2
ಆಗಸ್ಟ್
ಮಹಾರಾಷ್ಟ್ರಕ್ಕೆ ಬೆಳಗಾವಿ,ಕೇರಳಕ್ಕೆ ಕಾಸರಗೋಡು,ಕರ್ನಾಟಕಕ್ಕೆ…!?
– ರಾಕೇಶ್ ಶೆಟ್ಟಿ 
ಆಂಧ್ರ ಪ್ರದೇಶ ಹೋಳಾಗಿದ್ದಕ್ಕೆ ಕೆಲವು ಕನ್ನಡಿಗರು ಬಹಳ ವೇದನೆ ಅನುಭವಿಸುತಿದ್ದಾರೆ. ತಮ್ಮದೇ ರಾಜ್ಯದ ಭಾಗವಾಗಿದ್ದ “ಕಾಸರಗೋಡು” ಕೇರಳಕ್ಕೆ ಹೋದಾಗ ಇವರಿಗೆ ಏನು ಅನಿಸಿರಲಿಲ್ಲವೇ? ಏಕೀಕರಣದ ಸಮಯದಲ್ಲಿ “ಕಾಸರಗೋಡಿನವರ” ಸಹಾಯ ನಮಗೆ ಬೇಕಿತ್ತು.ಈಗ ಅದನ್ನು ಮರೆತು ಅವರ ನೋವಿಗೆ ದನಿಯಾಗದ ನಾವುಗಳು “ದ್ರೋಹಿ”ಗಳಲ್ಲವೇ…!? ೩ ವರ್ಷದ ಹಿಂದೆ ಕಾಸರಗೋಡಿನ ಬಗ್ಗೆ ಬರೆದ ಲೇಖನವಿದು.
————————————————
‘ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು
ಬದುಕಿ ಬಲುಹಿನ ನಿಧಿಯು ಸದಾಭಿಮಾನದ ಗೂಡು’
ಅಂತ ‘ಹುಯಿಲಗೋಳ ನಾರಾಯಣರಾಯ’ರು ಏಕೀಕರಣಕ್ಕೆ ಮೊದಲು ಬರೆದಿದ್ದರು.
‘ಹೊತ್ತಿತೋ ಹೊತ್ತಿತು ಕನ್ನಡದ ದೀಪ
ಮುಗಿಯಿತೋ ಮುಗಿಯಿತು ಶತಮಾನಗಳ ಶಾಪ’
ಅಂತ ಏಕೀಕರಣದ ನಂತರ ಬರೆದವರು ‘ಸಿದ್ದಯ್ಯ ಪುರಾಣಿಕ್’.
ಇವೆರಡು ಹಾಡುಗಳನ್ನ ವರ್ಷಕ್ಕೊಮ್ಮೆ ರಾಜ್ಯೋತ್ಸವದ ದಿನಗಳಲ್ಲಿ(ದಿನಗಳಲ್ಲಾದರೂ!) ನಾವು ಹಾಗೂ ನಮ್ಮ ರಾಜಕಾರಣಿಗಳು ನೆನಪಿಸಿಕೊಳ್ಳುತ್ತೇವೆ. ಆದರೆ ಇಲ್ಲಿ ಕೆಳಗೆ ಇನ್ನೊಂದು ನತದೃಷ್ಟ ಹಾಡಿದೆ ನೋಡಿ.ಬಹಳಷ್ಟು ಜನ ಇದನ್ನ ಮರೆತಿದ್ದಾರೆ, ಹಲವರಿಗೆ ನೆನಪಿಸಿಕೊಳ್ಳುವುದು ಬೇಕಾಗಿಲ್ಲ,ಇನ್ನುಳಿದವರಿಗೆ ಇದರ ಬಗ್ಗೆ ಗೊತ್ತೇ ಇಲ್ಲ!
‘ಬೆಂಕಿ ಬಿದ್ದಿದೆ ನಮ್ಮ ಮನೆಗೆ
ಓ ಬೇಗ ಬನ್ನಿ
ಕನ್ನಡ ಗಡಿಯ ಕಾಯೋಣ ಬನ್ನಿ
ಕನ್ನಡ ನುಡಿಯ ಕಾಯೋಣ ಬನ್ನಿ’
ಅಂತ ಬರೆದ ‘ಕಯ್ಯಾರ ಕಿಞಞಣ್ಣ ರೈ’ ಇಡಿ ಕಾಸರಗೋಡಿನ ಜನತೆಯ ನೋವನ್ನ ಈ ಸಾಲುಗಳಲ್ಲಿ ಅಭಿವ್ಯಕ್ತ ಪಡಿಸಿದ್ದರು. ಮತ್ತಷ್ಟು ಓದು 
ನಿಲುಮೆ 