ವಂಚನೆಗೆ ಮತ್ತೊಂದು ಹೆಸರು “ಅವಳು”

ಪಿಸಿಬಿ ಪುತ್ತೂರು

ಅವಳ ಹೆಸರು ನಯನ(ಹೆಸರು ಬದಲಾಯಿಸಲಾಗಿಲ್ಲ). ನನ್ನ ಸ್ನೇಹಿತನೊಬ್ಬ ಆಕೆಯನ್ನು ಹುಚ್ಚನಂತೆ ಪ್ರೀತಿಸುತ್ತಿದ್ದ. ಅವಳು ಇರೋದು ಬೆಂಗಳೂರಿನಲ್ಲಿ. ಆತ ದಕ್ಷಿಣ ಕನ್ನಡ ಜಿಲ್ಲೆಯಲ್ಲೊಂದು ಊರಿನಲ್ಲಿ. ತಕ್ಕಮಟ್ಟಿಗೆ ಸ್ಥಿತಿವಂತ. ಅದಕ್ಕೆ ಇರಬೇಕು. ಅವಳು ಅವನನ್ನು ಆಯ್ಕೆ ಮಾಡಿಕೊಂಡದ್ದು. ಸಿಕ್ಕಾಪಟ್ಟೆ ಪ್ರೀತಿಸುತ್ತಿದ್ದ. ನಾನು ಕಾಲ್ ಮಾಡಿದಾಗ ಏನು ಮಾಡ್ತಾ ಇದ್ದಿ ಅಂತ ಕೇಳಿದಾಗ “ಅವಳ ಫೋಟೊ ನೋಡ್ತಾ ಇದ್ದಿನಿ” ಅಂತ ನಗುತ್ತಿದ್ದ. ಅವನದ್ದು ಮಗುವಿನ ಮನಸ್ಸು. ಅವಳು ಸೆಟ್ ಆದಾಗಲೇ ಮದುವೆ, ಭವಿಷ್ಯ ಎಲ್ಲ ಯೋಚಿಸಿದ್ದ. ಮುಂದಿನ ವರ್ಷವೇ ಮದುವೆಯಾಗ್ತಿನಿ ಅಂತ ಮಾತುಕೊಟ್ಟಿದ್ದ.

ಅದು ಆತನ ಮೊದಲ ಪ್ರೀತಿ. ದಿನಕ್ಕೆ ಕಮ್ಮಿ ಎಂದರೂ 5-6 ಬಾರಿ ಫೋನ್ ಮಾಡಿ ಮಾತನಾಡುತ್ತಿದ್ದರು. ಇತ್ತೀಚೆಗೊಮ್ಮೆ ಭೇಟಿಯೂ ಆಗಿದ್ದರು. ಇವರಿಬ್ಬರ ಪರಿಚಯವಾದದ್ದು ಅವನ ಊರಿನವಳೊಬ್ಬಳ ಸಹಾಯದಿಂದ. ಆಕೆಯ ನೆರೆಮನೆಯ ಹುಡುಗನಾದ್ದರಿಂದ ಒಂದಿಷ್ಟು ಸಲುಗೆ ಜಾಸ್ತಿಯಿತ್ತು. ನನಗೆ ಲವ್ ಸ್ಟೋರಿ ಕೇಳುವುದಕ್ಕೆ ತುಂಬಾ ಇಷ್ಟ. ಅವನು ದಿನಾ ನಂಗೆ ರಿಪೋರ್ಟ್ ಮಾಡುತ್ತಿದ್ದ. ಆದರೆ ಮೊನ್ನೆ “ಅವಳನ್ನು ಬಿಟ್ಟು ಬಿಡು” ಅಂದೆ. ಅವನು ಓಕೆ ಅಂದ.

ನಯನಳ ರೂಂ ಮೇಟ್ ಹುಡುಗಿ, ಐಮೀನ್ ಆತನ ಊರಿನ ಹುಡುಗಿಗೊಂದುದಿನ ಷಾಕ್. ಯಾಕೆಂದರೆ ನಯನ ದಿನಾ ಇವನ ಬಳಿಯೇ ಮಾತನಾಡುತ್ತಾಳೆ. ಅಂದುಕೊಂಡಿದ್ದಳು. ಆದರೆ ಅವಳು ಮೆಂಟಲ್. ಯಾಕೆಂದರೆ ಅವಳಲ್ಲಿ ಎರಡು ಸಿಮ್ ಎರಡು ಮೊಬೈಲ್. ಒಂದರಲ್ಲಿ ಇವನಲ್ಲಿ ಮಾತನಾಡೋದು. ಮತ್ತೊಂದರಲ್ಲಿ ಮಂಡ್ಯದ ಹುಡುಗನಲ್ಲಿ. ನನ್ನ ಫ್ರೆಂಡ್ ಮೈಮರೆತು ಮಾತನಾಡುವಾಗ ಮಂಡ್ಯದ ಹುಡುಗನ ಫೋನ್ ಬಂದರೆ “ಬ್ಯಾಟರಿ ಮುಗಿತು. ಈಗ ಸ್ವೀಚ್ ಆಫ್ ಆಗುತ್ತೆ” ಅಂತ ಫೋನ್ ಕಟ್ ಮಾಡುತ್ತಿದ್ದಳು. ಹೀಗೆ ಅವಳದ್ದು ಎರಡು ದೋಣಿ ಸವಾರಿ.

ಅವಳಿಗೆ ಗೊತ್ತು. ಮಂಡ್ಯದ ಹುಡುಗನನ್ನು ಮದುವೆಯಾಗಲು ಸಾಧ್ಯವಿಲ್ಲ ಅಂತ. ಆದ್ರೆ ಆತನ ಪೋಲಿತನ ಅವಳಿಗೆ ಇಷ್ಟ. ಇವನ ಭಾವನಾತ್ಮಕತೆ ಅವಳಿಗೆ ಇಷ್ಟ. ಇವನು ತನ್ನದೇ ಜಾತಿಯವ. ಮದುವೆಯಾಗಲು ಅಡ್ಡಿಯಿಲ್ಲ ಅಂತ ಅವಳು ಯೋಚಿಸಿರಬೇಕು. ಕೊನೆಯ ಬಾರಿ ಅವಳಿಗೆ ಕರೆ ಮಾಡಿ “ಮತ್ತೆ ನನಗೆ ಕಾಲ್ ಮಾಡಿದ್ರೆ ಜಾಗ್ರತೆ” ಅಂತ ಬಯ್ದುಬಿಟ್ಟನಂತೆ. ಮತ್ತೆ ಒಂದು ರಾತ್ರಿ ಪೂರ್ತಿ ಅತ್ತನಂತೆ. ಮರುದಿನ ಬೆಳ್ಳಗ್ಗೆ ನಾನು ಕರೆ ಮಾಡಿದಾಗಲೂ ಅತ್ತ. ಥೂ.. ಆಗ್ಲೆ ಇಂತಹ ವಂಚಕಿಯರ ಕುರಿತ ನನ್ನ ದ್ವೇಷ ಗಟ್ಟಿಯಾದದ್ದು. ಇದರಲ್ಲಿ ಎಲ್ಲಿ ಹುಡುಕಿದರೂ ಅವನ ತಪ್ಪಿರಲಿಲ್ಲ. ಆಯ್ಕೆ ಮಾಡಿಕೊಂಡ ತಪ್ಪೊಂದನ್ನು ಹೊರತುಪಡಿಸಿ. ಇಂತಹ ಹಲವು ಘಟನೆಗಳನ್ನು ನಾನು ನೋಡಿದ್ದೇನೆ. ಪಾಪದ ಹುಡುಗರು ವಂಚನೆಗೆ ಒಳಗಾಗುವುದು.

ನಿಮ್ಹಾನ್ಸ್ ನಲ್ಲಿ ನರ್ಸಿಂಗ್ ಮಾಡುವ ನನ್ನ ರಿಲೇಷನ್ ಹುಡುಗಿಯೊಬ್ಬಳು ಅವಳ ಸ್ನೇಹಿತೆಯರ ಕತೆ ಹೇಳುತ್ತಾಳೆ. ಅವರಿಗೆಲ್ಲ ತಿಂಗಳಿಗೊಬ್ಬ ಬಾಯ್ ಪ್ರೇಂಡ್ ಅಂತೆ. ಡ್ರೆಸ್ ಬದಲಾಯಿಸಿದ ಹಾಗೇ ಅವರನ್ನು ಬದಲಾಯಿಸುತ್ತಾರಂತೆ. ಪಾಪ ಮತ್ತೆ ಎಷ್ಟು ಕರೆ ಮಾಡಿದರೂ, ಗೋಗರೆದರೂ ಅವರ ಕರೆಯನ್ನು ಸ್ವೀಕರಿಸುವುದಿಲ್ಲವಂತೆ. ಎಂತಹ ಕಟು ಹೃದಯ. ಅವರ ಟೈಂಪಾಸ್ ಗುಣದಿಂದ ವಿಲವಿಲನೆ ಒದ್ದಾಡುವ ಹೃದಯಗಳೆಷ್ಟೋ..

ಹಾಗಂತ ಎಲ್ಲ ಹುಡುಗಿರು ವಂಚಕರು ಅಂತ ಹೇಳಲಾಗದು. ಹುಡುಗರಿಂದ ಮೋಸ ಹೋದವರೂ ಇದ್ದಾರೆ. ಆದರೆ ನಾನು ನೋಡಿರುವ ಹೆಚ್ಚಿನ ಪ್ರೀತಿಗಳಲ್ಲಿ ವಂಚನೆಯಾಗಿದ್ದು ಹುಡುಗರಿಗೆ. ಅವಳು ಸದಾ “ವಂಚಕಿ”ಯಾಗಿ ನನಗೆ ಕಾಣುತ್ತಾಳೆ. ಮತ್ತೊಬ್ಬನಿದ್ದ. ಆತನ ಹೆಸರು ಪ್ರಾಣೇಶ್ ಎಂದಿರಲಿ. 3 ವರ್ಷಗಳ ಕಾಲ ಒಬ್ಬ ಹುಡುಗಿಯನ್ನು ಪ್ರೀತಿಸಿದ. ಮತ್ತೆ ಅವಳು ಕೈಕೊಟ್ಟಳು. ಇವನು ಭಗ್ನ ಪ್ರೇಮಿಯಾಗಿ ಬಿಟ್ಟ. ಈಗ ಅವನಿಗೆ ಪ್ರೀತಿ ಅಂದ್ರೆ ಅಲರ್ಜಿ. ಅದಕ್ಕೆ ಯಾರಾದರೂ ಪ್ರೀತಿಯ ಬಗ್ಗೆ ಮಾತನಾಡಿದರೆ ಸಾಕು. ಅವನದ್ದು ಒಂದೇ ಮಾತು. ಸುಮ್ಮನೆ ಪ್ರೀತಿ ಮಾಡಬೇಡ. ಸಾಧ್ಯವಾದರೆ “ಮಾಡಿ” ಬಿಡು. ನಾನು ಅವನ ಮಾತನ್ನು ಯಾವತ್ತೂ ವಿರೋಧಿಸುತ್ತೇನೆ.

ಆದರೆ “ವಂಚಕಿ”ಯರ ಕತೆಗಳನ್ನು ಕೇಳುವಾಗ, ವಂಚನೆಗೆ ಒಳಗಾಗುವಾಗ, ಭಗ್ನ ಹೃದಯದೊಂದಿಗೆ ಬಡಬಡಿಸುವರಿಗೆ ಪ್ರಾಣೇಶ್ ಮಾತು ಆದರ್ಶವಾಗುವ ಅಪಾಯವೂ ಇದೆ. ಅಥವಾ ಪ್ರಾಣೇಶ್ ನಂತಹ ವ್ಯಕ್ತಿತ್ವ ಸೃಷ್ಟಿಯಾಗುವ ಸಾಧ್ಯತೆನೂ ಇದೆ. ಹೆಚ್ಚಿನ ಸಂದರ್ಭದಲ್ಲಿ ಹುಡುಗೀರೆಂದರೆ ಅರ್ಥವಾಗುವುದೇ ಇಲ್ಲ. ಅದಕ್ಕೆ ಹೇಳುವುದು. ನೀರಿನಲ್ಲಿ ಮೀನಿನ ಹೆಜ್ಜೆಯನ್ನಾದರೂ ಕಂಡು ಹಿಡಿಯಬಹುದು. ಆದರೆ ಹುಡುಗೀರ ಮನಸ್ಸನ್ನು…..

ವಂಚನೆಗೆ ಮತ್ತೊಂದು ಹೆಸರು “ಅವಳು” “ಅವಳು” ಮತ್ತು “ಅವಳು”

ಚಿತ್ರಕೃಪೆ: voteupindia.com