Skip to content

ಮಾರ್ಚ್ 17, 2016

3

ಗೂಗಲ್ ಸರ್ಚ್ ಮಾಡಲು ಕೆಲವು ಸುಲಭ ಟ್ರಿಕ್ಸ್

by ನಿಲುಮೆ

-ಅವಿನಾಶ್ ಬಿ

google_lupaಹಿಂದೆಂದೂ ಗೂಗಲ್ ಎಂಬ ಕ್ಷಿಪ್ರ ಸಂಶೋಧಕ ಇರಲಿಲ್ಲ. ಮುಂದೆ ಅದು ಇಲ್ಲದೆ ಜೀವನವೇ ಮುಂದೆ ಸಾಗದು ಎಂಬಂತಹಾ ಪರಿಸ್ಥಿತಿ ನಿರ್ಮಾಣವಾಗಿರುವುದು ಹೆಚ್ಚಿನವರಿಗೆ ಗೊತ್ತು. ಅಂತರ್ಜಾಲದಲ್ಲಿ ಮಾಹಿತಿಯ ಹುಡುಕಾಟಕ್ಕೆ ಸಂಬಂಧಿಸಿದಂತೆ ಗೂಗ್ಲಿಸುವುದು ಎಂಬ ಕ್ರಿಯಾಪದವೇ ಹುಟ್ಟಿಕೊಂಡಿದೆ ಎಂದಾದರೆ, ಸರ್ಚ್ ಎಂಜಿನ್ ಗೂಗಲ್‌ನ ಸಾಮರ್ಥ್ಯ ಮತ್ತು ವ್ಯಾಪ್ತಿ ಎಷ್ಟೆಂಬುದು ವೇದ್ಯವಾಗುತ್ತದೆ. ಅಂತಹಾ ಗೂಗಲ್‌ನಲ್ಲಿ ಯಾವುದೇ ಮಾಹಿತಿ ಹುಡುಕುವುದಕ್ಕಾಗಿ ಕೆಲವೊಂದು ಸರಳವಾದ ಟ್ರಿಕ್ಸ್ ಇಲ್ಲಿದೆ. ನಿಮಗೆ ಉಪಯುಕ್ತವಾಗುತ್ತದೆ.

* ಯಾವುದೇ ನಿರ್ದಿಷ್ಟ ಪದ ಗುಚ್ಛ, ಉದಾಹರಣೆಗೆ ಒಂದು ಹಾಡಿನ ಬಗ್ಗೆ ಮಾಹಿತಿ ಬೇಕೆಂದಾದರೆ ಮತ್ತು ಆ ಪದಗಳು ಇರಲೇಬೇಕಾದ ಒಂದು ವಾಕ್ಯವನ್ನು ಹುಡುಕಿ ತೋರಿಸಬೇಕೆಂದಾದರೆ ಗೂಗಲ್‌ನಲ್ಲಿ ಸರ್ಚ್ ಮಾಡುವಾಗ ಉದ್ಧರಣ ಚಿಹ್ನೆ (ಕೋಟ್ ಮಾರ್ಕ್ಸ್) ಬಳಸಿ. ಉದಾಹರಣೆಗೆ, “ಕನ್ನಡದಲ್ಲಿ ಬರೆಯುವುದು ಹೇಗೆ” ಅಂತ ಸರ್ಚ್ ಮಾಡಿದರೆ, ಆ ಮೂರೂ ಅಕ್ಷರಗಳು ಒಟ್ಟಾಗಿಯೇ ಇರುವ ಪುಟಗಳು ಮಾತ್ರವೇ ಕಾಣಸಿಗುತ್ತವೆ. ಕೋಟ್ ಮಾರ್ಕ್ ತೆಗೆದರೆ, ಕನ್ನಡ, ಬರೆಯುವುದು, ಹೇಗೆ ಎಂಬ ಅಕ್ಷಗಳಿರುವ ಎಲ್ಲ ಪುಟಗಳೂ ಕಾಣಸಿಗುತ್ತವೆ.

* ನೀವು ಹುಡುಕುವ ಯಾವುದೇ ಮಾಹಿತಿಯಲ್ಲಿ ನಿರ್ದಿಷ್ಟ ಪದ ಇರಲೇಬಾರದು ಅಂತ ನಿರ್ಧರಿಸಿದ್ದರೆ, ಮೈನಸ್ ಚಿಹ್ನೆ ಬಳಸಿ ಆ ಪದವನ್ನು ಹಾಕಿ ಹುಡುಕಿ. ಉದಾ: -ಕನ್ನಡದಲ್ಲಿ ಬರೆಯುವುದು ಹೇಗೆ ಅಂತ ಬರೆದರೆ, ಕನ್ನಡದಲ್ಲಿ ಎಂಬ ಪದ ಬಿಟ್ಟು, ಬೇರೆಲ್ಲ ಹುಡುಕಾಟದ ಪದಗಳು ದೊರೆಯುತ್ತವೆ.

* ಗೂಗಲ್‌ನಲ್ಲಿ ನೇರವಾಗಿ What is the time now in London ಅಂತ ಬರೆದರೆ (ಯಾವುದೇ ವಿದೇಶದ ಊರಿನ ಹೆಸರು ಬದಲಾಯಿಸಿಕೊಳ್ಳಿ) ಆ ಊರಿನಲ್ಲಿ ಈಗಿನ ಸಮಯವೆಷ್ಟೆಂಬುದು ತಕ್ಷಣಕ್ಕೆ ಕಾಣಿಸುತ್ತದೆ.

* ಕ್ಯಾಲ್ಕುಲೇಟರ್ ಆಗಿಯೂ ಗೂಗಲ್ ಅನ್ನು ಬಳಸಿ. ಗೂಗಲ್ ಸರ್ಚ್ ಬಾರ್‌ನಲ್ಲಿ 12345*54321 ಅಂತ ಬರೆದು ಎಂಟರ್ ಒತ್ತಿದಾಕ್ಷಣ ಉತ್ತರ ಲಭ್ಯವಾಗುತ್ತದೆ. ಕೂಡಿಸಲು +, ಕಳೆಯಲು -, ಗುಣಿಸಲು ಸ್ಟಾರ್ (*) ಹಾಗೂ ಭಾಗಿಸಲು ಎದುರು ಬಾಗಿದ ಅಡ್ಡಗೆರೆ (/) ಚಿಹ್ನೆ ಬಳಸಿ.

* ಡಿಕ್ಷನರಿಯಾಗಿ ಗೂಗಲ್ ಬಳಸಿ: Exception meaning in Kannada ಅಂತ ಸರ್ಚ್ ಮಾಡಿದರೆ, Exception ಪದದ ಅರ್ಥ ನಿಮಗೆ ದೊರೆಯುತ್ತದೆ. ಬೇಕಾದ ಇಂಗ್ಲಿಷ್ ಪದದ ಅರ್ಥ ತಿಳಿಯಲು ಇದನ್ನು ಬಳಸಬಹುದು. ಅದೇ ರೀತಿ, ಕನ್ನಡ ಪದ ಬರೆದು ಇಂಗ್ಲಿಷಿನಲ್ಲಿ ಯಾವ ಪದ ಎಂದೂ ತಿಳಿದುಕೊಳ್ಳಬಹುದು. ಎರಡನೆಯದು ಪರಿಪೂರ್ಣವಲ್ಲ, ಕೆಲವು ಸಾದಾ ಪದಗಳಿಗೆ ಮಾತ್ರ ಅರ್ಥ ದೊರೆಯುತ್ತದೆ ಎಂಬುದು ನೆನಪಿರಲಿ.

* ಯಾವುದೇ ಒಂದು ಪದದ ಪೂರ್ಣ ವಿವರಣೆ ಬೇಕಿದ್ದರೆ, Define: ಅಂತ ಬರೆದು, ಆ ಪದವನ್ನು ಹಾಕಿದರಾಯಿತು. ಉದಾ. Define:Google ಅಂತ ಹುಡುಕಿದರೆ, ಪೂರ್ಣ ವಿವರಣೆ ಲಭ್ಯವಾಗುತ್ತದೆ.

* ಹಿಂದೊಮ್ಮೆ ತಿಳಿಸಿದಂತೆ, ಬೇರೆ ದೇಶಕ್ಕೆ ಹೋಗಬೇಕೆಂದಿದ್ದರೆ, ಅಥವಾ ಬೇರೆ ಯಾವುದೇ ಮಾಹಿತಿಗಾಗಿ, ಉದಾ. ಸಾವಿರ ರೂಪಾಯಿಗೆ ಎಷ್ಟು ಬ್ರಿಟನ್ ಪೌಂಡ್ ಅಂತ ತಿಳಿಯಬೇಕಿದ್ದರೆ, 1000 INR in Pounds ಅಂತಲೋ, 100 Rs. in Euro ಅಂತಲೋ ಇಲ್ಲವೇ 100 INR in Dollar ಅಂತಲೋ ಸರ್ಚ್ ಮಾಡಿ, ಖಚಿತ ಮೊತ್ತ ತಿಳಿದುಕೊಳ್ಳಬಹುದು.

* ಬೇರೆ ಊರಿಗೆ ಹೋಗುತ್ತೀರಿ, ಅಲ್ಲಿ ಮಳೆಯೋ, ಚಳಿಯೋ, ಸೆಖೆಯೋ ಅಂತೆಲ್ಲಾ ತಿಳಿದುಕೊಳ್ಳಬೇಕೇ? ಅದನ್ನೂ ಗೂಗಲ್‌ನಿಂದಲೇ ತಿಳಿದುಕೊಳ್ಳಿ. ಉದಾಹರಣೆಗೆ, ಸರ್ಚ್ ಬಾಕ್ಸ್‌ನಲ್ಲಿ Weather in Hyderabad ಅಂತ ಬರೆದು ಎಂಟರ್ ಒತ್ತಿದಾಕ್ಷಣ, ಇಡೀ ವಾರದ ಪೂರ್ಣ ಮಾಹಿತಿ ಲಭ್ಯವಾಗುತ್ತದೆ.

* ಸ್ಮಾರ್ಟ್ ಫೋನುಗಳಲ್ಲಿರುವಂತೆ ನಿಮ್ಮ ಕಂಪ್ಯೂಟರ್‌ನಲ್ಲಿ ಅನುಕೂಲವಿದೆಯೆಂದಾದರೆ, ಗೂಗಲ್ ಸರ್ಚ್ ಬಾಕ್ಸ್ ಪಕ್ಕದ ಮೈಕ್ ಬಟನ್ ಒತ್ತಿ, ಧ್ವನಿಯ ಮೂಲಕವೂ ಹುಡುಕಾಟ ನಡೆಸಬಹುದು. ಉದಾ. ಮೈಕ್ ಬಟನ್ ಒತ್ತಿ, Tell me joke ಅಂತ ಹೇಳಿದರೆ, ಅದು ಜೋಕ್ಸ್ ಹುಡುಕಿ ಕೊಡುತ್ತದೆ.

 

Advertisements
3 ಟಿಪ್ಪಣಿಗಳು Post a comment
  1. ಮಾರ್ಚ್ 17 2016

    Thanks a lot.

    ಉತ್ತರ
  2. Naveen gangotri
    ಮಾರ್ಚ್ 17 2016

    ಖುಶಿಯ ವಿಚಾರವೆಂದರೆ ಗೂಗಲ್ ನಲ್ಲಿ ಇದನ್ನೇ ಸಂಸ್ಕೃತ ಹುಡುಕಾಟಕ್ಕೂ ಮಾಡಬಹುದಾಗಿದೆ ಅನ್ನೋದು. ಉದಾ- ಯಾವುದೋ ಶಬ್ದದ ಅರ್ಥ ಬೇಕು ಅಂದರೆ, ಸುಮ್ಮನೇ ದೇವನಾಗರಿಯಲ್ಲಿ ಆ ಪದವನ್ನು ಟಂಕಿಸಿ ಹುಡುಕಲು ಹೇಳಿದರೆ ಸಾಕು, ಆ ಪದಕ್ಕೆ ಸಂಬಂಧಿಸಿದ್ದೆಲ್ಲ ತೆರೆದುಕೊಳ್ಳುತ್ತದೆ. ಇನ್ನು ಸಾಹಿತ್ಯದ ವಿಚಾರಕ್ಕೆ ಬಂದರೆ ಕನ್ನಡದ ಹುಡುಕಾಟಕ್ಕಿಂತ ಸಂಸ್ಕೃತದ ಹುಡುಕಾಟವೇ ಪರಿಣಾಮಕಾರಿಯೂ ಫಲಪ್ರದವೂ ಆಗಿದೆ. ಉದಾ- ಯಾವುದೋ ಶ್ಲೋಕದ ಕಾಲುಭಾಗ ಮಾತ್ರವೇ ನಿಮಗೆ ನೆನಪಿದೆಯೆಂದರೆ ಅಷ್ಟನ್ನೇ ಮುದ್ರಿಸಿ ಹುಡುಕಲು ಹಚ್ಚಿದರೆ ಗೂಗಲ್ ಅದನ್ನು ಹುಡುಕಿಕೊಡುತ್ತದೆ. ಗೂಗಲ್ ನಲ್ಲಿ ಹುಡುಕಲು ಹೊರಟ ನಾನು ಈ ವಿಷಯದಲ್ಲಿ ಬರಿಗೈಲಿ ಬಂದ ದಾಖಲೆ ಇಲ್ಲ. ಪಾಣಿನಿ ವ್ಯಾಕರಣವಂತೂ ಪೂರ್ತಿಯಾಗಿ ಗೂಗಲ್ ಗೆ ಗೊತ್ತಿದೆ.

    ಉತ್ತರ
  3. Goutham
    ಮಾರ್ಚ್ 17 2016

    Thank you

    ಉತ್ತರ

ನಿಮ್ಮ ಅನಿಸಿಕೆ...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Note: HTML is allowed. Your email address will never be published.

Subscribe to comments