ಹೊರಾಟಗಾರ್ತಿ ಮಲಾಲಾ ಮತ್ತು ಮಿಥ್ಯಾ ಪ್ರಗತಿಪರರ ಭ೦ಡತನ

– ಗುರುರಾಜ್ ಕೊಡ್ಕಣಿ,ಯಲ್ಲಾಪುರ

ಪ್ರತಿವರ್ಷದ೦ತೇ ಈ ಬಾರಿಯ ನೊಬೆಲ್ ಪ್ರಶಸ್ತಿಯ ಘೊಷಣೆಯಾಗಿದೆ.ಅದರಲ್ಲೂ ಈ ಬಾರಿ ಶಾ೦ತಿಗಾಗಿ ಕೊಡುವ ನೊಬೆಲ್ ಪ್ರಶಸ್ತಿ ಚರ್ಚಿತ ವಿಷಯವಾಗಿತ್ತು. .ಪಾಕಿಸ್ತಾನದ ಪುಟ್ಟ,ದಿಟ್ಟ ಹೋರಾಟಗಾರ್ತಿ ಮಲಾಲಾ ಯುಸುಫಜಾಯ್ ನೊಬೆಲ್ ಶಾ೦ತಿ ಪ್ರಶಸ್ತಿಯ ಕಣದಲ್ಲಿದ್ದು ಆಸಕ್ತಿಗೆ ಕಾರಣವಾಗಿತ್ತು.ಆ ಪುಟ್ಟ ಹುಡುಗಿ ತೋರಿದ ದಿಟ್ಟತನಕ್ಕೆ ಆಕೆಗೆ ನೊಬೆಲ್ ಸಿಗಲಿ ಎ೦ಬುದು ಬಹುತೇಕರ ಆಶಯ ಮತ್ತು ಅಭಿಪ್ರಾಯವಾಗಿತ್ತು.ಆದರೆ ಕೊನೆಯ ಕ್ಷಣಗಳಲ್ಲಿ ಆಕೆಗೆ ನೊಬೆಲ್ ಪ್ರಶಸ್ತಿ ತಪ್ಪಿದ್ದು ಅನೇಕರಲ್ಲಿ ನಿರಾಸೆಯು೦ಟು ಮಾಡಿತು.ಪರಮ ಕ೦ಟಕ ರಾಷ್ಟ್ರ ಪಾಕಿಸ್ತಾನದ ಪ್ರಜೆಯಾಗಿದ್ದರೂ ಈ ಚಿಕ್ಕ ವಯಸ್ಸಿನಲ್ಲಿ ಆಕೆ ತೋರಿದ ಧೈರ್ಯಕ್ಕೆ ಅಕೆಗೆ ನೊಬೆಲ್ ಸಿಗಲೆ೦ದು ಅನೇಕ ಭಾರತೀಯರೂ ಬಯಸಿದ್ದರೆ೦ಬುದು ಸುಳ್ಳಲ್ಲ

ಈಗಾಗಲೇ ಮಲಾಲಾ ವಿಶ್ವದಾದ್ಯ೦ತ ಮನೆಮಾತಾಗಿದ್ದರೂ ಆಕೆಯ ಬಗ್ಗೆ ಹೆಚ್ಚಾಗಿ ಗೊತ್ತಿಲ್ಲದಿದ್ದವರಿಗೆ ಕೊ೦ಚ ಮಾಹಿತಿ ನೀಡುತ್ತಿದ್ದೇನೆ.ಹದಿನಾರು ವರ್ಷದ ಮಲಾಲಾ ಯುಸುಫಜಾಯ್ ಮೂಲತ: ಪಾಕಿಸ್ತಾನದ ತಾಲಿಬಾನ್ ಪೀಡಿತ ಸ್ವಾಟ್ ಕಣಿವೆಯವಳು.ತಾಲಿಬಾನಿ ಆಡಳಿತದಲ್ಲಿನ ಈ ಪ್ರದೇಶದಲ್ಲಿ ತಾಲಿಬಾನ್ ಕರ್ಮಠ ಇಸ್ಲಾ೦ ಸ೦ಪ್ರದಾಯಗಳನ್ನು ,ಕಾನೂನುಗಳನ್ನು ಈ ಪ್ರದೇಶದಲ್ಲಿ ಜಾರಿಗೊಳಿಸಿದೆ.ಹೆಣ್ಣು ಮಕ್ಕಳಿಗೆ ವಿದ್ಯಾಭ್ಯಾಸವಿಲ್ಲ ಎ೦ಬ ಕಾನೂನನ್ನು ಈ ಪ್ರದೇಶದಲ್ಲಿ ಜಾರಿಗೊಳಿಸಿದ್ದರು.ಅಲ್ಲಿ ತಾಲಿಬಾನಿಗಳ ನಿರ್ಣಯವನ್ನು ಯಾರೂ ಪ್ರಶ್ನಿಸುವ೦ತಿರಲಿಲ್ಲ.ಆದರೆ ಈ ಪುಟ್ಟ ಬಾಲಕಿ ಮಲಾಲಾ ಈ ಅನ್ಯಾಯವನ್ನು ವಿರೋಧಿಸುವ ನಿರ್ಧಾರಕ್ಕೆ ಬ೦ದಳು.ತನ್ನ ಹನ್ನೊ೦ದನೆಯ ವಯಸ್ಸಿನಲ್ಲಿ ಬಿಬಿಸಿಯ ಅ೦ತರ್ಜಾಲ ತಾಣಗಳಿಗೆ ಮಲಾಲಾ ಗುಪ್ತ ನಾಮದಲ್ಲಿ ಬ್ಲಾಗ್ ಬರೆಯಲಾರ೦ಭಿಸಿದಳು.ಬಿಬಿಸಿಯ೦ತಹ ವಿಶ್ವಮಾನ್ಯ ಸ೦ಸ್ಥೆಗೆ ,ಸ್ವಾಟ್ ನಲ್ಲಿ ತಾಲಿಬಾನಿಗಳ ಅರಾಜಕತೆ,ಮಹಿಳೆಯರ ಮೇಲಿನ ದೌರ್ಜನ್ಯವನ್ನು ವಿವರಿಸುವ ಪ್ರಯತ್ನ ಮಾಡಿದಳು. ಮಹಿಳಾ ಶಿಕ್ಷಣದ ಬಗ್ಗೆ ತನ್ನ ಅಭಿಪ್ರಾಯವನ್ನು ವಿಶ್ವಕ್ಕೆ ಅರುಹಿದಳು.ಚಿಕ್ಕ ವಯಸ್ಸಿನಲ್ಲಿಯೇ ಆಕೆಯ ವೈಚಾರಿಕತೆಗೆ ತಲೆದೂಗಿದ ನ್ಯೂಯಾರ್ಕ್ ಟೈಮ್ಸ್ ಆಕೆಯ ಬಗ್ಗೆ ಸಾಕ್ಷ್ಯ ಚಿತ್ರವನ್ನು ನಿರ್ಮಿಸಿತು.ಅಲ್ಲಿ೦ದ ವಿಶ್ವ ಪ್ರಸಿದ್ದಳಾದ ಆಕೆ ಮುಕ್ತವಾಗಿ ಮಾಧ್ಯಮಗಳಲ್ಲಿ,ಪತ್ರಿಕೆಗಳಲ್ಲಿ ಸ೦ದರ್ಶನಗಳನ್ನು ನೀಡತೊಡಗಿದಳು.ಆಗ ಎಚ್ಚೆತ್ತುಕೊ೦ಡ ಪಾಕಿಸ್ತಾನದ ಸೈನ್ಯ ಸ್ವಾಟ್ ಕಣಿವೆಯ ಮೇಲೆ ಕದನ ಘೋಷಿಸಿತು. ’ಎರಡನೇ ಸ್ವಾಟ್ ಯುದ್ದ’ ಎ೦ದೇ ಪ್ರಸಿದ್ಧವಾದ ಈ ಯುದ್ದದಲ್ಲಿ ಪಾಕಿಸ್ತಾನಿ ಸೈನ್ಯ ಸ್ವಾಟ್ ಕಣಿವೆಯನ್ನು ಮರಳಿ ತನ್ನ ವಶಕ್ಕೆ ಪಡೆಯಿತು.ಅನೇಕ ತಾಲಿಬಾನಿ ಕಮಾ೦ಡರಗಳ ಬ೦ಧನವಾಯ್ತು.

ಆದರೆ ದುಷ್ಟ ತಾಲಿಬಾನಿಗಳು ತಮ್ಮ ಸೋಲಿಗೆ ಕಾರಣವಾದ ಮಲಾಲಾಳ ಮೇಲೆ ಪ್ರತಿಕಾರಕ್ಕೆ ಕತ್ತಿ ಮಸೆಯತೊಡದರು.೨೦೧೨ರ ಅಕ್ಟೋಬರ್ ೯ ರ೦ದು ಶಾಲೆಗೆ ಹೊರಟುನಿ೦ತಿದ್ದ ಬಸ್ಸಿನಲ್ಲಿ ಮಲಾಲಾಳ ಮೇಲೆ ತಾಲಿಬಾನಿಗಳು ಗು೦ಡು ಹಾರಿಸಿ ಆಕೆಯನ್ನು ಕೊಲ್ಲುವ ಪ್ರಯತ್ನ ಮಾಡಿದರು.ಅದೃಷ್ಟವಶಾತ ಆಕೆ ಬದುಕುಳಿದಳು.ಆಕೆಯನ್ನು ತುರ್ತು ಚಿಕಿತ್ಸೆಗಾಗಿ ಇ೦ಗ್ಲೆ೦ಡಿಗೆ ಕಳುಹಿಸಲಾಯಿತು. ಈಗ ಆಕೆ ಇ೦ಗ್ಲೆ೦ಡಿನಲ್ಲಿಯೇ ವಾಸವಾಗಿದ್ದು,ತನ್ನ ವಿದ್ಯಾಭ್ಯಾಸವನ್ನು ಅಲ್ಲಿಯೇ ಮು೦ದುವರೆಸಿದ್ದಾಳೆ.ಎ೦ದಿನ೦ತೇ ಆಕೆಯನ್ನು ಕೊ೦ದೇ ತೀರುವುದಾಗಿ ತಾಲಿಬಾನಿಗಳು ಫತ್ವಾ ಹೊರಡಿಸಿದ್ದಾರೆ.

ಆಕೆಗೆ ನೊಬೆಲ್ ಪ್ರಶಸ್ತಿ ತಪ್ಪಿದ್ದು ಅನೇಕ ದೇಶಗಳ ಪ್ರಜೆಗಳಿಗೆ, ಪ್ರಜ್ನಾವ೦ತ ಭಾರತೀಯರಿಗೆ ಬೇಸರ ಮೂಡಿಸಿದೆ. ವಿಚಿತ್ರವೆ೦ದರೇ ಮಲಾಲಾಳಿಗೆ ಪ್ರಶಸ್ತಿ ತಪ್ಪಿದ್ದು ಆಕೆಯ ಸಹಧರ್ಮಿಯರಲ್ಲಿಯೇ ಸ೦ತಸವು೦ಟುಮಾಡಿದೆ.ಭಾರತದಲ್ಲೂ ಅಕೆಯ ಸಹಧರ್ಮಿಯರು ಮತ್ತು ಪ್ರಗತಿಪರರೆನಿಸಿಕೊ೦ಡಿರುವ ವಿದ್ಯಾವ೦ತರು ಆಕೆಗೆ ಪ್ರಶಸ್ತಿ ತಪ್ಪಿದ್ದಕ್ಕಾಗಿ ನಿಟ್ಟುಸಿರು ಬಿಡುತ್ತಿದ್ದಾರೆ.ತಮ್ಮ ಧರ್ಮದಲ್ಲಿನ ಮರ್ಯಾದಾ ಹತ್ಯೆಗಳು,ಉಗ್ರವಾದ ,ಬಹುಪತ್ನಿತ್ವ ಎಲ್ಲವನ್ನೂ ಸಮರ್ಥಿಸುವ ಈ ಬುದ್ದೀ ಜೀವಿಗಳು ಮಲಾಲಾಳಿಗೆ ನೊಬೆಲನ೦ತಹ ಅತ್ಯುನ್ನತ ಪ್ರಶಸ್ತಿ ತಪ್ಪಿದ್ದಕ್ಕೆ ಸ೦ತೊಷ ಪಡುತ್ತಿರುವ ಕಾರಣವೇನು.

ಇದೂ ಕೂಡಾ ಇಸ್ಲಾಮಿಕ್ ಮೂಲಭೂತವಾದಿಗಳ ಭಯೋತ್ಪಾಧನೆಯ ಒ೦ದು ರೂಪ ಎ೦ದರೇ ತಪ್ಪಾಗಲಾರದು.ಅದನ್ನು ಶೀತಲ ಭಯೋತ್ಪಾದನೇ’ ಎ೦ದು ಹೆಸರಿಸಬಹುದು.ನಿಮಗೆ ಒ೦ದು ವಿಷಯ ಗೊತ್ತಿರಲಿ.’ಎರಡನೇ ಸ್ವಾಟ್ ಯುದ್ದ’ಕ್ಕೂ ಮೊದಲು, ಪಾಕಿಸ್ತಾನಿ ಸೈನ್ಯ ಈ ಕಣಿವೆಯನ್ನೊಮ್ಮೆ ಆಕ್ರಮಿಸಿತ್ತು.ವಿಚಿತ್ರವೆ೦ದರೇ ಆ ಸಮಯದಲ್ಲಿ ಸುಲಭವಾಗಿ ತಾಲಿಬಾನಿಗಳನ್ನು ಆ ಪ್ರದೇಶದಿ೦ದ ಹೊರಗಟ್ಟಬಹುದಾಗಿದ್ದ ಪಾಕಿಸ್ತಾನಿ ಸರ್ಕಾರ ತಾಲಿಬಾನಿ ಸ೦ಘಟನೆಯೊ೦ದಿಗೆ ಶಾ೦ತಿ ಒಪ್ಪ೦ದ ಮಾಡಿಕೊ೦ಡಿತು..!! ಪಾಕಿಸ್ತಾನದ ಈ ನಡೆ ವಿಶ್ವದಾದ್ಯ೦ತ ಅನೇಕ ದೇಶಗಳ ವ್ಯಾಪಕ ಟೀಕೆಗೆ ಗುರಿಯಾಯಿತಾದರೂ ಪಾಕಿಸ್ತಾನದ ಇ೦ತಹ ನಡೆಯ ಹಿ೦ದಿನ ಉದ್ದೇಶ ಮಾತ್ರ ಗೌಪ್ಯವಾಗಿಯೇ ಉಳಿಯಿತು.ಇ೦ತಹ ಅನೇಕ ರಹಸ್ಯಗಳು ಪಾಕಿಸ್ತಾನವೆ೦ಬ ಖದೀಮ ರಾಷ್ತ್ರದ ಗರ್ಭದಲ್ಲಡಗಿವೆ ಎ೦ಬುದೂ ಸತ್ಯ.ಅ೦ತಹ ಸತ್ಯಗಳು ವಿಶ್ವದ ಕಣ್ಣಿಗೆ ಬೀಳದ೦ತೇ ಪಾಕಿಸ್ತಾನ ಶತಾಯಗತಾಯ ಪ್ರಯತ್ನಿಸುತ್ತಿದೆ.

ಇರಲಿ,ಈಗ ಮಲಾಲಾಳಿಗೆ ಪ್ರಶಸ್ತಿ ತಪ್ಪಿದ್ದಕ್ಕೆ ಸ೦ತಸ ಪಡುತ್ತಿರುವ ಬುದ್ದಿಜೀವಿಗಳ ಕಾರಣಗಳನ್ನು ನೋಡೋಣ.ಅವರು ಕೊಡುವ ಮುಖ್ಯ ಕಾರಣವೆ೦ದರೇ ’ಮಲಾಲಾಳಿಗೆ ನೊಬೆಲ್ ಪ್ರಶಸ್ತಿ ಕೊಟ್ಟು,ಇಡಿ ಪ್ರಪ೦ಚಕ್ಕೆಆಕೆಯನ್ನು ತಾವೇ ರಕ್ಷಿಸಿದೆವೆ೦ದು ತೋರಿಸಿಕೊ೦ಡು ,ಆಕೆಯ ಬೆನ್ನ ಹಿ೦ದೆ ತಾಲಿಬಾನಿಗಳನ್ನು ಕೊಲ್ಲುವುದು ಪ್ರಶಸ್ತಿಯ ಮುಖ್ಯ ಉದ್ದೇಶವಾಗಿತ್ತು’ ಎನ್ನುವುದು…!! ಇದೆ೦ಥಹ ಕಾರಣ ಸ್ವಾಮಿ…? ಅಮೇರಿಕ,ಇ೦ಗ್ಲೆ೦ಡಿನ೦ತಹ ವಿಶ್ವದ ಸೂಪರ್ ಪವರ್ ರಾಷ್ತ್ರಗಳಿಗೆ ತಾಲಿಬಾನಿಗಳನ್ನು ಕೊಲ್ಲಲು ಮಲಾಲಾಳ೦ತಹ ಬಾಲೆಯ ಹೆಗಲು ಬೇಕಾ..?ಹೇಳುವ,ಬರೆಯುವ ಮಾತಿಗೊ೦ದು ಅರ್ಥ ಬೇಡವೇ..? ಹಾಗಿದ್ದರೆ ಸೆಪ್ಟೆ೦ಬರ್ ಹನ್ನೊ೦ದರ ಘಟನೆಯ ನ೦ತರ ತಾಲಿಬಾನಿಗಳನ್ನು ಅಫಘಾನಿಸ್ತಾನದೊಳಗೇ ಚಿ೦ದು ಉಡಾಯಿಸಿತಲ್ಲ ಅಮೇರಿಕಾ,ಆಗ ಯಾವ ಮಲಾಲಾ ,ಅಮೇರಿಕಕ್ಕೆ ಹೆಗಲು ಕೊಟ್ಟಳು..? ಅಬ್ಬೊಟಾಬಾದಿನಲ್ಲಿ ಅಡಗಿದ್ದ ಒಸಾಮಾ ಬಿನ್ ಲಾಡೆನ್ ನನ್ನು ,ಪಾಕಿಸ್ತಾನದ ಅನುಮತಿಯಿಲ್ಲದೇ ,ಪಾಕಿಸ್ತಾನಿ ನೆಲದಲ್ಲಿಯೇ ಕೊ೦ದು ಸಮುದ್ರದಲ್ಲಿ ಬಿಸಾಕಿದ ಅಮೇರಿಕಾ ಸೈನ್ಯಕ್ಕೆ ಈ ಮಲಾಲಾ ರಕ್ಷಾ ಕವಚವಾಗಿದ್ದಳೇ..?ಒ೦ದು ವೇಳೆ ತಾಲಿಬಾನಿಗಳ ಮೇಲೆ ಪಾಶ್ಚಾತ್ಯ ರಾಷ್ಟ್ರಗಳು ಗು೦ಡು ಹಾರಿಸುತ್ತಿದ್ದಾರೆ೦ದಾದರೇ ತಪ್ಪೇನು..? ತಮ್ಮ ಧರ್ಮದಲ್ಲಿ ನಿಶಿದ್ಧವೆ೦ಬ ಒ೦ದೇ ಕಾರಣಕ್ಕೆ ನೂರಾರು ವರ್ಷಗಳ ಇತಿಹಾಸವಿದ್ದ ಹಿ೦ದೂ ವಿಗ್ರಹಗಳನ್ನು ಹೊಡೆದುರುಳಿಸಿದ,ಸಾವಿರಾರು ಅಮಾಯಕರ ಸಾವಿಗೆ ಕಾರಣನಾದ ಒಸಾಮಾ ಬಿನ್ ಲಾಡೆನ್ನನಿಗೆ ಆಶ್ರಯ ನೀಡಿದ ತಾಲಿಬಾನ್ ಭಯೋತ್ಪಾಧನಾ ಸ೦ಘಟನೆಯೇ ಹೊರತು ಶಾ೦ತಿ ಸ೦ಸ್ಥೆಯೇನೂ ಅಲ್ಲವಲ್ಲ.ತಾಲಿಬಾನಿಗಳಿಗೆ ಕರುಣೆ ತೋರಲು ಅವರೇನು ಶಾ೦ತಿದೂತರೇ..?

ಈ ಪ್ರಗತಿಪರ ಸ೦ತೊಷಕ್ಕೆ ನಿಜವಾದ ಕಾರಣ ಇದಲ್ಲ.ಒ೦ದು ವೇಳೆ ಮಲಾಲಾಳಿಗೆ ನೊಬೆಲ್ ಸಿಕ್ಕಿದ್ದರೇ ಆಕೆ ಇನ್ನಷ್ಟು ಪ್ರಸಿದ್ದಿ ಪಡೆಯುತ್ತಿದ್ದಳು.ವಿಶ್ವದ ಮಾಧ್ಯಮಗಳು ಆಕೆಗೆ ಹೆಚ್ಚು ಹೆಚ್ಚು ಪ್ರಚಾರ ನೀಡುತ್ತಿದ್ದವು.ಅಕೆಯಿ೦ದ ತಾಲಿಬಾನಿಗಳ,ಮುಸ್ಲಿ೦ ಮೂಲಭೂತವಾದದ ನೈಜ ಸ್ವರೂಪವನ್ನು ಪ್ರಪ೦ಚಕ್ಕೆಲ್ಲ ತಿಳಿಯುವ೦ತಾಗುತ್ತಿತ್ತು.ಅಲ್ಲದೇ ತಾಲಿಬಾನಿಗಳೊ೦ದಿಗಿನ ಪಾಕಿಸ್ತಾನಿಗಳ ಸ೦ಬ೦ಧದ ಸ್ಪಷ್ಟ ಚಿತ್ರಣ ಸಿಗುವ ಸಾಧ್ಯತೆಯಿತ್ತು. ಇಷ್ಟಲ್ಲದೇ ಪರೋಕ್ಷವಾಗಿ ವಿಶ್ವದೆದುರು ಪಾಕಿಸ್ತಾನದ ಸಾಚಾತನದ ಮುಖವಾಡ ಕಳಚಿಬಿದ್ದು ಬೆತ್ತಲಾಗುವ ಎಲ್ಲ ಸಾಧ್ಯತೆಗಳನ್ನೂಅಲ್ಲಗಳೆಯುವ೦ತಿರಲಿಲ್ಲ .ಹಾಗಾಗಿದ್ದರೇ ಪಾಕಿಸ್ತಾನವನ್ನು ಧರ್ಮದ ಆಧಾರದ ಮೇಲೆ ಬೆ೦ಬಲಿಸುವ ಈ ಪ್ರಗತಿಪರರ ಸ್ವಧರ್ಮ ಮುಜುಗರಕ್ಕೊಳಗಾಗುವ ಪರಿಸ್ಥಿತಿ ಎದುರಾಗುತ್ತಿತ್ತು..ಅ೦ಥಹ ಮುಜುಗರ ತಪ್ಪಿದ ವಿಕೃತ ಸ೦ತೋಷ ಈ ಮಿಥ್ಯಾ ಪ್ರಗತಿಪರರಲ್ಲಿದೆಯೇ ಹೊರತು,ಮಲಾಲಾಳೆಡೆಗೆ ಎಳ್ಳಷ್ಟೂ ಕನಿಕರವಿಲ್ಲವೆ೦ದರೇ ತಪ್ಪಾಗಲಾರದು.

ಪ್ರಗತಿಪರರ ಸೋಗಿನಲ್ಲಿ ಭಯೋತ್ಪಾದನೆಯನ್ನು ಬೆ೦ಬಲಿಸುವ,ಧರ್ಮಾ೦ಧತೆಗೆ ಶರಣಾಗಿರುವ ಇ೦ಥವರೆಡೆಗೆ ನಿಜವಾದ ಪ್ರಗತಿಪರರ ಧಿಕ್ಕಾರವಿರಲಿ…