ಕನ್ನಡದಲ್ಲಿ ಬರೆಯಲು ಇಲ್ಲಿ ಕ್ಲಿಕ್ಕಿಸಿ

ಚೆನ್ನಾಗಿ ಇದೆ.

ಇಂದು ನಾನು ಈ ಜಾಗವನ್ನು ನೋಡಿದೆ,ನನಗೆ ಖುಷಿಯಾಯಿತು. ಹಾಗೇನೆ ನಾನು ಈ ಸ್ಯೆಟನ್ನು ನನ್ನ ಗಣಕ ಯಂತ್ರದಲ್ಲಿ ಒಂದು ಡಿಪಾಲ್ಟ್ ಕಿಡಕಿಯಾಗಿ ಮಾಡಿಕೊಂಡಿದ್ದೇನೆ, ಇದ್ರಿಂದ ನಾನು ಸುಲಭವಾಗಿ ನಾನು ಬೇಕಾದಾಗ ಪಡೆಯಬಹುದು.
ಧನ್ಯವಾದಗಳು.

ಇಷ್ಟ ಆಯಿತು !
ನಿಮಗೆ ದೀಪಾವಳಿ ಹಬ್ಬದ ಶುಭಾಷಯಗಳು !

ನಿಮ್ಮ್ ಪ್ರಯತ್ನ ಚನ್ನಾಗಿದೆ ಒಳ್ಳೆಯದಾಗಲಿ

ಬಸವಣ್ಣೆಪ್ಪಾ.ಪ.ಕ೦ಬಾರ

ಒಳ್ಳೆಯ ಲೇಖನಗಳ ಸಂಗ್ರಹ ಈ ನಿಲುಮೆ ಆಗಿದೆ ನಿಮ್ಮ ಪ್ರಯತ್ನಕ್ಕೆ ನಮ್ಮ ಸಹಕಾರ ಎಂದಿಗೂ ಇರುತ್ತದೆ

ಯಡಿಯೂರಪ್ಪನವರೇ ನಿಮ್ಮ ನಡೆಯ ಬಗ್ಗೆ ಒಂದಷ್ಟು ಸಲಹೆಗಳು :

ಈ ಬರಹ ಕಟುವಾದರೂ ಕಹಿ ಸತ್ಯ.
ಯಡಿಯೂರಪ್ಪನವರು ಬದಲಾಗದಿದ್ದರೆ, ರಾಜ್ಯದಲ್ಲಿ ಬಿಜಿಪಿ ಅಧಿಕಾರಕ್ಕೆ ಬರುವುದು ಕನಸು. ನಾನು ಎನ್ನುವ ಅಹಂ ನಿಂದ ತುಂಬಿ ತುಳುಕುತ್ತಿರುವ ಮನುಷ್ಯ ಮತ್ತೆಂದು ಏಳಲಾರದಂತೆ ಕೆಳಗೆ ಬೀಳುವುದು ಖಚಿತ. ದೇಶದಲ್ಲಿ ಬಿಜೆಪಿಯ ಬಗ್ಗೆ ಜನರಿಗೆ ಈಗ ಒಲವು ಹೆಚ್ಚಾಗುತ್ತಿದೆ. ಅದನ್ನು ರಾಜ್ಯದಲ್ಲಿ ತರಬೇಕಾಗಿದೆ. ಹಿಂದೆ ಒಂದು ಸಮಯದಲ್ಲಿ ದೇಶದಲ್ಲಿ ವಾಜಪೇಯಿಯವರು ಪ್ರಧಾನಮಂತ್ರಿಗಳಾಗಬೇಕು, ಹಾಗಾಗಿ ನನಗೆ ಓಟು ಕೊಡಿ ಎಂದು ಮತ ಕೇಳುತ್ತಿದ್ದ ಬಿಜೆಪಿ ನಾಯಕರನ್ನು ನಾನು ನೋಡಿದ್ದೇನೆ. ತಮ್ಮ ಸ್ವಂತ ಬಲದಿಂದ ಎಲ್ಲೂ ಮತ ಕೇಳದ ಕೆಲ ವ್ಯಕ್ತಿಗಳನ್ನು ನೋಡಿದ್ದೇನೆ. ಆದರೆ ನೀವು ಹಾಗೇ ಮೋದಿಯವರ ಹೆಸರಿನಿಂದ ಮತ ಕೇಳದೇ, (ನೀವೆಂದೂ ಮೋದಿಯಾಗಲು ಸಾಧ್ಯವಿಲ್ಲ) ನಿಮ್ಮ ಸ್ವಸಾಮಥ್ಯದಿಂದ ಕರ್ನಾಟಕದಲ್ಲಿ ಸಂಘಟನೆಯನ್ನು ಬೆಳೆಸಿ. ಆಗ ನೀವು ನಿಮ್ಮ ಬಗ್ಗೆ ಪ್ರಚಾರ ಮಾಡುವುದು ಬೇಡ, ಸಂಘಟನೆಯವರೇ ನಿಮ್ಮನ್ನು ಗೆಲ್ಲಿಸುತ್ತಾರೆ. ಆದರೇ ನೀವೇನಾದರೂ ನಾನು ನನ್ನ ಜಾತಿ ಅಥವಾ ದುಡ್ಡಿನ ಬಲದಿಂದ ಗೆಲ್ಲುತ್ತೇನೆ ಎಂದು ನಿಮ್ಮ ಸುತ್ತ ಇರುವ ಭಟ್ಟಂಗಿಗಳ ಜೊತೆ ಸೇರಿ ಹೊರಟರೆ, ನಿಮಗೆ ಸೋಲು ಕಟ್ಟಿಟ್ಟ ಬುತ್ತಿ. ಈಗಾಗಲೇ ನಂಜನಗೂಡು ಉಪಚುನಾವಣೆಯ ಅನುಭವವಾಗಿದೆ. ಆ ಚುನಾವಣೆಯಲ್ಲಿ ನಿಮಗಿದ್ದ oveಡಿ ಛಿoಟಿಜಿiಜeಟಿಛಿe ನಿಮ್ಮನ್ನು ಸೋಲಿಸಿದ್ದು. ಸರಿಯಾದ ಯೋಜನೆ ಮಾಡದೇ ಇದ್ದುದು, ಮೂಲ ಕಾರ್ಯಕರ್ತರನ್ನು ದೂರವಿಟ್ಟಿದ್ದು, ಆ ಕ್ಷೇತ್ರಗಳಲ್ಲಿ ಮತದಾರರನ ಮನಸ್ಥಿತಿಯನ್ನು ಅರಿಯದೇ ಅಂದಾಜು ತಪ್ಪಿದ್ದು. ಇದೆಲ್ಲ ನಿಮ್ಮ ರಾಜಕೀಯ ಅನುಭವಕ್ಕೆ ಕಳಂಕ.
ಮುಖ್ಯವಾದ ಅಂಶ, ಪಕ್ಷ ಕಟ್ಟುವಲ್ಲಿ ಒದ್ದಾಡಿದ್ದ, ಹೋರಾಡಿದ್ದ, ತಮ್ಮನ್ನೆ ಅರ್ಪಿಸಿಕೊಂಡವರನ್ನು ದೂರವಿಟ್ಟು, ಅವರನ್ನು ಕಡೆಗಣಿಸಿ, ಬೇರೆ ಪಕ್ಷದವರಿಗೆ ಮಣೆ ಹಾಕುತ್ತಿರುವ ನಿಮಗೆ ಮತ್ತು ನಿಮ್ಮ ಗುಂಪಿಗೆ, ಮತ್ತೊಮ್ಮೆ ಅರಿವು ಮೂಡಿಸುವ ಅವಶ್ಯಕತೆ ಇದೆ ಎಂದೆನಿಸುತ್ತಿದೆ. ಕೇವಲ ಹಣಬಲ ಮತ್ತು ತೋಳ್ಬಲದಿಂದ ಗೆಲ್ಲುತ್ತೇನೆ ಎನ್ನುವ ಸಮಯ ಹಿಂದೆ ಸರಿಯುತ್ತಿದೆ. ಅಭಿವೃದ್ಧಿ ಪಥದತ್ತ ಯುವ ಸಮೂಹ ಹೆಜ್ಜೆ ಇಡುತ್ತಿದೆ. ಅಂತಹವರ ಬಲ ನಿಮಗೆ ಬೇಕಾಗಿದೆ. ಮೊನ್ನೆ ಮೊನ್ನೆ ನನ್ನ ಕಾಲೇಜಿನ ದಿನಗಳ ವಿದಾರ್ಥಿ ಸಂಘಟನೆಯ ನೆನಪು ಹಾಕುವ(ಎಬಿವಿಪಿ) ಸಖಿ-ಸಹಮಿಲನದಲ್ಲಿ ಬಂದಂತಹ ಒಬ್ಬ ಹಿರಿಯ ಕಾರ್ಯಕರ್ತೆ ತಾವು ಶಿವಮೊಗ್ಗದಲ್ಲಿ ಇದ್ದ ದಿನಗಳನ್ನು ಮೆಲುಕು ಹಾಕುವಾಗ ಹೇಳುತ್ತಿದ್ದರು, ಈಗ ಶಿವಮೊಗ್ಗ ಎಂದರೆ ಯಡಿಯೂರಪ್ಪ- ಈಶ್ವರಪ್ಪ ಎನ್ನುವ ತರಹ, ಈ ಕಡೆಗೆ ಯಡಿಯೂರಪ್ಪ ಒಂದು ಆಸ್ತಿ ಮಾಡಿದರೆ, ಆ ಕಡೆಗೆ ಈಶ್ವರಪ್ಪ ಒಂದು ಆಸ್ತಿ ಮಾಡಿದರು, ಅದರಂತೆ ಲೆಕ್ಕ ಹಾಕಿದರೆ ಶಿವಮೊಗ್ಗ ಅರ್ಧ ಅವರಿಬ್ಬರದೇ, ಅವರ ಸಂಬಂಧಿಕರದೇ ಎಂದು. ಸುಮ್ಮನೆ ಲೆಕ್ಕ ಹಾಕಿ ಇಪ್ಪತ್ತು ವರುಷದ ಹಿಂದೆ ಇದ್ದ ನಿಮ್ಮ ಆಸ್ತಿಗೂ ಈಗ ನಿಮ್ಮ ಬಳಿ ಇರುವ ಆಸ್ತಿಯನ್ನು ಲೆಕ್ಕ ಹಾಕಿ. ಇಂತಹ ಭ್ರಷ್ಟಾಚಾರ ಇರುವವರು ನಮಗೆ ಬೇಕೇ ಎನ್ನುವ ಅನುಮಾನ ಮೂಡುತ್ತದೆ. ನಾನು ಶಿಕಾರಿಪುರ ತಾಲೂಕಿನಲ್ಲಿ ಹುಟ್ಟಿ ಬೆಳೆದವಳು, ಅಲ್ಲಿ ನೀವು ಹಳ್ಳಿಗಳಲ್ಲಿ ಮನೆಗೆ ಮನೆಗೆ ಮತ ಹಾಕಲು ಕೊಟ್ಟ ಹಣದಿಂದ ತೆಗೆದುಕೊಂಡ ಪಾತ್ರೆ ಸಾಮಾನುಗಳು ಇತರೇ ವಸ್ತುಗಳನ್ನು ತೋರಿಸುತ್ತಾರೆ. ನಿಮ್ಮ ಸಾಮರ್ಥ್ಯ ಏನೆಂಬುದು ಇಲ್ಲಿ ಅರ್ಥವಾಗುತ್ತದೆ.
ಶಿಕಾರಿಪುರ ತಾಲೂಕಿನ ಅಂಜನಾಪುರ ಕೆರೆಯ ನೀರನ್ನು ನೀವು ಮಾಡಿಕೊಂಡ(….?) ತೋಟಕ್ಕೆ ಬೇರೆ ನೀರಿನ ಯೋಜನೆಯ ಹೆಸರಿನಲ್ಲಿ ತೆಗೆದುಕೊಳ್ಳುವುದರ ಬಗ್ಗೆ ಅಲ್ಲಿನ ಯುವಕರು ಮಾತನಾಡುತ್ತಾರೆ, ಅದೇ ನಿಮ್ಮ ಮುಂದೆ ಬಂದಾಗ ಮತದಾರ ಮತ್ತೆ ಆ ಎಂಜಲಿನ ಹಣದಾಸೆಗೆ ತಲೆಯಾಡಿಸುತ್ತಾರೆ, ಅಥವಾ ನಿಮ್ಮ ಧ್ವೇಷದ ನಡೆಯ ಬಗ್ಗೆ ಹೆದರಿ ಹಿಂದೆ ಸರಿಯುತ್ತಾರೆ.
ನನ್ನ ನಂತರ ನನ್ನ ಕ್ಷೇತ್ರದ ಒಬ್ಬ ಕಾರ್ಯಕರ್ತ ಚುನಾವಣೆಗೆ ನಿಂತು ಗೆಲ್ಲುವಷ್ಟು ನಾನು ಸಂಘಟನೆ ಮಾಡಿದ್ದೇನೆಂದು ಎದೆ ತಟ್ಟಿ ಹೇಳಿ ನೋಡೋಣ. ನೀವು ಬಿಟ್ಟರೆ ನಿಮ್ಮ ಮನೆಯವರೇ ಚುನಾವಣೆಗೆ ನಿಲ್ಲಬೇಕೆನ್ನುವುದಾದರೆ. ಕಾರ್ಯಕರ್ತರು ಯಾಕೆ ಬೇಕು. ಅದೇ ಮನೋಭಾವ ಈಗಿರುವ ಪ್ರತಿಯೊಬ್ಬ ನಾಯಕನಲ್ಲೂ ಇದೆ. ತಾವು ಇಲ್ಲವೇ ತನ್ನ ಮಗ, ಮಗಳು, ಸೊಸೆ, ಅಳಿಯ, ಯಾರು ಸಿಗದಿದ್ದರೆ ಮನೆ ಕೆಲಸದವರನ್ನಾದರೂ ಸರಿ ತಮ್ಮವರನ್ನೇ ನಿಲ್ಲಿಸಬೇಕು. ಅದಕ್ಕೆ ಉದಾಹರಣೆ, ತಾವು ಹಿಂದೆ ಜೈಲಿಗೆ ಹೋಗುವಾಗ, ಇಬ್ಬರು ಮುಖ್ಯಮಂತ್ರಿಗಳನ್ನು ಬದಲಿಸಿ ಬದಲಿಸಿ ಮಾಡಿದ್ದು. ಜನ ಇದನ್ನೆಲ್ಲ ಗಮನಿಸುತ್ತಿದ್ದಾರೆ. ಒಬ್ಬ ಸಾಮಾನ್ಯ ಮನುಷ್ಯನು ಇದರ ಬಗ್ಗೆ ಮಾತನಾಡುತ್ತಾನೆ.
ಹಿಂದೆ ನೀವು ಮುಖ್ಯಮಂತ್ರಿಯಾದಾಗ ಮಾಡಿದ ಜಾತಿ ಲೆಕ್ಕಾಚಾರ, ಇಂದಿನ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಸರ್ಕಾರದಲ್ಲಿ ದುಪ್ಪಾಟ್ಟಾಯಿತು. ಅಸಲಿಗೆ ನೀವು ಅತ್ಯಂತ ಭ್ರಷ್ಟಾಚಾರಿಗಳಾಗಲು ನಿಮ್ಮ ಜೊತೆಯಲ್ಲಿದ್ದ ಜಾತಿಯವರೇ ಕಾರಣ ಎನ್ನುವ ಸತ್ಯ ಅರ್ಥ ಮಾಡಿಕೊಂಡರೆ ಸಾಕು, ನಿಮ್ಮ ಅವಧಿಯಲ್ಲಿ ಪತ್ರಕರ್ತರನ್ನು ಸಹ ಭ್ರಷ್ಟಾಚಾರಿಗಳನ್ನಾಗಿ ಮಾಡಿದ್ದನ್ನು ಮರೆಯುವುದೇ ಇಲ್ಲ.
ಇನ್ನು ಯಾರಾದರೂ ನಿಮ್ಮಲ್ಲಿರುವ ಅವಗುಣಗಳನ್ನು ಹೇಳಿದರೆ, ನೀವು ಅವರನ್ನು ದ್ವೇಷಿಸುವ ರೀತಿ, ನಿಮ್ಮ ನಾಯಕತ್ವಕ್ಕೊಂದು ಪೆಟ್ಟು. ನಿಮ್ಮ ವೈಯಕ್ತಿಕವನ್ನು ರಾಜಕೀಯದಲ್ಲಿ ಸೇರಿಸದೇ, ತುಂಬಾ ಬೇಕಾದವರನ್ನು ಹೆಚ್ಚುಗಾರಿಕೆಯಲ್ಲಿ ಇಟ್ಟುಕೊಳ್ಳದೇ, ಎಲ್ಲರನ್ನೂ ಒಗ್ಗೂಡಿಸುವ ಪ್ರಯತ್ನ ಮಾಡಿ. ಯಾರಿಗೆ ಗೊತ್ತು ಇನ್ನು ಒಂದು ವರುಷದಲ್ಲಿ ರಾಜ್ಯ ರಾಜಕಾರಣದಲ್ಲಿ ಇನ್ನು ಏನೇನೂ ಬದಲಾವಣೆಗಳಾಗುತ್ತೋ. ಯಾರ ನಾಯಕತ್ವ ಎನ್ನುವುದಕ್ಕಿಂತ ಸಮೂಹ ನಾಯಕತ್ವದಲ್ಲಿ ಚುನಾವಣೆ ನಡೆಯುತ್ತೋ ಗೊತ್ತಿಲ್ಲ. ಇಂತಹದ್ದೊಂದು ಸಣ್ಣ ಯೋಚನೆ ಅಮಿತ್ ಷಾ ಮತ್ತು ಮೋದಿಯ ತಲೆಗೆ ಬಂದರೆ ಬಹುಷಃ, ನಿನ್ನೆ ನಡೆದ ಈಶ್ವರಪ್ಪನವರ ಸಮಾವೇಶದ ಅರ್ಭಟವನ್ನು ನಿಲ್ಲಿಸಬಹುದು ಹಾಗೆ ನಿಮ್ಮ ಅಹಃ ನ್ನು ಕೂಡಾ. ನಿಮ್ಮ ಈ ಕ್ಷುಲ್ಲಕ ರಾಜಕಾರಣ ನೋಡಿ ಮೂಲ ಕಾರ್ಯಕರ್ತರು, ಹಾಗೂ ಬಿಜೆಪಿಯ ಸಕ್ರಿಯ ಕಾರ್ಯಕರ್ತರು ಇಂತಹವರನ್ನು ನಾವು ನಾಯಕರನ್ನಾಗಿ ಮಾಡಿದೆವ, ಎಂದು ನೊಂದುಕೊಳ್ಳದಿರಲಾರರು.
ಹಾಗೆ ನೀವು ಮತ್ತು ನಿಮ್ಮ ಈಗಿನ ಗುಂಪು ಸಿದ್ಧಾರಾಮಯ್ಯನ ಮೇಲಿನ ಸಿಟ್ಟಿಗೋ ಅಥವಾ ಮುಂದಿನ ಚುನಾವಣೆಯಲ್ಲಿ ಗೆಲ್ಲಲೇಬೇಕೆಂದೋ, ಕಾಂಗ್ರೆಸ್ – ಜೆಡಿಎಸ್ ಪಕ್ಷದ ಅತೃಪ್ತ ನಾಯಕರನ್ನು ಬಿಜೆಪಿಗೆ ಕರೆತರುತ್ತಿರುವ ರೀತಿಯಂತೂ ಅಸಹ್ಯ ಹುಟ್ಟಿಸುವಂತದ್ದು, ಒಬ್ಬ ಸಸ್ಯಹಾರಿ ಏನೂ ತಿನ್ನಲೂ ಸಿಗದಿದ್ದಾಗ ನೀರು ಕುಡಿದು ಸುಮ್ಮನಾಗುತ್ತಾನೆಯೇ ಹೊರತು …………. ತಿನ್ನುವುದಿಲ್ಲ. ಅಂತಹ ಕೆಲಸಕ್ಕೆ ಈಗಿನ ಬಿಜೆಪಿ ನಾಯಕರು ಕೈ ಹಾಕಿದ್ದಾರೆ. ಮುಂದಿನ ಚುನಾವಣೆ ಸಂದರ್ಭದಲ್ಲಿ ವಲಸೆ ಬಂದವರಿಗೆ ಅಥವಾ ಅವರ ಮನೆಯವರಿಗೆ ಸಂಬಂಧಿಕರಿಗೆ ಟಿಕೆಟ್ ಕೊಡಲೇಬೇಕಾದ ಪರಿಸ್ಥಿತಿ ಎದುರಿಸಬೇಕಾಗುತ್ತದೆ. ಪಕ್ಷಕ್ಕಾಗಿ ದುಡಿದು ನಾಯಕ ಸ್ಥಾನ ಬಯಸಿದವರನ್ನು ಮೂಲೆಗುಂಪು ಮಾಡಬೇಕಾಗುತ್ತದೆ. ಇದರಿಂದ ಬಿಜೆಪಿಯಲ್ಲಿಯೇ ಅತೃಪ್ತರನ್ನು ಕಾಣುವ ಸಂದರ್ಭ ಎದುರಾಗುತ್ತದೆ.
ನನಗೆ ಎಷ್ಟೋ ಸಲ ಅನ್ನಿಸಿದೆ, ಜಾತಿ ಮತ ಧರ್ಮ ಪಕ್ಷ ನೋಡದೇ, ಎಲ್ಲರಾಜಕಾರಣಿಗಳನ್ನು ಆಸ್ತಿ ಅಂತಸ್ತಿನ ವಿಚಾರದಲ್ಲಿ ಜನತಾ ನ್ಯಾಯಾಲಯದ ಮುಂದೆ ನಿಲ್ಲಿಸಿದರೆ ಅವರುಗಳಿಗೆ ಬೆತ್ತಲಾದಷ್ಟು ಅವಮಾನ ಖಚಿತ, ನ್ಯಾಯಾಲಯದ ವ್ಯವಸ್ಥೆಯನ್ನು ಭ್ರಷ್ಟ ಮಾಡಿದಂತಹವರನ್ನು ಪ್ರಶ್ನಿಸಲು ಸಾಧ್ಯವೇ ಇಲ್ಲ ಎನ್ನುವಷ್ಟು ಮೇರೆ ಮೀರಿದವರನ್ನು ಸಹ ಹತ್ತಿಕ್ಕಲು, ಎಲ್ಲೊ ಒಂದು ಕಡೆ ಅಶಾಕಿರಣ ಮಿಂಚುತ್ತಿದೆ. ಯಾರೋ ಬರಬಹುದೆಂದು. ಕರ್ನಾಟಕಕ್ಕೆ ಒಬ್ಬ ಯೋಗಿ ಅದಿತ್ಯ ಬರಲೆಂದು.
ನಾನು ಅನೇಕರನ್ನು ಭ್ರಷ್ಟತೆಯ ಬಗ್ಗೆ ಮಾತನಾಡಿಸಿದಾಗ ಹೇಳಿದ್ದು, ಭ್ರಷ್ಟತೆಯಿಲ್ಲದ ಸ್ಥಳವಿಲ್ಲ, ಅದರೆ ಅತೀ ಕಡಿಮೆ ಭ್ರಷ್ಟತೆ ಇರುವ ಭ್ರಷ್ಟರನ್ನು ಅಯ್ಕೆ ಮಾಡೋಣ ಎಂದು. ಅದು ನೀವು ಮತ್ತು ನಿಮ್ಮ ಗುಂಪು ಆಗಿರಲಿ ಎಂದು ಆಶಿಸುತ್ತೇನೆ.
—————
ಶೋಭಾ ಹೆಚ್.ಜಿ ಸಂಪಾದಕರು,
’ಸ್ತ್ರೀ ಜಾಗೃತಿ’ ಮಾಸಪತ್ರಿಕೆ, ಸಂ.೩೩, ಸುಮುಖ ರೆಸಿಡೆನ್ಸಿ,
೩ನೇ ಅಡ್ಡರಸ್ತೆ, ೧ನೇ ಮುಖ್ಯರಸ್ತೆ, ಗವೀಪುರಂ ಬಡಾವಣೆ,
ಬೆಂಗಳೂರು-೫೬೦ ೦೧೯ ದೂ: ೦೮೦-೨೬೬೦೦೦೨೨/
ಜಂಗಮವಾಣಿ : ೯೪೪೮೯೪೫೩೬೭
Email:sthree.jagruthi@gmail.com

ಸುಂದರವಾದ ಕಥೆಯೊಂದಿದೆ ಸರ್ 🙏🙏: