ಮೌನ
-ಮಾಲಿನಿ ಭಟ್
ಮೌನವಾಗಿರುವುದು ನನಗೇನು ಹೊಸದಲ್ಲ
ಭಾವನೆಗಳು ಸೋತಾಗ ನಾನಾಗುವುದು ಮೌನವೇ
ಮೌನವಾಗುವುದು ಅಂದರೆ
ನಾ ಮುನಿಸಿಕೊಂಡೆ ಎಂಬ ಅರ್ಥವಲ್ಲ
ಮೌನವೆಂದರೆ ನಾ ಮೂಕವಾಗಿದ್ದೇನೆ
ಎಂಬ ಸಂದೇಶವಲ್ಲ
ಕಣ್ಣು ಬರಿದಾದ ನೋಟ ಬೀರಿದಾಗ
ನಾನಾಗುವುದು ಮೌನವೇ
ಮೌನವೆಂಬುದು ಎಲ್ಲರಲ್ಲೂ
ಆವರಿಸುವ ಶಕ್ತಿ ಅಲ್ಲ , ಅದೊಂದು
ಸುಂದರ ಪದಗಳನು ಮೌನದಲ್ಲೇ
ಸ್ಪಂದಿಸಿ ಚೈತನ್ಯ ನಿಡೋ
ಅನುರಾಗದ ಸರಮಾಲೆ ………
* * * * * * *
ಮುಳುಗದಿರು ಕರುವೇ!
-ಪುಷ್ಪರಾಜ್ ಚೌಟ
ಎರಡು ದಿನವಾಗಿಲ್ಲ ನಿನ್ನೆ ಕಣ್ಣು ಬಿಟ್ಟ ಕರು
ಅದರ ಕಿವಿಯೊಳಗೆ ಜಗದ ಗಾಳಿ ಸೋಕಿ
ಕೊರಳಿಗೆ ಕಟ್ಟಿದ ನಯವಾದ ಬಟ್ಟೆಯ
ಉರುಳು ಬಿಚ್ಚಿ ನೆಗೆದಾಡಿತ್ತು ಕೈಗೆ ಸಿಗದೇ
ಹುಡುಕ ಹೊರಟೆ ತಪ್ಪಿಸಿಕೊಂಡ ಮುಗ್ಧತೆಯ,
ಎಲ್ಲಿ ಓಡಿತೋ ಎಲ್ಲಿ ಜಾರಿತೋ ಕಣ್ಣು ತಪ್ಪಿಸಿ
ಮಳೆ ಬಿದ್ದ ಇಳೆಯ ನಗುವ ನಾಲಿಗೆಯ
ಹಸಿರು ಇಣುಕುವ ಹುಲ್ಲಿನ ಪರಿಚಯವಿಲ್ಲವದಕೆ!
ಅಪ್ಪು …
-ಹರೀಶ್ ಎಸ್ ಎಚ್
ಕಳೆದವು ಎಷ್ಟೋ ನಿದಿರೆ
ಬಾರದ ರಾತ್ರಿಗಳು ,
ಹುಡುಕುತಿವೆ ಕಣ್ಣುಗಳು
ಬರಲಿಲ್ಲ ನನ್ನವಳು ,
ಮನವ ಕಾಡುತಿವೆ
ನೆನ್ನೆಯ ನೆನಪುಗಳು ,
ಹೃದಯದಲಿ ಉಳಿದಿವೆ
ನನಸಾಗದ ಕನಸುಗಳು …
ಪ್ರಾರ್ಥನೆ…
-ಬದರಿನಾಥ ಪಲವಳ್ಳಿ
ನನ್ನ ಹೆಣ ಭಾರಕ್ಕೆ
ಹೊತ್ತವರು ಬಳಲ ಬಾರದು
ಪ್ರಭುವೇ!
ದೇಹ ಉಬ್ಬಿಸಬೇಡ ಇನ್ನೂ…
ನಿತ್ಯತೃಪ್ತನು ನೀನು
ನಿತ್ಯಯಾತ್ರಿಕನಿವನು
ಬೇಡುವುದೇ ಸುಲಭ ವಿದ್ಯೆ!
ನಿನ್ನ ತಂತಿಯೋ ನೇರ
ತೂರಾಡದಂತೆ ಕಾಪಾಡು
ನಿಲುಮೆ ನೆಟ್ಟಾಗಿದೆ!
– ಆತ್ರಾಡಿ ಸುರೇಶ್ ಹೆಗ್ಡೆ
ಹೌದು ನಿಲುಮೆ ನೆಟ್ಟಾಗಿದೆ
ಹಾಗಾಗಿ ನಮ್ಮೆಲ್ಲರ ನಿಲುಮೆಗಳೂ ನೆಟ್ಟಗಾಗಿವೆ
ತತ್ವಗಳಿಗೆ ಬದ್ಧರಾದವರೇ
ಆದರೂ ನಾವು ಎಲ್ಲಾ ತತ್ವಗಳ ಎಲ್ಲೆ ಮೀರಿದವರೇ
ಎಡ-ಬಲ-ನಡುವೆಂಬುದಿಲ್ಲ ಇಲ್ಲಿ
ನಮ್ಮ ನಿಲುಮೆಗೆ ಸೀಮಾರೇಖೆಯೆಂಬುದೇ ಇಲ್ಲ ಇಲ್ಲಿ
ತಮ್ಮ ತಮ್ಮ ಅಂಗಳದಲ್ಲಿದ್ದವರು
ಮೈದಾನ ಸಿಕ್ಕಾಗಲೂ ಮೈಮರೆಯದೇ ಉಳಿದವರು
ಇಲ್ಲಿ ಪ್ರಕಟವಾಗದ ವಿಷಯಗಳಿಲ್ಲ
ಇಲ್ಲಿ ಬರೆಯದ ಬ್ಲಾಗಿಗರೂ ಬಹುಷಃ ಹೆಚ್ಚು ಉಳಿದಿಲ್ಲ
ಬಾಡಿಗೆ ಮನೆಯ ತೊರೆದಂತೆ
ಸ್ವಂತ ಮನೆಯಲ್ಲೀಗ ಕೈಕಾಲು ನೀಡಿ ವಿರಮಿಸುವಂತೆ
ಈ ಆರಾಮ ಅಲ್ಪವೇ ಆಗಿರಲಂತೆ
ಇಲ್ಲಿನ ಬರಹಗಳ ಸಂತೆಗೆ ಎಂದೂ ರಜೆ ಇಲ್ಲದಿರಲಂತೆ
ನಿಲುಮೆ ಇರಲಿ ಎಲ್ಲ ತತ್ವಗಳ ಮೀರುತ್ತಾ
ಸದಾ ಇರಲಿ ತನ್ನದೇ ಆದ ತತ್ವವನು ಜಗಕೆ ತೋರುತ್ತಾ!
ಹರೆಯ
–ಸತೀಶ್ ರಾಮನಗರ
ಹೆಂಡ ಕುಡಿದ ಕೋತಿಯಂತ ಮನಸ್ಸು
ಎಲ್ಲಂದರಲ್ಲೇ
ಕಾರಿಕೊಳ್ಳುವ ಕನಸುಗಳು
ಹಾದಿ ತಪ್ಪಿದ ಗಮ್ಯ
ಲಗ್ಗೆಯಿಟ್ಟಲ್ಲೆಲ್ಲ ಕಾಮನ ಚಿತ್ರಗಳೇ….!
ಕಣ್ಣು ಹಾಯಿಸಿದಲ್ಲೆಲ್ಲ
ಉಬ್ಬು ತಗ್ಗುಗಳ ಮೆರೆವಣಿಗೆ
ಬೆರಗಿನಾಕರ್ಷಣೆ
ನಿಂತಲ್ಲೇ ಬಿಸಿಯುಸಿರ ಸ್ನಾನ
ಕಣ್ಣ ತುಂಬೆಲ್ಲ ನಕ್ಷತ್ರಗಳೇ ….!
ಜಾರುವ ಮನಸಿನೋಳಗೊಂದು
ಹಸಿ ಬಿಸಿ ಬಯಕೆಗಳ ಮೇಲಾಟ…!
ಬೆವರ ವಾಸನೆಗೆ
ಕನಸಿನೂರಿನ ಬಾಗಿಲ ಬಡಿದು
ಒಮ್ಮೆ ಇಣುಕುವಾಸೆ…,
ಆವೇಗ ಆವಿಯಾಗುವ ಮೊದಲೇ
ಹೊಸಲೋಕವನ್ನೊಮ್ಮೆ ಸ್ಪರ್ಶಿಸಿ
ಪ್ರಕೃತಿಯಲಿ ಲೀನವಾಗಿ
ಬೀಗುವಾಸೆ…..?
ಚಿತ್ರಕೃಪೆ :poojary-manase.blogspot.in
ಮನದ ಸುಕ್ಕು
ಪವನ್ ಪಾರುಪತ್ತೇದಾರ
ಸುಕ್ಕು ಶುರುವಾಗಿದೆಹೊಳೆಯುವ ಮೊಗವೀಗ ನಿಜ ಬಣ್ಣ ತೆರೆಯುತಿದೆ
ಸುಕ್ಕು ಶುರುವಾಗಿದೆ
ಚಂದನವ ಮೆಲ್ಲಗೆ ಮುಖವೆಲ್ಲ ಹಚ್ಚಿ
ನಿಂಬೆ ರಸದೊಂದಿಗೆ ನಯವಾಗಿ ತೊಳೆದು
ಅರೈಕೆಗಂತ್ಯವೇ ಇಲ್ಲದಂತಾದರು
ಮನದಮೇಲೆ ಸುಕ್ಕು ಶುರುವಾಗಿದೆ ಅಪನಂಬಿಕೆಯ ಸುಕ್ಕು ಅಜ್ಞಾನದ ಸುಕ್ಕು
ಆಸೆಯ ಸುಕ್ಕು ನಿರಾಸೆಯ ಸುಕ್ಕು
ಮುಖದ ನರಗಳನು ಬಿಗಿ ಹಿಡಿದು
ಮನದ ಮೇಲೆ ಗೀಟುಗಳನು ಎಳೆದು
ಗೊತ್ತಿಲ್ಲದಂತೆ ಮೋಸ ಶುರು ಮಾಡಿದೆ
ಸುಕ್ಕು ಶುರುವಾಗಿದೆ ಪ್ರತಿಯೊಂದು ತಪ್ಪಿಗು ಕಾರಣ ಹೇಳಿ
ಪ್ರತಿಯೊಂದು ಮಾತಿಗು ತೇಪೆಯ ಹಚ್ಚಿ
ತನ್ನ ತಾನೇ ಆಡಂಬರಿಸುವ ಆಸೆಯಲಿ ಗೆಳೆಯರ ಬಳಗದ ಮೆಟ್ಟಿ ಮೇಲೇರುತ
ನನ್ನದೇ ಗೆಲುವೆಂದು ಗರ್ವವನು ತೋರುವ
ಸುಕ್ಕು ಶುರುವಾಗಿದೆ ಸುಕ್ಕು ಶುರುವಾಗಿದೆ ಪವನ್ ಪಾರುಪತ್ತೇದಾರ:-
ಸಾವಿಗೊಂದು ಸಲಾಮು
– ವಿಜಯ್ ಹೆರಗು
ಸಾವಿಲ್ಲದ ಮನೆಯ ಸಾಸಿವೆಯ ತಾ ಎಂದ ಬುದ್ಧ
ಮನೆಗಳು ಸಿಕ್ಕವು, ಸಾಸಿವೆಯೂ ಸಿಕ್ಕಿತು
ಸಿಗಲೇ ಇಲ್ಲ ಸಾವಿಲ್ಲದ ಮನೆ
ಗೆಳತಿ ನಿನ್ನದೇ ನೆನಪು…
ಕೀಲಿ ಕೈ
ಹರೀಶ(ಮೇಷ್ಟ್ರು)
ಮನ ಹುಡುಕುತಿತ್ತು
ಗೋಳದಂತೆ ಆವರಿಸಿರುವ
ಚೆಂಡಿನಿಂದ ಹೊರಬರಲು ಕೀಲಿಕೈ
ಆ ಚೆಂಡನ್ನು ಒದೆಯಲು, ಅಟ್ಟಾಡಿಸಲು
ಕೊನೆಗೆ ಅದನ್ನು ಮೆಟ್ಟಿ ನಿಲ್ಲಲು
ಅತಿಯಾಸೆ ಅಲ್ಲವೆ ಇದು…. ಮನಸ್ಸಿನ ವಿಕಾರವಲ್ಲವೇ ಇದು..?
ವಿನಾಶದ ಚಿಂತೆನೆಯಲ್ಲವೆ ಇದು…?
ಜಗದ ನಾಟಕರಂಗದಲ್ಲಿ
ಎಲ್ಲರೂ ತಡಕಾಡುವರು
ಬೀಳುವರು, ಏಳುವರು
ಲಿಂಗಭೇದವಿಲ್ಲದೆ ಮನದಲ್ಲಿ ಮಂಡಕ್ಕಿ ತಿನ್ನುವರು,
ತಮ್ಮ ಅಸಾಹಾಯಕತೆಯಿಂದ
ಕೆಲವರು ಕಳೆದುಕೊಂಡಿದ್ದಾರೆ
ಕೆಲವರು ಕಸಿದುಕೊಂಡಿದ್ದಾರೆ
ಅರಿವಿಗೆ ಬಾರದವರೂ ಇದ್ದಾರೆ
ಅನುಕರಿಸುವವರು…ಅನುಸರಿಸುವವರು
ಎಲ್ಲರದೂ ಒಂದೇ ಹುಡುಕಾಟ
ಎಲ್ಲಿ ನಮ್ಮ ಕೀಲಿಕೈ…?
ಗೋಳಾಕಾರದ ಚೆಂಡನಲ್ಲಿ
ಆದಿಯೂ ಅಲ್ಲೆ…ಅಂತ್ಯವೂ ಅಲ್ಲೆ,
ಲಲ್ಲೆಗರೆವ ಮಗುವಿನಂತೆ,
ಬೆದರಿದ ಹುಲ್ಲೆಯಂತೆ,
ಗರ್ಜಿಸುವ ಸಿಂಹದಂತೆ,
ಕೊನೆಗೆ ಏನೂ ಅರಿಯದ ಕುರಿಯ ಹಾಗೆ ಬಲಿಪಶು.
ಕಳೆದು ಹೋದ ಕೀಲಿಕೈ
ಎಲ್ಲಿದೆ…? ಅದು ಹೇಗಿದೆ…?
‘ಕಸ್ತೂರಿಯಂತೆ’…!?
ನಿಲುಮೆ 