ಮತಾಂಧ ಭಯೋತ್ಪಾದಕರೊಡನೆ ವೇದಿಕೆ ಹಂಚಿಕೊಂಡರೂ ಇವರು “ಜಾತ್ಯಾತೀತ”ರೇ!!

– ನರೇಂದ್ರ ಕುಮಾರ್

ಮುಲ್ಲಾ ಅಬ್ದುಲ್ ಸಲಾಂ ಜ಼ಯೀಫ಼್ ಎನ್ನುವ ಹೆಸರು ಭಾರತದಲ್ಲಿ ಹೆಚ್ಚಿನ ಜನರಿಗೆ ತಿಳಿದಿರಲಾರದು. 1990ರ ದಶಕದಲ್ಲಿ ಆಫ಼್ಘಾನಿಸ್ತಾನದಲ್ಲಿ ತಾಲಿಬಾನ್ ಸ್ಥಾಪನೆಯಾಯಿತು. ಆಫ಼್ಘಾನಿಸ್ತಾನ ಮತ್ತು ಪಾಕಿಸ್ತಾನಗಳಲ್ಲಿ ತಾಲಿಬಾನ್ ನಡೆಸಿರುವ ಮತಾಂಧ ಕೆಲಸಗಳು ಜಗತ್ಪ್ರಸಿದ್ಧ. ಆಫ಼್ಘಾನಿಸ್ತಾನದ ಹಜ಼ರತ್ ಪ್ರದೇಶದಲ್ಲಿರುವ ಬಾಮ್ವಾಮ್ ಕಣಿವೆಯಲ್ಲಿದ್ದ ೬ನೇ ಶತಮಾನದ ಬೃಹತ್ ಬುದ್ಧ ಭಗವಾನನ ಪ್ರತಿಮೆಗಳನ್ನು 2001ರಲ್ಲಿ ಭಗ್ನಗೊಳಿಸಿದಾಗ, ತಾಲಿಬಾನ್ ಹೆಸರು ಜಗತ್ತಿನಲ್ಲೆಲ್ಲಾ ಪ್ರಸಿದ್ಧವಾಯಿತು. ಜಗತ್ತಿನೆಲ್ಲೆಡೆಯಿಂದ ಬುದ್ಧನ ಪ್ರತಿಮೆಗಳನ್ನು ಹಾಳುಗೆಡವಿದ ಕಾರ್ಯವನ್ನು ಖಂಡಿಸಲಾಯಿತು. ಆದರೆ, ತಾಲಿಬಾನ್ ಅದಕ್ಕೆಲ್ಲಾ ತಲೆಕೆಡಿಸಿಕೊಳ್ಳಲಿಲ್ಲ. ಮೇಲೆ ಹೇಳಿದ “ಮುಲ್ಲಾ ಅಬ್ದುಲ್ ಸಲಾಂ ಜ಼ಯೀಫ಼್” ಎನ್ನುವವರು ಈ ತಾಲಿಬಾನ್‌ನ ಸಂಸ್ಥಾಪಕರಲ್ಲಿ ಒಬ್ಬರು. ತಾಲಿಬಾನ್ ಸಂಸ್ಥಾಪನೆ ಮಾಡಿದ ಮುಲ್ಲ ಮೊಹಮ್ಮದ್ ಓಮರ್ ಹೆಸರು ಸ್ವಲ್ಪಮಟ್ಟಿಗೆ ಎಲ್ಲರಿಗೂ ತಿಳಿದಿರುತ್ತದೆ. ಈ ಮುಲ್ಲಾ ಅಬ್ದುಲ್ ಸಲಾಮ್ ಜ಼ಯೀಫ಼್, ಮುಲ್ಲಾ ಓಮರ್^ನ ಬಲಗೈ ಭಂಟನಾಗಿದ್ದ. 2001ರಲ್ಲಿ ಅಮೆರಿಕಾದಲ್ಲಿ ಭಯೋತ್ಪಾದಕ ಕೃತ್ಯ ನಡೆಸಿದ ನಂತರದಲ್ಲಿ, ಒಸಾಮಾ ಬಿನ್ ಲಾಡೆನ್ನಿಗೆ ಆಫ್ಘಾನಿಸ್ತಾನದಲ್ಲಿ ಆಶ್ರಯ ಒದಗಿಸಿದವರು ಇವರೇ!

ಇಂತಹ (ಕು)ಖ್ಯಾತಿ ಹೊಂದಿರುವ ಮುಲ್ಲಾ ಅಬ್ದುಲ್ ಸಲಾಂ ಜ಼ಯೀಫ಼್ ಜೊತೆಗೆ ಇರುವವರನ್ನು ಏನನ್ನಬೇಕು? ಅದರಲ್ಲೂ, ಭಾರತ ಸರಕಾರದಲ್ಲಿ ಎರಡನೇ ಸ್ಥಾನದಲ್ಲಿರುವ ವ್ಯಕ್ತಿಯೊಬ್ಬರು, ಇವನೊಡನೆ ವೇದಿಕೆ ಹಂಚಿಕಂಡರೆ? ಮೊನ್ನೆ ಭಾನುವಾರ ಗೋವಾದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಪಿ.ಚಿದಂಬರಂ ಅವರು, ಮುಲ್ಲಾ ಅಬ್ದುಲ್ ಸಲಾಂ ಜ಼ಯೀಫ಼್ ಭಾಗವಹಿಸಿದ್ದ ಕಾರ್ಯಕ್ರಮದಲ್ಲಿ ಭಾಗವನಿಸಿದರು. ಈ ಕಾರ್ಯಕ್ರಮದಲ್ಲಿ ಜ಼ಯೀಫ಼್ ಭಾಷಣವನ್ನೂ ಮಾಡಿದರು!

ಈ ಸುದ್ದಿಯ ಕೊಂಡಿ ಇಲ್ಲಿದೆ: http://www.dailypioneer.com/todays-newspaper/taliban-founder-shares-dais-with-pc-netizens-rap-govt.html

ಭಯೋತ್ಪಾದಕರ ಪಟ್ಟಿಯಲ್ಲಿ ಹೆಸರಿದ್ದ ವ್ಯಕ್ತಿಗೆ ಭಾರತದೊಳಗೆ ಬರಲು ವೀಸಾ ಹೇಗೆ ಸಿಕ್ಕಿತೆಂಬುದು ಎಲ್ಲರ ಪ್ರಶ್ನೆ? ಮತ್ತು ಇಂತಹವರಿದ್ದ ಕಾರ್ಯಕ್ರಮದಲ್ಲಿ ಭಾರತ ಸರಕಾರದ ಮಂತ್ರಿಯೊಬ್ಬರು ಭಾಗವಹಿಸಿದ್ದು ಜಗತ್ತಿಗೆ ಏನು ಸಂದೇಶ ನೀಡುತ್ತದೆ? ಭಯೋತ್ಪಾದನೆಯೊಡನೆ ಸಮರ ಮಾಡಬೇಕಾದವರೇ, ಭಯೋತ್ಪಾದಕರಿಗೆ ಮಣೆ ಹಾಕಿದರೆ…..!? ಅಥವಾ ಜ಼ಯೀಫ಼್ ಅವರು ಚಿದಂಬರಂ ಅವರಿಗೆ “ಜಾತ್ಯಾತೀತ”ತೆಯ ಕುರಿತಾಗಿ “ಸಹಿಷ್ಣುತೆ”ಯ ಕುರಿತಾಗಿ ಪ್ರವಚನ ನೀಡಿರಬಹುದೇ?

ಪಿ.ಚಿದಂಬರಂ ಅವರಾಗಲೀ, ಯುಪಿಎ ಸರಕಾರದ ಯಾವ ಮಂತ್ರಿಗಳೇ ಆಗಲಿ, ಅಪ್ಪಿತಪ್ಪಿಯೂ ಹಿಂದು ಸಂನ್ಯಾಸಿಗಳೊಡನೆ ಒಡನಾಡುವುದಿಲ್ಲ. ಏಕೆಂದರೆ, ಇದರಿಂದ ಅವರು “ಕೋಮುವಾದಿ”ಗಳಾಗಿ ಬಿಡುತ್ತಾರೆ. ಆದರೆ, ಮತಾಂಧ-ಭಯೋತ್ಪಾದಕರು ಇವರಿಗೆಲ್ಲಾ ಆಪ್ತಮಿತ್ರರು. ಅಂತಹವರೊಡನೆ ಒಡನಾಡಿದರೂ ಇವರ “ಜಾತ್ಯಾತೀತ”ತೆಗೆ ಭಂಗವಿಲ್ಲ! ಪ್ರಾಯಶಃ ಅಂತಹವರೊಡನೆ ಒಡನಾಡುವುದೇ ನಿಜವಾದ “ಜಾತ್ಯಾತೀತ”ತೆ!?