ಕನ್ನಡಿಗರೆಂದರೆ ನಾಯಿಗಳಾ?

ಕನ್ನಡಿಗರಿಂದಲೇ ಕನ್ನಡಕ್ಕೆ ಅವಮಾನ.ಕನ್ನಡದ ಮೇಲೆ ನಡೆಯುವಷ್ಟು ಅವಮರ್ಯಾದೆ ಘಟನೆಗಳು ಬೇರೆ ಭಾಷೆಯಲ್ಲಿ ನಡೆದ ಉಲ್ಲೇಖ ಸಿಗುತ್ತಿಲ್ಲ. ಎಲ್ಲಾ ದಿಕ್ಕುಗಳಲ್ಲಿಯೂ ಕನ್ನಡಕ್ಕೆ ಪ್ರಹಾರ ನಡೆಯುತ್ತಿದೆ.ಇದಕ್ಕೊಂದು ಪರಿಹಾರ ಕಂಡುಕೊಳ್ಳಲು ಕನ್ನಡ ಸಂಸ್ಥೆಗಳು ಇದುವರೆಗೂ ಪಣ ತೊಡದಿರುವುದು ಖೇಧಕರ.ಮೊತ್ತಮೊದಲನೇದಾಗಿ ರಾಜ್ಯ ಸರಕಾರದ ಮೇಲೆ ಒತ್ತಡ ಇಲ್ಲ.ಹೇಳಿಕೆ-ಖಂಡನೆ – ಒಂದೆರಡು ದಿನದ ಅಬ್ಬರದಿಂದ ಕನ್ನಡ ನಿಧಾನವಾಗಿ ಸೊರಗುತ್ತಿದೆ ಅನ್ನೋದು ತುಂಬಾ ದುಃಖ್ಖದ ವಿಚಾರ.

ಕ್ಲಾಸಿನಲ್ಲಿ ಗುರುಗಳು ತರ್ಕದ ಬಗ್ಗೆ ಪಾಠ ನಡೆಸಿದ್ದರು ಉದಾಹರಣೆಯ ಸಹಿತ..
– ಪುಸ್ತಕ ಮೇಜಿನ ಮೇಲಿದೆ.
– ಮೇಜು ನೆಲದ ಮೇಲಿದೆ.
ಆದ್ದರಿಂದ ಪುಸ್ತಕ ನೆಲದ ಮೇಲಿದೆ!.
ಶಿಷ್ಯನೊಬ್ಬನನ್ನು ಎಬ್ಬಿಸಿ ಇದರಂತೆ ಇರುವ ಇನ್ನೊಂದು ಉದಾಹರಣೆ ಕೊಡಲು ಹೇಳಿದರು. ಶಿಷ್ಯ ‘ವಿಚಾರ’ ಮಾಡಿದ..ತಮ್ಮ ಕ್ಲಾಸಿನಲ್ಲೇ ಇರುವ ಗುರುಗಳ ಮಗಳ ನೆನಪು ಬಂತು..ಉದಾಹರಣೆ ಸುರು ಮಾಡಿದ
– ನಾನು ನಿಮ್ಮನ್ನು ಪ್ರೀತಿಸುತ್ತೇನೆ.
– ನೀವು ನಿಮ್ಮ ಮಗಳನ್ನು ಪ್ರೀತಿಸುತ್ತೀರಿ
ಆದ್ದರಿಂದ ನಾನು ನಿಮ್ಮ ಮಗಳನ್ನು ಪ್ರೀತಿಸುತ್ತೇನೆ!.
—-
ಈಗ..
ಈತ : ನಾನು ಸಾವಿರ ಜನರನ್ನು ಕರ್ನಾಟಕದ ಗಡಿಯಿಂದ ಕರೆತರುತ್ತೇನೆ.
ಆತ : ನೀನು ಕರೆತರುವ ಸಾವಿರ ನಾಯಿಗಳಿಗೆ ನಾನೊಬ್ಬ ಸಿಂಹ ಸಾಕು.
ಆದ್ದರಿಂದ ಕರ್ನಾಟಕದವರು ನಾಯಿ!!