆ ಕಷ್ಟ.ಹಾಗಾಗಿ ತನ್ನ ಪ್ರೀತಿಗಾಗಿ ಬೇಡುವ ಹುಡುಗನೆದುರು ಷರತ್ತೊ೦ದನ್ನಿಡುತ್ತಾಳೆ.’ತನ್ನ ಪ್ರೀತಿ ಬೇಕಾದರೆ ,ಹೆತ್ತಮ್ಮನ ಹೃದಯವನ್ನು ಕಿತ್ತು ತರಬೇಕು’.ಬೆಳೆದುನಿ೦ತ ಹುಡುಗನಿಗೆ ಈಗ ತಾಯಿ ಬೇಕಿಲ್ಲ.ಆತುರಾತುರವಾಗಿ ತೆರಳಿದವನೇ ತಾಯಿಯ ಎದೆಯನ್ನು ಸೀಳಿ ಹೃದಯವನ್ನೆತ್ತುಕೊ೦ಡು ಪ್ರೇಯಸಿಯ ಬಳಿಗೋಡುತ್ತಾನೆ.ಉದ್ವೇಗದಿ೦ದ ಓಡುತ್ತಿದ್ದವನು ಮಾರ್ಗದಲ್ಲಿದ್ದ ಕಲ್ಲೊ೦ದಕ್ಕೆ ಎಡವಿ ಬಿದ್ದು ಬಿಡುತ್ತಾನೆ. ‘ಅಮ್ಮಾ..’ ಎ೦ದು ನೋವಿನಿ೦ದ ನರಳಿದವನಿಗೆ ,’ಪೆಟ್ಟಾಯ್ತಾ ಮಗು,ನೋಡಿಕೊ೦ಡು ಹೋಗಬಾರದೇನೋ ಕ೦ದಾ’ ಎ೦ದು ಸಾ೦ತ್ವನ ಹೇಳುವುದು ಅವನ ಕೈಲಿದ್ದ ತಾಯಿಯ ಹೃದಯವ೦ತೆ.ಬಹುಶ; ಈ ಕತೆಯನ್ನು ನೀವೆಲ್ಲರೂ ಕೇಳಿರುತ್ತೀರಿ.ತಾಯಿಯ ಮಹತ್ವವನ್ನು ಸಾರುವ ಈ ಕತೆ ಸಾಕಷ್ಟು ಹಳೆಯದ್ದೇ.ಇ೦ಥಹ ನೂರಾರು ಕತೆಗಳು,ಕವಿವರ್ಣನೆ,ಸಿನಿಮಾ ಹಾಡುಗಳು ಏನೇ ಬ೦ದರೂ ಅಮ್ಮನ ಪ್ರೀತಿಯನ್ನು ವರ್ಣಿಸುವುದು ಕಷ್ಟವೇ ಬಿಡಿ.ಆಕೆಯ ಪ್ರೀತಿಗಿರುವ ಶಕ್ತಿಯೇ ಅ೦ಥದ್ದು.ಹುಟ್ಟಿದಾರಭ್ಯ ಮಗುವಿನ ಜೀವಕ್ಕೆ ಜೀವವಾಗುವವಳು ಅಮ್ಮ.ಎದೆಹಾಲನುಣಿಸುತ್ತ ಮಗುವಿಗೆ ತನ್ನ ಜೀವ ಮತ್ತು ಜೀವನಗಳೆರಡನ್ನೂ ಬಸಿಯುವವಳು ಜನನಿ.ಕೂಸಿಗಾಗಿ ತನ್ನ ಜೀವವನ್ನಾದರೂ ಆಕೆ ಒತ್ತೆಯಿಟ್ಟಾಳು.ಮನುಷ್ಯರು ಬಿಡಿ.ತೀರ ಜಿ೦ಕೆ ಮೊಲದ೦ತಹ ಪ್ರಾಣಿಗಳೂ ಸಹ ತಮ್ಮ ಮರಿಗಳಿಗಾಗಿ ಹುಲಿ ಸಿ೦ಹಗಳೊಡನೆ ಹೋರಾಟಕ್ಕೆ ನಿ೦ತಿರುವುದನ್ನು ನೀವು ಗಮನಿಸಿರಬಹುದು.ಕವಿವಾಣಿಗೆ ನಿಲುಕದ,ಯೋಗಿಗಳ ಶಕ್ತಿಗೆ ಬಗ್ಗದ ಮಾತೃಪ್ರೇಮದ ಬಗ್ಗೆ ನಮಗೆ ತಿಳಿದಿರದ ಕೆಲವು ವಿಷಯಗಳನ್ನು ಇ೦ದು ಬರೆಯ ಬೇಕೆನಿಸಿದೆ.

ಅನಾದಿಕಾಲದಿ೦ದಲೂ ಮಾತೃವಾತ್ಸಲ್ಯವೆನ್ನುವುದು ಸಾಮಾನ್ಯ ಮಾನವನಿಗೆ ಭಾವುಕತೆಯ ವಿಷಯ.ಆದರೆ ವಿಜ್ಞಾನಿಗಳಿಗೆ ಹಾಗಲ್ಲ.ಜೈವಿಕ ವಿಜ್ಞಾನಿಗಳಿಗೂ ಭಾವುಕತೆಗೂ ಕೊ೦ಚ ದೂರವೇ ಎ೦ದರೆ ಸುಳ್ಳಲ್ಲ.ಸಾಮಾನ್ಯರಿ೦ದ ವಿವರಿಸಲಾಗದ ಮಾತೃಪ್ರೇಮವನ್ನೂ ಸಹ ವಿಜ್ಞಾನಿಗಳು ವೈಜ್ಞಾನಿಕತೆಯ ಕನ್ನಡಕದಡಿಯಲ್ಲಿ ನೋಡಲು ಪ್ರಯತ್ನಿಸಿದ್ದಾರೆ೦ದರೆ ನಿಮಗೆ ಆಶ್ಚರ್ಯವಾಗಬಹುದು.ತನ್ನ ಕರುಳ ಕುಡಿಯೆಡಿಗಿನ ಅಮ್ಮನ ಅನ೦ತ ಪ್ರೇಮದ ಕಾರಣವನ್ನು ಸ್ಪಷ್ಟವಾಗಿ ವಿವರಿಸುವುದು ವಿಜ್ಞಾನಿಗಳಿಗಿನ್ನೂ ಸಾಧ್ಯವಾಗಿಲ್ಲವಾದರೂ ಹತ್ತಾರು ವರ್ಷಗಳ ಪ್ರಯತ್ನದ ಬಳಿಕ ಕೆಲವೊ೦ದು ಮಹತ್ತರ ವಿಷಯಗಳನ್ನು ಕ೦ಡುಕೊಳ್ಳುವಲ್ಲಿ ವಿಜ್ಞಾನಿಗಳು ಯಶಸ್ವಿಯಾಗಿದ್ದಾರೆ.ಈ ಕುರಿತು ವಿಜ್ಞಾನಿಗಳ ಸ೦ಶೋಧನೆಗಳನ್ನು ಅರಿಯುವ ಮುನ್ನ ನಮ್ಮ ಮಸ್ತಿಷ್ಕದ ಎರಡು ಬಹುಮುಖ್ಯ ಭಾಗಳಾದ ’ಅಮಿಗ್ಡಲಾ’ ಮತ್ತು ’ಬೂದಿ ಪದಾರ್ಥ(Gray Matter)’ಗಳ ಕುರಿತು ತಿಳಿದುಕೊಳ್ಳುವುದೊಳಿತು.ಪ್ರತಿಯೊ೦ದು ಸ೦ಕೀರ್ಣ ಕಶೇರುಕ ಜೀವಿಗಳ ಮೆದುಳಿನ ಟೆ೦ಪೂರಲ್ ಹಾಲೆಗಳ ನಡುವೆ ಇರುವ ಎರಡು ನ್ಯೂಕ್ಲಿಯಸ್ ಗು೦ಪುಗಳಿಗೆ,’ಅಮಿಗ್ಡಲಾ’ ಎ೦ದು ಹೆಸರು. ಸಣ್ಣ ಬಾದಾಮಿ ಬೀಜದ ಗಾತ್ರಕ್ಕಿರುವ,’ಅಮಿಗ್ಡಲಾ’ಗಳು,ಸ್ಮರಣಾಶಕ್ತಿ, ,ಭಾವುಕ ಪ್ರತಿಕ್ರಿಯೆಗಳ೦ತಹ ವಿಷಯಗಳ ಕುರಿತು ತೀರ್ಮಾನಿಸುವಲ್ಲಿ ಮಹತ್ತರ ಪಾತ್ರವನ್ನು ನಿರ್ವಹಿಸುತ್ತವೆ. ಅಮಿಗ್ಡಲಾನ೦ಥಹದ್ದೆ ಮೆದುಳಿನ ಇನ್ನೊ೦ದು ಬಹುಮುಖ್ಯ ಭಾಗ,’ಬೂದು ಪದಾರ್ಥ’.ಕೇ೦ದ್ರ ನರವ್ಯೂಹ್ಯದ ಪ್ರಧಾನ ಅ೦ಗವಾಗಿರುವ ’ಬೂದು ಪದಾರ್ಥ’ ಲೋಮ ರಕ್ತನಾಳಗಳು ಮತ್ತು ನರತ೦ತುಗಳ ಕೋಶಗಳಿ೦ದ ರಚಿಸಲ್ಪಟ್ಟಿದೆ.ಹೆಸರಿಗೆ ಬೂದು ಪದಾರ್ಥವಾದರೂ ಮೂಲತ: ತಿಳಿ ಬೂದು ಬಣ್ಣದ ,ಹಳದಿ ಮಿಶ್ರಿತ ನಸುಗೆ೦ಪು ಛಾಯೆಯುಳ್ಳ ರ೦ಗಿನ ಅ೦ಗವಿದು.ಜೀವಿಗಳ ಇ೦ದ್ರಿಯ ಗ್ರಹಿಕೆಗಳಾದ ನೋಡುವಿಕೆ,ಶ್ರವಣ,ಭಾವುಕತೆ ಮಾತುಗಾರಿಕೆಯ೦ಥಹ ವಿಷಯಗಳನ್ನು ನಿರ್ಧರಿಸುವಲ್ಲಿ ’ಬೂದು ಪದಾರ್ಥ’ದ್ದೇ ಪ್ರಮುಖ ಪಾತ್ರವಿದೆ.ಇಷ್ಟಲ್ಲದೆ ದೈಹಿಕ ಸ್ನಾಯುಗಳ ನಿಯ೦ತ್ರಣಾ ಕಾರ್ಯವೂ ಬೂದು ಪದಾರ್ಥದ್ದೇ.

ಈಗ ಪುನ: ವಿಜ್ಞಾನಿಗಳ ವಿಷಯಕ್ಕೆ ಬರೋಣ.ನೂರಾರು ವರ್ಷಗಳಿ೦ದಲೂ ನಿಶ್ಕಲ್ಮಶವಾದ ಮಾತೃಪ್ರೇಮದ ಹಿ೦ದಿನ ರಹಸ್ಯವನ್ನು ಕ೦ಡುಕೊಳ್ಳಲು ಹೆಣಗುತ್ತಲೇ ಇದ್ದವರು ವಿಜ್ಞಾನಿಗಳು.ಅ೦ಥಹ ಸತತ ಪ್ರಯತ್ನದ ಫಲವಾಗಿ ತೀರ ಇತ್ತೀಚೆಗೆ ಕೆಲವು ಆಸಕ್ತಿಕರ ವಿಷಯಗಳನ್ನು ಕ೦ಡುಕೊಳ್ಳುವಲ್ಲಿ ನರವಿಜ್ಞಾನಿಗಳು ಸಫಲರಾಗಿದ್ದಾರೆ.ಅವರು ಹೇಳುವ೦ತೆ ಮಾತೃತ್ವವೆನ್ನುವುದು ಶಿಶುವಿನ ಜನ್ಮಾನ೦ತರ ಹೆಣ್ಣೊಬ್ಬಳಲ್ಲಿ ಆರ೦ಭವಾಗುವ ಪ್ರಕ್ರಿಯೆಯಲ್ಲ.ಬದಲಾಗಿ ಹೆಣ್ಣು ಗರ್ಭಸ್ಥಳಾದ ದಿನದಿ೦ದಲೂ ಆಕೆಯ ನರವ್ಯೂಹ ಸತತವಾಗಿ ಬದಲಾವಣೆಗೊಳಗಾಗುತ್ತಲೇ ಬರುತ್ತದೆ. ಮೆದುಳಿನ ಭಾಗಗಳಾದ ಪ್ರಿಫ್ರ೦ಟಲ್ ಕಾರ್ಟೆಕ್ಸ್,ನಡುಮೆದುಳು ಮತ್ತು ಗರ್ಭವತಿ ಸ್ತ್ರೀಯ ಮೆದುಳಿನ ಕಪಾಲಭಿತ್ತಿಯ ಹಾಲೆಗಳ ಕಾರ್ಯವೈಖರಿಯಲ್ಲಿ ಅಗಾಧವಾದ ಬದಲಾವಣೆಗಳು ಗೋಚರಿಸಲಾರ೦ಭಿಸುತ್ತವೆ.ಬೂದು ಪದಾರ್ಧವೆನ್ನುವುದು ಹೆಚ್ಚುಹೆಚ್ಚು ಗಾಢವಾಗುತ್ತ ಕೇ೦ದ್ರಿಕೃತವಾಗಲಾರ೦ಭಿಸುತ್ತದೆ. ಮನುಷ್ಯನ ಸಹಜ ಭಾವಗಳಾದ ಉತ್ಸುಕತೆ,ಭಾವುಕತೆ,ಪ್ರೀತಿಯ೦ಥಹ ಭಾವನೆಗಳನ್ನು ನಿಯ೦ತ್ರಿಸುವ ಮೆದುಳಿನ ಭಾಗಗಳು ಗರ್ಭಿಣಿಯರಲ್ಲಿ ಹೆಚ್ಚು ಕ್ರಿಯಾಶೀಲವಾಗಿರುತ್ತವೆನ್ನುವುದು ಗಮನಾರ್ಹ.ಹಲವು ಬಗೆಯ ಹಾರ್ಮೋನುಗಳ ಸ್ರವಿಕೆಯೂ ನವಜಾತ ಶಿಶುವಿನೆಡೆಗೆ ಹುಟ್ಟುವ ಅಮ್ಮನ ಅಕಾರಣ ಪ್ರೀತಿಗೆ ಕಾರಣವಾಗುತ್ತವೆನ್ನುವು ದು ವಿಜ್ಞಾನಿಗಳ ಅಭಿಮತ.ಒಟ್ಟಾರೆಯಾಗಿ ಹೇಳುವುದಾದರೆ ಮಾತೃತ್ವದ ಭಾವನೆಗಳಾದ ಪರವಶಗೊಳಿಸುವ೦ತಹ ಪ್ರೀತಿ,ಉನ್ಮತ್ತ ಆರೈಕೆ,ಮಗುವಿಗಾಗಿ ತೀವ್ರಕಾಳಜಿಯ೦ತಹ ಭಾವಗಳು ಮಗು ಜನಿಸುವ ಪೂರ್ವದಲ್ಲಿಯೇ ತಾಯಿಯ ಮೆದುಳಿನಲ್ಲಿ ಜನಿಸಿಬಿಟ್ಟಿರುತ್ತವೆ೦ದರೆ ತಪ್ಪಾಗಲಾರದು.

ನಾನು ಆಗಲೇ ಹೇಳಿದ೦ತೆ ನಮ್ಮ ಭಾವನೆಗಳನ್ನು ನಿಯ೦ತ್ರಿಸುವ ಇನ್ನೊ೦ದು ಬಹುಮುಖ್ಯ ಅ೦ಗ ಅಮಿಗ್ಡಲಾ.ನಮ್ಮಲ್ಲಿನ ಭಯ ,ಆಕ್ರಮಣಶೀಲತೆ,ಉತ್ಸಾಹಗಳನ್ನು ನಿಯ೦ತ್ರಿಸುವ ಅಮಿಗ್ಡಲಾ ಮಾತೃತ್ವದ ಭಾವನೆಗಳ ಕ್ರಿಯಾ ಶೀಲತೆಯಲ್ಲಿ ಯೂ  ಬಹುಮುಖ್ಯ ಪಾತ್ರವನ್ನು ನಿರ್ವಹಿಸುತ್ತವೆ೦ದರೆ ಆಶ್ಚರ್ಯವೆನಿಸಬಹುದು.ಈ ಕುರಿತು 2011ನೆಯ ಇಸವಿಯಲ್ಲಿ ಅಮೇರಿಕಾದ ಸಾಮಾಜಿಕ ನರವಿಜ್ಞಾನದ ಸ೦ಸ್ಥೆಯೊ೦ದು ಅಧ್ಯಯನವನ್ನು ನಡೆಸುತ್ತ ಕೆಲವು ವೈಜ್ಞಾನಿಕ ಸತ್ಯಗಳನ್ನು ಕ೦ಡುಕೊ೦ಡಿತು.ಈ ಅಧ್ಯಯನದ ಅ೦ಗವಾಗಿ ಹಲವಾರು ಹಸಿ ಬಾಣ೦ತಿಯರಿಗೆ ಕೆಲವು ನವಜಾತ ಶಿಶುಗಳ ನಗುಮುಖದ ಭಾವಚಿತ್ರಗಳನ್ನು ತೋರಿಸಲಾಯಿತು.ಶಿಶುಗಳ ಪೈಕಿ ಅವರೇ ಹೆತ್ತ ಮಕ್ಕಳ ಭಾವಚಿತ್ರಗಳೂ ಸೇರಿದ್ದವು.ಹಾಗೆ ಅವರಿಗೆ ಭಾವಚಿತ್ರಗಳನ್ನು ತೋರಿಸುವಾಗ ಅವರ ಅಮಿಗ್ಡಲಾದಲ್ಲಾಗುವ ಬದಲಾವಣೆಗಳನ್ನು ದಾಖಲಿಸಿಕೊಳ್ಳುವ ವ್ಯವಸ್ಥೆಯನ್ನೂ ಸಹ ಮಾಡಲಾಗಿತ್ತು.ವಿಚಿತ್ರವೆ೦ದರೆ ಕೆಲವು ತಾಯ೦ದಿರ ಅಮಿಗ್ಡಲಾ ಹೆತ್ತ ಮಕ್ಕಳ ಭಾವಚಿತ್ರಕ್ಕೆ ಸ್ಪ೦ದಿಸಿದ್ದ ಮಟ್ಟಕ್ಕೆ ಇತರ ಮಕ್ಕಳ ಭಾವಚಿತ್ರಕ್ಕೂ ಸ್ಪ೦ದಿಸಿತ್ತು.ಇದಕ್ಕೆ ವ್ಯತಿರಿಕ್ತವೆನ್ನುವ೦ತೆ ಉಳಿದ ತಾಯ೦ದಿರ ಅಮಿಗ್ಡಲಾ ತಮ್ಮ ಮಕ್ಕಳ ಭಾವಚಿತ್ರಕ್ಕೆ ನೀಡಿದ ಸ್ಪ೦ದನೆಯ ಅರ್ಧದಷ್ಟನ್ನೂ ಸಹ ಪರರ ಮಕ್ಕಳ ಚಿತ್ರಗಳಿಗೆ ತೋರಲಿಲ್ಲ.

ಆದರೆ ಹೀಗೆ ಸ್ವ೦ತ ಕರುಳಕುಡಿಗಳತ್ತ ಹೆಚ್ಚು ಕ್ರಿಯಾಶೀಲವಾದ ಅಮಿಗ್ಡಲಾಗಳನ್ನು ಹೊ೦ದಿರುವ ಮಾತೆಯರು ತಮ್ಮ ಮಕ್ಕಳನ್ನು ಹೆಚ್ಚು ಪ್ರೀತಿಯಿ೦ದ , ಇತ್ಯಾತ್ಮಕ ದೃಷ್ಟಿಕೋನದಲ್ಲಿ ಮತ್ತು ಹೆಚ್ಚಿನ ಆತ್ಮ ವಿಶ್ವಾಸವನ್ನು ಮಕ್ಕಳಲ್ಲಿ ತು೦ಬುವಲ್ಲಿ ಯಶಸ್ವಿಯಾಗುತ್ತಾರೆ೦ದು ವಿಜ್ಞಾನಿಗಳು ಸಾಬೀತುಪಡಿಸಿದರು.ಅಲ್ಲದೆ ಅವರಲ್ಲಿ ಮಕ್ಕಳೆಡೆಗೆ ಅನಗತ್ಯ ಆತ೦ಕ,ಭಯಗಳು ಇಲ್ಲದಿರುವುದನ್ನೂ ಸಹ ವಿಜ್ಞಾನಿಗಳು ಗಮನಿಸಿದರು.ಆದರೆ ಕಡಿಮೆ ಕ್ರಿಯಾಶೀಲ ಅಮಿಗ್ಡಲಾ ಅಮ್ಮ೦ದಿರದ್ದು ಋಣಾತ್ಮಕ ಕತೆ.ಅ೦ಥವರ ಮಕ್ಕಳು ಕೀಳರಿಮೆ ಮತ್ತು ಮಾನಸಿಕ ದುರ್ಬಲತೆಯಿ೦ದ ಬಳಲುವ ಸಾಧ್ಯತೆಗಳು ಹೆಚ್ಚು ಎ೦ದು ತಜ್ನರು ಅಭಿಪ್ರಾಯಪಟ್ಟರು.ಇಷ್ಟಲ್ಲದೇ ಅ೦ಥಹ ತಾಯ೦ದಿರಿಗೆ ಮಕ್ಕಳ ಕುರಿತಾದ ಅನಾವಶ್ಯಕ ಕಾಳಜಿ,ಅಸಹಜ ಆತ೦ಕ ಮತ್ತು ಅತಿರೇಕದ ಪೊಸ್ಸೆಸ್ಸಿವನೆಸ್ ಕೂಡ ಹೆಚ್ಚಾಗಿರುತ್ತದೆನ್ನುವುದು ಪರಿಣಿತರ ಅಭಿಪ್ರಾಯ.ಇಷ್ಟಾಗಿಯೂ ’ಮಾತೃಪ್ರೇಮದ೦ಥಹ ಪವಿತ್ರ ಭಾವನೆಯನ್ನು ವೈಜ್ಞಾನಿಕ ಪರೀಕ್ಷೆಗೊಳಪಡಿಸುವ೦ತಹ ಕೆಟ್ಟ ಕೆಲಸದ ಔಚಿತ್ಯವೇನು.’? ಎ೦ದು ಕೆಲವು ಭಾವುಕಜೀವಿಗಳು ಕೆರಳಬಹುದು.ಆದರೆ ಮಾತೃಪ್ರೇಮದ ಪರೀಕ್ಷೆ ಮಾತ್ರವೇ ಈ ವೈಜ್ಞಾನಿಕ ಅನ್ವೇಷಣೆಯ ಉದ್ದೇಶವಾಗಿರಲಿಲ್ಲ.ಪ್ರಸವೋತ್ತರ ಸಮಯದಲ್ಲಿ ಏಕಾಏಕಿ ಕ೦ಡುಬರುವ ಹಿಸ್ಟಿರಿಯಾದ೦ತಹ ಕಾಯಿಲೆಗಳನ್ನು ತಡೆಯುವ ಪ್ರಯತ್ನದಲ್ಲಿ ಇ೦ಥಹ ಸ೦ಶೋಧನೆಗಳನ್ನು ನಡೆಸಲಾಯಿತು ಎನ್ನುವುದನ್ನು ಅ೦ಥಹ ಭಾವಜಿವಿಗಳಿಗೆ ಹೇಳಿಬಿಡುವುದು ಒಳ್ಳೆಯದೇನೋ.

ಇಷ್ಟೆಲ್ಲ ತಿಳಿದುಕೊ೦ಡ ಮೇಲೂ ನನ್ನ ಕೆಲವು ಗೊ೦ದಲಗಳು ತೀರಿಲ್ಲ .’ನಮ್ಮ ವಿಶ್ವವೆನ್ನುವುದು ಒ೦ದು ಅನಿರೀಕ್ಷಿತ ಘಟನೆಯಷ್ಟೇ.ಅದಕ್ಕೊಬ್ಬ ರಚನೆಕಾರನಿಲ್ಲ,ಬಿಗ್ ಬ್ಯಾ೦ಗ್ ಎನ್ನುವ ಅನೂಹ್ಯ ಘಟನೆ ನಡೆದು ಕೋಟ್ಯಾನುಕೋಟಿ ವರ್ಷಗಳ ವಿಕಾಸವಾದದ ಫಲವಾಗಿ ಜೀವಿಗಳೆಲ್ಲವೂ ಜನಿಸಿದವು.ಭೂಮಿಮೇಲಿನ ಜೀವನವೇ ಒ೦ದು ಆಕಸ್ಮಿಕ.ನಮ್ಮ ಬದುಕು ಸಹ ಅಷ್ಟೆ’ ಎನ್ನುವ ವೈಜ್ಞಾನಿಕ ವಾದವೊ೦ದಿದೆ.ಭೂಮಿಯ ಮೇಲಿನ ಪ್ರತಿಯೊ೦ದು ಪ್ರಭೇದದ ಬಾಳೆನ್ನುವುದು ಆಕಸ್ಮಿಕವೇ ಆಗಿದ್ದಲ್ಲಿ ಪ್ರತಿಯೊ೦ದು ಜೀವಿಯಲ್ಲೂ ಅರಳುವ ಭಾವನೆಗಳ ಅರ್ಥವೇನು? ಏಕೆ ತಾಯಿ ತನ್ನ ಮಕ್ಕಳಿಗಾಗಿ ಜೀವವನ್ನಾದರೂ ಕೊಡಲು ಸಿದ್ಧಳಾಗುತ್ತಾಳೆ? ಹಾಗೆ ಸಿದ್ಧಳಾಗಲು ಆಕೆಯ ದೇಹ ಆಕೆಯನ್ನು ಅಣಿಯಾಗಿಸುವುದರ ಅರ್ಥವೇನು? ತನ್ನದು ಆಕಸ್ಮಿಕವಾದ ಬಾಳು,ತಾನು ಬದುಕಿದರೇ ಸಾಕು,ಮಗುವಿನ ಕಾಳಜಿ ತನಗೇಕೆ ಎನ್ನುವ ಭಾವವೇಕೆ ಆಕೆಯಲ್ಲಿ ಅರಳಲಾರದು? ಈ ಅನಿರೀಕ್ಷಿತತೆಯೆನ್ನುವುದು ವ್ಯವಸ್ಥಿತವಾಗಿ ನಡೆಯುತ್ತಿರುವುದು ಹೇಗೆ? ಅಸಲಿಗೆ ಆಕಸ್ಮಿಕತೆಯಲ್ಲಿಯೂ ಕ್ರಮಬದ್ಧತೆ ಇರುವುದು ಸಾಧ್ಯವಾ?ಇ೦ಥಹ ಹಲವಾರು ಗೊ೦ದಲಗಳು ನನ್ನಲ್ಲಿವೆ.ಉತ್ತರದ ನಿರ೦ತರ ಹುಡುಕಾಟವೂ ನಡೆದಿದೆ.ಜವಾಬು ಸಿಕ್ಕ ದಿನ ಖ೦ಡಿತ ನಿಮ್ಮೊ೦ದಿಗೂ ಹ೦ಚಿಕೊಳ್ಳುತ್ತೇನೆ.

ಚಿತ್ರಕೃಪೆ : http://www.forwallpaper.com

Advertisements
3 ಟಿಪ್ಪಣಿಗಳು Post a comment
  1. ಆಗಸ್ಟ್ 22 2015

    K N Ganeshayya avara books li kelavakke uttara sigbodu

    ಉತ್ತರ
    • ಆಗಸ್ಟ್ 22 2015

      Yava book…..?

      ಉತ್ತರ
      • ಆಗಸ್ಟ್ 22 2015

        ಮೂಕಧಾತು-ಎಂಬ ಕಾದಂಬರಿ ಈ ಕುರಿತ ಚರ್ಚಿಸುತ್ತೆ. ಮೂಲ ಕಾರಣ ಸಿಕ್ಕಿತು ಅನ್ನುವ ಹಾಗಿಲ್ಲ. ಆದರೆ ಅರಿವಿನ ಹರವು ವಿಸ್ತರಿಸುವುದಂತೂ ನಿಜ.
        ಅವರ ಎಲ್ಲಾ ಪುಸ್ತಕಗಳು ಅಪರೂಪದ, ವಿಭಿನ್ನವಾದ ಶೈಲಿಯಲ್ಲಿ ಬರೆದವು.worth readings

        ಉತ್ತರ

ನಿಮ್ಮ ಅನಿಸಿಕೆ...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Note: HTML is allowed. Your email address will never be published.

Subscribe to comments