ಹೀಗೊಂದು ಅಧುನಿಕ ತುಘಲಕ್ ಸಂಸ್ಕೃತಿ

ಮಧುಚಂದ್ರ ಭದ್ರಾವತಿ

ಅಲ್ಲೊಂದು ದೇವಸ್ಥಾನದ ವಿಮಾನ ಗೋಪುರದ ಪ್ರತಿಷ್ಠಾಪನೆಯ  ಕಾರ್ಯಕ್ರಮ. ಕಾರ್ಯಕ್ರಮ ಅಂದರೆ ವೆಲ್ಕಮ್ ಕಮಿಟಿ ಅಂತ ಒಂದು ಕಾಲದಲ್ಲಿ ಇರುತಿತ್ತು . ಅವರು  ಮಾತ್ರ ದೇವಸ್ಥಾನದ ರಾಜ ಬೀದಿಯಲ್ಲಿ  ” ಕಾರ್ಯಕ್ರಮಕ್ಕೆ  ಆಗಮಿಸುವ ಭಕ್ತಾದಿಗಳಿಗೆ ಶುಭ ಕೋರುತ್ತಿದ್ದೇವೆ ” ಅಂತ ಎಲ್ಲೋ ಒಂದು ಬೋರ್ಡ್ ಹಾಕಿ ಕೈ ತೊಳೆದುಕೊಳ್ಳುತಾ ಇದ್ದರು .

ಈಗ ಕಾಲ ಬದಲಾಗಿದೆ  ” ವಿಮಾನ ಗೋಪುರದ ಪ್ರತಿಷ್ಠಾಪನೆಯ ಕಾರ್ಯಕ್ರಮಕ್ಕೆ ಆಗಮಿಸುತ್ತಿರುವ ಭಕ್ತರಿಗೆ ಶುಭ ಕೋರುವವರು ..” ಎಂದು  ಮೂವತ್ತೆರಡು  ದಂತ ಪಂಕ್ತಿ ಗಳನ್ನು  ಪ್ರದರ್ಶಿಸುತ್ತಾ  ಕಾಲ್ಗಟೆ ಸ್ಮೈಲ್ ಕೊಡುತ್ತ ನಿಂತಿರುವ  ನರ ರೊಪದ ಅಧುನಿಕ ತುಘಲಕರ  ಭಾವ ಚಿತ್ರಗಳು  ಎಲ್ಲ್ ಎಲ್ಲಿ ನೋಡಿದರು ರಾರಾಜಿಸುತ್ತಿರುತ್ತವೆ .

ಈ ರೀತಿಯ ಹುಚ್ಚು ಮನಸ್ಸಿನ ಅವಿವೇಕ ಎಲ್ಲಿಂದ ಬಂತೋ ಗೊತ್ತಿಲ್ಲ. ಕೇವಲ ಪ್ರಚಾರ ಮತ್ತು ರಾಜಕೀಯ ಲಾಭ ಮಾಡಿಕೊಳ್ಳಲು ತಮ್ಮ ಇರುವಿಕೆ ಮತ್ತು ಶಕ್ತಿ ಪ್ರದರ್ಶನ ಮಾಡಲು  ಕೀಳು ಮಟ್ಟಕ್ಕೆ ಪುಡಾರಿಗಳು ಇಳಿಯುತ್ತಾರೆ. ಆವರಿಗೆ ಸಾತ್ ನೀಡಲು ನಮ್ಮ ನೆಚ್ಚಿನ ಜನ ನಾಯಕ  ಎಂದು ಅವರ ಪಕ್ಕದಲ್ಲಿ ತಮ್ಮದೊಂದು ಮುಖಾರವಿಂದ ಇರಲಿ ಎಂದು  ಮರಿ ಪುಡಾರಿಗಳು ಊರ ತುಂಬೆಲ್ಲ ಫ್ಲೆಕ್ಷ್ ಹಾಕಿ ಮೆರೆಯುತ್ತಾರೆ.

ಇತ್ತೀಚಿಗೆ ಜಾತಿಗಳ ಹೆಸರಲ್ಲಿ ಸಮಾವೇಶಗಳೇನು ಕಮ್ಮಿ ಇಲ್ಲ. ಬುದ್ದ ,ಏಸು , ಬಸವ, ಗಾಂಧಿ,ಅಂಬೇಡ್ಕರ್  ಇವರೆಲ್ಲ ಆಡಂಬರ ಮತ್ತು ಹುಚ್ಚು ಆಚರಣೆಗಳನ್ನು ಖಂಡಿಸಿದವರು. ಪಾಪ ಅವರೇನಾದರೂ ಇಂದು ಬದುಕಿದ್ದರೆ ಇಂದಿನ ತುಘಲಕರ ಆಚರಣೆ ನೋಡಿ ಬಹುಶ ಆತ್ಮ ಹತ್ಯೆ ಮಾಡಿಕೊಳ್ಳುತ್ತಿದ್ದರು ಅನ್ನಿಸುತ್ತೆ. ವಿಶ್ವ ಮಾನವ ಸಂದೇಶವನ್ನು ಜಗತ್ತಿಗೆ ಸಾರಿದವರು  ಕುವೆಂಪು.  ಕುವೆಂಪು ಅವರು ಇಂತಹ ಆಚರಣೆಯನ್ನು ವಿರೋಧಿಸಿದವರು ಅವರನ್ನು ಜಾತಿ ಸಮಾವೇಶದ ಫ್ಲೆಕ್ಷ್ ಬ್ಯಾನರ್ ತುಂಬಾ ಮೆರೆಸಿದ್ದು ನೋಡಿದ್ದರೆ ಕುವೆಂಪು ಅವರಿಗೂ ಸಹ ಆಘಾತ ಆಗುತಿತ್ತು.

ಅಂದು ಕೇವಲ ಮಹಾ ನಗರಗಳಿಗೆ ಸೀಮಿತವಾದ  ಫ್ಲೆಕ್ಷ್ ಬ್ಯಾನರ್ ಇಂದು ವಿದ್ಯುತ್ ಕಾಣದ ಹಳ್ಳಿಗಳಿಗೆ ಮುಟ್ಟಿದೆ ಅಂದರೆ, ಕೊಂಚ ಶಾಕ್ ಆಗಬಹುದು.ಬೆಂಗಳೂರಿನ ನಗರ ಸಭೆಯವರು ಇಂದು ಫ್ಲೆಕ್ಷ್ ಬ್ಯಾನರ್ ತೆರವು ಕಾರ್ಯದಲ್ಲಿ ತೊಡಗಿದ್ದಾರೆ. ಅದು ಸ್ವಗತಾರ್ಹ  ಆದರೆ ಅದು  ಎಷ್ಟರ ಮಟ್ಟಿಗೆ ಯಶಸ್ಸು ಕಾಣುತ್ತದೆ ಎಂದು ಕಾದು ನೋಡಬೇಕು. 

ಇಂತಹ ಅಧುನಿಕ ತುಘಲಕರ  ಸಂಸ್ಕೃತಿ ಗೆ ಯಾವಾಗ ತೆರೆ ಬೀಳುತ್ತದೆ ಎಂದು ಶಬರಿ ತರಹ ಕಾದು ನೋಡಬೇಕು ಅಷ್ಟೇ.