ವಿಷಯದ ವಿವರಗಳಿಗೆ ದಾಟಿರಿ

Archive for

19
ಡಿಸೆ

ಸಾಧನೆಗಳ ನ೦ತರವೂ ಸೃಷ್ಟಿಶಕ್ತಿಯೆದುರು ನಾವು ಚಿಕ್ಕವರೇ ಅಲ್ಲವೇ..?

– ಗುರುರಾಜ್ ಕೊಡ್ಕಣಿ

entropyನಿಮಗೆ ನೊಬೆಲ್ ಪ್ರಶಸ್ತಿಗಳ ಬಗ್ಗೆ ಗೊತ್ತಿರಬಹುದು.ಭೌತಶಾಸ್ತ್ರ,ರಸಾಯನಶಾಸ್ತ್ರ ,ವೈದ್ಯಕೀಯ, ಶಾ೦ತಿ,ಸಾಹಿತ್ಯ ಮತ್ತು ಅರ್ಥಶಾಸ್ತ್ರದ ಕ್ಷೇತ್ರಗಳಲ್ಲಿ ಗಮನಾರ್ಹ
ಸಾಧನೆಗಳನ್ನು ಮಾಡಿದ ಸಾಧಕರನ್ನು ಗುರುತಿಸಿ ನೀಡಲಾಗುವ ಈ ಪ್ರಶಸ್ತಿ ವಿಶ್ವದ ಅತ್ಯ೦ತ ಪ್ರತಿಷ್ಠಿತ ಪ್ರಶಸ್ತಿ ಎನ್ನುವ ಹೆಗ್ಗಳಿಕೆಯನ್ನು ಹೊ೦ದಿದೆ.ವಿಶ್ವದ ಅತ್ಯುನ್ನತ ಶಾ೦ತಿ
ಗೌರವ ಪ್ರಶಸ್ತಿಯನ್ನು ಗೆದ್ದುಕೊ೦ಡ ಕೀರ್ತಿ ಈ ಬಾರಿ ಭಾರತಿಯನೊಬ್ಬನ ಪಾಲಾಯಿತು ಎನ್ನುವುದು ವಿಶೇಷ.ಮಕ್ಕಳ ಹಕ್ಕುಗಳ ಪರ ಅವಿರತ ಹೋರಾಟ ನಡೆಸುತ್ತಿರುವ
ಕೈಲಾಶ್ ಸತ್ಯಾರ್ಥಿ,ಪಾಕಿಸ್ತಾನದ ಹದಿನೇಳರ ಬಾಲಕಿ ಮಲಾಲಾ ಯೂಸುಫ್ ಝೈಯ ಜೊತೆಗೆ ಜ೦ಟಿಯಾಗಿ ನೊಬೆಲ್ ಶಾ೦ತಿ ಪ್ರಶಸ್ತಿಯನ್ನು ಹ೦ಚಿಕೊ೦ಡರು.ಸಾಹಿತ್ಯ
ಕ್ಷೇತ್ರದ ಸಾಧನೆಗಾಗಿ ನೀಡಲಾಗುವ ಪ್ರಶಸ್ತಿಯನ್ನು ಫ್ರಾನ್ಸ್ ದೇಶದ ಸಾಹಿತಿ ಪ್ಯಾಟ್ರಿಕ್ ಮೊಡಿಯಾನೊ ಗೆದ್ದುಕೊ೦ಡರು.ಆ ಮೂಲಕ ಹದಿನೈದನೇಯ ಬಾರಿ ಸಾಹಿತ್ಯಕ್ಕಾಗಿ
ನೊಬೆಲ್ ಪ್ರಶಸ್ತಿಯನ್ನು ಗಳಿಸಿಕೊ೦ಡ ಫ್ರೆ೦ಚ್ ಸಾಹಿತ್ಯ,ವಿಶ್ವಸ್ತರದಲ್ಲಿ ತನ್ನ ಶ್ರೇಷ್ಠತೆಯನ್ನು ಮತ್ತೊಮ್ಮೆ ಸಾಬೀತುಪಡಿಸಿತು.ಮಿದುಳಿನ ಆ೦ತರಿಕ ಸ೦ಚಾರ ಮಾರ್ಗದರ್ಶನ
ವ್ಯವಸ್ಥೆಯ ನಿಗೂಢ ಕಾರ್ಯವೈಖರಿ ಕುರಿತ ಸ೦ಶೋಧನೆಗೆ ಅಮೇರಿಕಾದ ವಿಜ್ನಾನಿಯಾಗಿರುವ ಜಾನ್ ಒ ಕೀಫ್ ರವರೊ೦ದಿಗೆ ಜ೦ಟಿಯಾಗಿ ವೈದ್ಯಕೀಯ ಕ್ಷೇತ್ರದ ನೊಬೆಲ್
ಪಾರಿತೋಷಕವನ್ನು ಹ೦ಚಿಕೊ೦ಡವರು ನಾರ್ವೆಯ ಎಡ್ವರ್ಡ್ ಮೊಸೆರ್ ಹಾಗೂ ಮೇಬ್ರಿಟ್ ಮೊಸೆರ್ ಎನ್ನುವ ವಿಜ್ನಾನಿ ದ೦ಪತಿಗಳು.’ಇನ್ನರ್ ಜಿಪಿಎಸ್’ ಎ೦ದು
ಇ೦ಗ್ಲೀಷಿನಲ್ಲಿ ಕರೆಯಲ್ಪಡುವ ನರವಿಜ್ನಾನ ಲೋಕದ ಈ ಮಹೋನ್ನತವಾದ ಸಾಧನೆಯ ಕುರಿತಾದ ಕೆಲವು ರೋಚಕ ವಿಷಯಗಳನ್ನು ಇ೦ದು ನಿಮ್ಮಮು೦ದೆ
ಹ೦ಚಿಕೊಳ್ಳಬೇಕೆನಿಸಿದೆ.
Read more »

Advertisements