ವಿಷಯದ ವಿವರಗಳಿಗೆ ದಾಟಿರಿ

Posts tagged ‘ಗಂಡ’

1
ಆಕ್ಟೋ

ಮೌಲ್ಯ ಕಳೆದುಕೊಳ್ಳುತ್ತಿರುವ ಜೀವನವೂ ಸಡಿಲಗೊಳ್ಳುತ್ತಿರುವ ಸಂಬಂಧಗಳೂ..

– ಗುರುಮೂರ್ತಿ ಚಕ್ಕೋಡಬೈಲು

Kids N Divorceಇತ್ತೀಚಿಗೆ ಪತ್ರಿಕೆಯೊಂದರಲ್ಲಿ ವಿಚಿತ್ರ ವರದಿಯೊಂದು ಪ್ರಕಟಗೊಂಡಿತ್ತು.ಖಾಸಗಿ ಕಂಪನಿಯಲ್ಲಿ ಕೆಲಸ ನಿರ್ವಹಿಸುತ್ತಿರುವ ಮಹಿಳೆಯೊಬ್ಬರು ಗಂಡನಿಂದ ವಿಚ್ಛೇಧನ ಪಡೆದು ಬಾಯ್ ಫ್ರೆಂಡ್ ಜೊತೆಗೆ ಲಿವಿಂಗ್ ಟುಗೆದರ್ ರೀತಿಯ ಜೀವನ ನಡೆಸುತ್ತಿದ್ದರು.ಆದರೆ ಇಬ್ಬರೊಂದಿಗೂ ದೈಹಿಕ ಸಂಬಂಧ ಇಟ್ಟುಕೊಂಡಿದ್ದ ಆಕೆ ಈಗ ಗರ್ಭಿಣಿಯಾಗಿದ್ದು ತನಗೆ ಹುಟ್ಟಲಿರುವ ಮಗುವಿನ ಅಪ್ಪನನ್ನು ಗುರುತಿಸುವ ಸಲುವಾಗಿ ವೈದ್ಯಕೀಯ ಪರೀಕ್ಷೆಗಾಗಿ ಆಸ್ಪತ್ರೆಗೆ ಬಂದ ವಿಚಾರ ಪತ್ರಿಕೆಗಳಿಗೆ ಸುದ್ದಿಯಾಗಿತ್ತು.ಎಲ್ಲೋ ಅಮೆರಿಕಾ,ಇಂಗ್ಲೆಂಡ್ ಗಳಲ್ಲಿ ನಡೆಯುವ ಇಂತಹ ಘಟನೆಗಳ ಬಗ್ಗೆ ಓದಿ ಸುಮ್ಮನಾಗುತ್ತಿದ್ದ ನನಗೆ, ಬೆಂಗಳೂರಿನಲ್ಲೇ ನಡೆದ ಈ ಘಟನೆ ಆಶ್ಚರ್ಯ ಜೊತೆಗೆ ಆತಂಕವನ್ನೂ ಉಂಟುಮಾಡಿತು.ಅನೈತಿಕತೆ,ಸ್ವೇಚ್ಛೆಯನ್ನೇ ಬದುಕನ್ನಾಗಿಸಿಕೊಳ್ಳುವ ಹೊಸ ತಲೆಮಾರಿನ ಪ್ರತಿನಿಧಿಗಳೆಂಬಂತೆ ಕೆಲವರು ಕಾಣತೊಡಗಿದ್ದಾರೆ.ಡೈವೋರ್ಸ್ ಪದವೇ ಅಪರಿಚಿತವಾಗಿದ್ದ ನೆಲದಲ್ಲಿ ಹೊಂದಾಣಿಕೆಯ ಕೊರತೆಯ ಹೆಸರಿನಲ್ಲಿ ಡೈವೋರ್ಸ್ ಪ್ರಕರಣಗಳು ಹೆಚ್ಚತೊಡಗಿವೆ.ದಿನದಿಂದ ದಿನಕ್ಕೆ ಗಂಡು-ಹೆಣ್ಣಿನ ಸಂಬಂಧ,ಜೀವನ ಮೌಲ್ಯಗಳು ಗಟ್ಟಿಯಾಗುವುದರ ಬದಲು ದುರ್ಬಲವಾಗಲು ಕಾರಣವೇನು?? ಅನೈತಿಕ,ಅಕ್ರಮ,ನಿರ್ಲಜ್ಜ ಸಂಬಂಧಗಳೂ ಕೂಡ ಮುಜುಗರವಿಲ್ಲದೆ ಗುರುತಿಸಿಕೊಳ್ಳುವ ಮಟ್ಟಕ್ಕೆ ನಾವು ತಲುಪುತ್ತಿದ್ದೇವೆಯೇ??ಅದಕ್ಕೆ ಪೂರಕವಾದ ಸಮಾಜ ನಮಗರಿವಿಲ್ಲದೆಯೇ ನಿರ್ಮಾಣವಾಗುತ್ತಿದೆಯೇ?? ಇಂತಹ ಅನೇಕ ಪ್ರಶ್ನೆಗಳು ಮನಸ್ಸಿನಲ್ಲಿ ಮೂಡುತ್ತಿವೆ.

Read more »

Advertisements