ನದಿ..!
– ಶ್ರೀ ಹರಿ
ಎಲ್ಲೋಮಹಾಟವಿಯ ಮಧ್ಯದಿಜುಳು ಜುಳು ನಾದ
ಚಿಮ್ಮುತ ಹರಿದಳು
ಹರುಷದ ಉನ್ಮಾದ
ಹೊಳೆ ಝರಿಗಳ ಜೊತೆಗೆ
ಕಣಿವೆ ಹೆಬ್ಬಂಡೆಗಳ ನಡುವೆ
ಚೆಲ್ಲುತ ನಗೆಯ ಬಳುಕುತ ನಡುವ
ಹರಿದಳು ನವವಧುವಿನಂತೆ
ಕಂಡಿತು ಊರು ಕದಡಿತು ಹರುಷ
ಮುಳ್ಳು ಕಂತೆಗಳು ಏಳುಬೀಳುಗಳು
ಕಾಲುವೆ ಅಣೆಕಟ್ಟೆಗಳು
ಸ್ವಛ್ಛಂದ ನಾಗಾಲೋಟವಿಲ್ಲ
ನೈಜ ಸಾರ್ವಭೌಮತ್ವವಿಲ್ಲ
ಒಡಲಲಿ ಸುಳಿಗಳು
ಮೊಗದಲಿ ನಗೆಗಳು
ಹರಿದಳು ಮೌನದಿ ಸರಸ್ವತಿಯಂತೆ
ಬೆಳೆಯಿಸಿ ಸಸಿಯ
ಪೋಷಿಸಿ ತರುವ
ತಣಿಯಿಸಿ ಬಾಯಾರಿಕೆಯ
ಪರರ ಸಂತೋಷಕಾಗಿ
ಊರಿನ ಏಳಿಗೆಗಾಗಿ
ಒಡೆತನದ ಜಂಜಾಟದಲಿ
ಹಗೆತನದ ಕಾದಾಟಗಳಲಿ
ಉರಿದಳು ಪ್ರಜ್ವಲಿಸುವ ದೀಪದಂತೆ
ನಡೆದಳು ಮುನಿದಳು
ಉರಿದಳು ಬಿರಿದಳು
ಓಡುತ ಸಾಗರ ಸೇರಿದಳು
ಬಾಗಿ ನಿಂದಿತ್ತೋಂದು ಲತೆ
ದೂರದ ದಂಡೆಯ ಮೇಲೆ
ತೋರುತ ಕೃತಙ್ನತೆಯ
ಚಿತ್ರ ಕೃಪೆ :- ಗೂಗಲ್
1 ಟಿಪ್ಪಣಿ
Post a comment
ಬಾಳನು ಬೆಳಗಿಸುವ ದೀಪವಾಗಿ ನದಿ!