ಚಿನ್ನದ ಬಾಗಿಲಿಗೆ ‘ದೋಷ’ವಿಲ್ಲವೇ?!

ashok> ಶರ್ಟು ಬಿಚ್ಚಿ ಹೆಗಲ ಮೇಲೆ ಹಾಕಿಕೊಳ್ಳುವುದು ಯಾವ ಪುರುಷಾರ್ಥಕ್ಕೆ?
ashok> ಮಾಂಸಾಹಾರಕ್ಕೂ ಪೇಜಾವರರಿಗೂ ಏನು ಸಂಬಂಧ? ಅವರ್ಯಾಕೆ ಮಾಂಸಾಹಾರಿಗಳ ಬಗ್ಗೆ ವಿನಾಕಾರಣ ಹೇಳಿಕೆ ನೀಡಬೇಕಿತ್ತು?
ashok> ಮಡೆಸ್ನಾನದ ಬಗ್ಗೆ ನಿಮಗೆ ತಿಳಿದಿರಬಹುದು. ಮಡೆಸ್ನಾನ ನಡೆಯುತ್ತಿದ್ದಿದ್ದು ಸುಬ್ರಹ್ಮಣ್ಯದಲ್ಲಿ. ಅದರ ಪರ ವಿರೋಧದ ಬಗ್ಗೆ ಪೇಜಾವರರೇಕೆ ಮೂಗು ತೂರಿಸಿದರು?
ನೋಡಿ, ನಿಮ್ಮ ವಾದವು ಹೇಗೆ ದಾರಿ ತಪ್ಪುತ್ತಿದೆ ಎಂದು? ನೀವು ಬರೆದಿರುವ ಲೇಖನ ವಿಜಯ ಮಲ್ಯ ಅವರು ದೇವಸ್ಥಾನಕ್ಕೆ ಚಿನ್ನದ ಬಾಗಿಲನ್ನು ನೀಡಿದ್ದಕ್ಕೆ ಸಂಬಂಧಿಸಿದ್ದಲ್ಲ ಎಂದು ಹೇಳುವುದಕ್ಕೆ ಮೇಲಿನ ನಿಮ್ಮ ಧಾಟಿಗಿಂತ ಬೇರೆ ಬೇಕೆ?

ashok> ವ್ಯಕ್ತಿಯನ್ನು ಹಂಗಿಸುವುದರ ಬಗ್ಗೆ, ಮಲ್ಯನಿಗೂ ಪೇಜಾವರರಿಗೂ ಏನು ಸಂಬಂಧ ಎಂಬ ಸಕಾಲಿಕ ಪ್ರಶ್ನೆ ಎತ್ತಿದ್ದೀರಿ. ನೀವು ಯಾವ ಭಾಗದವರೋ ಗೊತ್ತಿಲ್ಲ. ನಾನು
ashok> ಕಳೆದ ಒಂದೂವರೆ ವರುಷದಿಂದ ಕರಾವಳಿ ಭಾಗದಲ್ಲಿದ್ದೇನೆ. ಇಲ್ಲಿರುವ ಅನಾರೋಗ್ಯಕರ ಮುಸ್ಲಿಂ ಮತ್ತು ಹಿಂದೂ ಮತಾಂಧತೆಗಳೆರಡನ್ನೂ ಹತ್ತಿರದಿಂದ ಕಂಡಿದ್ದೇನೆ. ಆ
ashok> ಕಾರಣದಿಂದ ನನ್ನ ಲೇಖನದಲ್ಲಿ ಚಿನ್ನದ ಬಾಗಿಲಿನ ಜೊತೆಗೆ ಪೇಜಾವರರು, ಇಲ್ಲಿನ ಹಿಂದೂ ಸಂಘಟನೆಗಳ ವಿಷಯ ಪ್ರಸ್ತಾಪವಾಗಿದೆಯೇ ಹೊರತು
ಕರಾವಳಿಯಲ್ಲಿರುವ ಮುಸ್ಲಿಂ ಮತಾಂಧತೆ-ಹಿಂದು ಮತಾಂಧತೆಯ ವಿಷಯಗಳು ವಿಜಯ ಮಲ್ಯ ಕುರಿತು ಮಾತನಾಡುವಾಗ ಹೇಗೆ ಬರಲು ಸಾಧ್ಯ ಎಂದೇ ನನಗೆ ಹೊಳೆಯುತ್ತಿಲ್ಲ! ಅಥವಾ ಲೇಖನದ ವಿಷಯಕ್ಕೆ ಸಂಬಂಧಿಸಿರದಿದ್ದರೂ ನೀವು “ಹತ್ತಿರದಿಂದ ಕಂಡಿರುವ” ವಿಷಯಗಳನ್ನು ಓದುಗರೊಂದಿಗೆ ಹಂಚಿಕೊಳ್ಳುವ “ವಿಶೇಷ” ಆಸಕ್ತಿಯೋ?
ಆದರೆ, ಮುಸ್ಲಿಂ ಮತಾಂಧತೆ ಮತ್ತು ಹಿಂದು ಮತಾಂಧತೆಗೆ ಒಂದು ಮೂಲಭೂತ ವ್ಯತ್ಯಾಸವನ್ನು ತಿಳಿದಿದ್ದರೆ ನಿಮ್ಮ ವಿಶ್ಲೇಷಣೆಗೆ ಉಪಯೋಗವಾದೀತು – ಮುಸ್ಲಿಂ ಮತಾಂಧತೆ “ಜೆಹಾದ್”ನ ಪ್ರೇರಣೆಯಿಂದ ಹುಟ್ಟಿದ್ದು. ಜಗತ್ತಿನಲ್ಲಿ ಎಲ್ಲೇ ಮುಸ್ಲಿಮರಿಗೆ ಅಥವಾ ಇಸ್ಲಾಂಗೆ ತೊಂದರೆಯಾದರೂ ಏಟು ಬೀಳುವುದು ಭಾರತದ ಹಿಂದುಗಳಿಗೆ. ಉದಾಹರಣೆಗೆ, ಯಾವುದೋ ದೇಶದಲ್ಲಿ ಬರೆದ ವ್ಯಂಗ್ಯಚಿತ್ರಕ್ಕೆ ಪ್ರತಿಭಟನೆ ನಡೆಸುವ ನೆಪದಲ್ಲಿ ಭಾರತದಲ್ಲಿ ಹಿಂಸಾಚಾರ ನಡೆಸಿದ್ದರು. ಇದಕ್ಕೆ ಹಿಂದುಗಳು ಸುಮ್ಮನೆ ಕೂಡುತ್ತಿಲ್ಲ, ಅವರೂ ಪ್ರತಿಕ್ರಿಯಿಸುತ್ತಿದ್ದಾರೆ. ಆ ಪ್ರತಿಕ್ರಿಯೆ ಹಿಂದು-ಮತಾಂಧತೆಯ ರೂಪದಲ್ಲಿ ಕಾಣುತ್ತಿದೆ. ಹೀಗಾಗಿ ಹಿಂದು ಮತಾಂಧತೆಯನ್ನು ಇಲ್ಲವಾಗಿಸಬೇಕಾದರೆ, ಅದು ಯಾವ ಕಾರಣಕ್ಕಾಗಿ ಪ್ರಾರಂಭವಾಗಿದೆಯೋ ಅದನ್ನು ಮೊದಲು ಇಲ್ಲವಾಗಿಸಬೇಕು. ಕೇವಲ “ಜಾತ್ಯಾತೀತ” ಎಂದು ತೋರಿಸಿಕೊಂಡು “ಬುದ್ಧಿಜೀವಿ”ಯಾಗಿ ಮೆರೆಯಲು “ತ್ರಯಸ್ಥ”ನಂತೆ ಸೋಗು ಹಾಕಲು ಮುಸ್ಲಿಂ ಮತಾಂಧತೆಯನ್ನು ಮತ್ತು ಹಿಂದು ಮತಾಂಧತೆಯನ್ನು ಒಂದೇ ತಕ್ಕಡಿಯಲ್ಲಿ ತೂಗುವುದರಿಂದ ಯಾವ ಉಪಯೋಗವೂ ಇಲ್ಲ. “Action and Reaction are equal and opposite.” If you don’t want the reaction, then stop the action!

ashok> ಆದರೆ ಅವರೆಲ್ಲಿದ್ದಾರೆ ಹಿಂದೂ ಧರ್ಮ ‘ರಕ್ಷಕರು’, ಪೇಜಾವರ ಸ್ವಾಮಿಗಳು, ಮುಖ್ಯವಾಗಿ ಅವರೆಲ್ಲಿದ್ದಾರೆ ಆ ದೇವರು?!
ನೋಡಿ ನೀವು ಎಷ್ಟು “ಗೌರವ”ದಿಂದ ಬರೆದಿದ್ದೀರಿ? ಇಷ್ಟೆಲ್ಲಾ ಬರೆದ ನಂತರ, ಪೇಜಾವರಶ್ರೀಗಳ ಬಗೆ ನನಗೂ ಬಹಳ ಗೌರವವಿದೆ ಎಂಬ ಸಮರ್ಥನೆ ಬೇರೆ! ಎರಡು ನಾಲಗೆಯ ರಾಜಕಾರಣಿಗಳ ನೆನಪಾಗುತ್ತದೆ ಅಷ್ಟೇ!

ashok> ಆದರೆ ಮಾಂಸಹಾರಿಗಳ ಪಕ್ಕ ಸಸ್ಯಹಾರಿಗಳು ಕುಳಿತುಕೊಳ್ಳುವುದರಿಂದ ಸಸ್ಯಹಾರಿಗಳೂ ಮಾಂಸ ಸೇವಿಸುವ ‘ದುಷ್ಟ’ ಕೆಲಸ ಆರಂಭಿಸಿಬಿಡುತ್ತಾರೆಂಬ ಅವರ ‘ಭಯ’
ಬನಿಯನ್ ತೆಗೆಯುವುದು ಜನಿವಾರ ನೋಡುವುದಕ್ಕೆಂದು ನೀವಂದುಕೊಂಡಿಲ್ಲವೇ? ಪೇಜಾವರಶ್ರೀಗಳ ಅಭಿಪ್ರಾಯ ತಪ್ಪೇ ಆಗಿರಬಹುದು. ಅದು ಅವರ ಅಭಿಪ್ರಾಯ ಮತ್ತು ಅವರಿಗೂ “ಸ್ವತಂತ್ರ” ಭಾರತದಲ್ಲಿ ಅಭಿಪ್ರಾಯ ಸ್ವಾತಂತ್ರ್ಯ ಇದೆ. ಆದರೆ, ಅದನ್ನೇ ನೆನಪು ಮಾಡಿಕೊಂಡು ಮೂದಲಿಕೆಯ ಧ್ವನಿಯಲ್ಲಿ ಮಾತನಾಡುವುದು ಎಷ್ಟರಮಟ್ಟಿಗೆ ಸರಿ?

ashok> “ಹೆಂಡ ಮಾರುವವರಿಂದ ಯಕಶ್ಚಿತ್ ಕ್ಯಾಲೆಂಡರಿಗಾಗಿ ಅರೆಬೆತ್ತಲೆ ಹುಡುಗಿಯರ ಫೋಟೋಶೂಟ್ ಮಾಡುವವರಿಂದ ಚಿನ್ನದ ಬಾಗಿಲನ್ನು ದಾನವಾಗಿ
ashok> ಪಡೆದುಕೊಳ್ಳಬೇಡಿ” ಎಂದು ಸುಬ್ರಹ್ಮಣ್ಯ ದೇವಾಲಯದವರಿಗೆ ‘ಬುದ್ಧಿ’ ಹೇಳಿದ ವರದಿಗಳಾಗಿಲ್ಲ.
ಪ್ರತಿಯೊಂದು ವಿಷಯಕ್ಕೂ ಪೇಜಾವರಶ್ರೀಗಳು ಹೇಳಿಕೆ ನೀಡಬೇಕು, ಅದನ್ನು ಮಾಧ್ಯಮ ಒಂದು ವಿವಾದವನ್ನಾಗಿ ಮಾಡಬೇಕು. ಆಗ, ಅವರನ್ನು ತೆಗಳಿ ಒಂದು ಲೇಖನ ಬರೆಯುವ ಅವಕಾಶ. ಆದರೆ, ಅವರು ಹೇಳಿಕೆ ನೀಡದಿದ್ದರೂ ಅದನ್ನೊಂದು ವಿವಾದ ಮಾಡುವ ಅಸಾಧ್ಯ “ಬುದ್ಧಿ”ವಂತರು ಇದ್ದಾರೆ ಎನ್ನುವುದು ನಿಮ್ಮ ಈ ಲೇಖನದಿಂದ ಸಾಬೀತಾಯಿತು!

ನಿಮ್ಮ ಲೇಖನದ ಶೀರ್ಷಿಕೆ ವಿಜಯ ಮಲ್ಯ ಹಾಗೂ ಚಿನ್ನದ ಬಾಗಿಲು ಆದರೂ, ಮುಖ್ಯವಸ್ತು ಅದಲ್ಲ ಎನ್ನುವುದು ಬಹಳ ಸ್ಪಷ್ಟ. ನಿಮ್ಮ ಮನಸ್ಸಿನಲ್ಲಿರುವ “ಕಹಿ” ಅನೇಕ ಸ್ಥಳಗಳಲ್ಲಿ ಆಗಾಗ ಇಣುಕಿ ಹಾಕಿದೆ. ನೀವೇ ನಿಮ್ಮ ಲೇಖನವನ್ನು ಒಮ್ಮೆ ಓದಿಕೊಂಡು ಸ್ವವಿಮರ್ಶೆ ಮಾಡಿಕೊಳ್ಳಿ.

ಒಂದು ವಿಷಯ ನೆನಪಿಟ್ಟುಕೊಳ್ಳಿ. ನೀವು ಹಿಂದುಗಳನ್ನು ಟೀಕಿಸಬಹುದು. ಹಿಂದು ಸಮಾಜದ ಕುರೂಡಿಗಳನ್ನು ಕುರಿತಾಗಿ ಬರೆಯಬಹುದು. ಹಿಂದು ಸಮಾಜ ತನ್ನಲ್ಲಿರುವ ಕೆಟ್ಟದ್ದನ್ನೆಲ್ಲಾ ತೆಗೆದುಹಾಕಿಕೊಂಡು ಸ್ವಚ್ಛವಾಗಲು ಸಿದ್ಧವಾಗಿದೆ. ಆದರೆ, ಹಿಂದು ಸಮಾಜದ ಸುಧಾರಣೆಯನ್ನು ಪೇಜಾವರಶ್ರೀಗಳೋ ಅಥವಾ ಶಂಕರಾಚಾರ್ಯರೋ ಅಥವಾ ಇನ್ಯಾರೋ ಮಠಾಧೀಶರೋ ತೆಗೆದುಕೊಂಡಿಲ್ಲ. ಸಮಾಜದ ಒಳಗಿನಿಂದ ಸುಧಾರಣೆಯ ಕೂಗು ಹೊರಗೆ ಬರಬೇಕು. ಕುರೂಢಿಗಳ ಆಚರಣೆ ಚಾಲ್ತಿಗೆ ಬರಲು ಹಲವು ಶತಮಾನಗಳೇ ಸಂದಿರಬಹುದು. ಅವು ಹೋಗಲೂ ಅಷ್ಟೇ ಸಮಯ ತೆಗೆದುಕೊಳ್ಳುತ್ತದೆ. ಸುಧಾರಣೆಯ ಆಸಕ್ತಿಯುರುವವರು ಸುಧಾರಣೆ ಆಗುವತನಕ ತಾಳ್ಮೆಯಿಂದ ಕೆಲಸ ಮಾಡಬೇಕಾಗುತ್ತದೆ. ಕೇವಲ ವ್ಯಕ್ತಿಗಳನ್ನು, ಸಮಾಜವನ್ನು ಮೂದಲಿಸುವುದರಿಂದ ಏನೂ ಸಾಧಿಸಿದಂತಾಗುವುದಿಲ್ಲ. ಹಿಂದು ಸಮಾಜ ಸಹನಶೀಲ ಸಮಾಜ. ಹೀಗಾಗಿ, ನಿಮಗೆ ಅದನ್ನು ಟೀಕಿಸುವುದರಿಂದ ತೊಂದರೆಯೂ ಇಲ್ಲ. ಅದನ್ನೇ ಇತರ ಸಮಾಜಗಳೊಡನೆ ಪ್ರಯತ್ನಿಸಿ ನೋಡಿ. ಆಗ ತಿಳಿಯುತ್ತದೆ ನನ್ನ ಮಾತಿನ ಅರ್ಥ.