ಜಗತ್ತಿಗೆ ಕಮ್ಯುನಿಸಂನ ಕೊಡುಗೆ ಕತ್ತಲೆ!?

[ನಮ್ಮ ಅಭಿಪ್ರಾಯವನ್ನು ಕೇಳಲು ತಯಾರಿಲ್ಲದವರ ಜತೆ ಮಾತಾಡಿ ಪ್ರಯೋಜನವಿಲ್ಲ.]
ಅವರಿಗೆ ಲೇಖನ ಬರೆಯುವ ಮೊದಲೇ ಬರುವ ಎಂತಹ ಅಭಿಪ್ರಾಯಗಳು ಬರುತ್ತವೆ ಎಂಬ ಕಲ್ಪನೆ ಇರುತ್ತದೆ. ಈ ಜನ ವಿಷಯ ಆಧರಿತ ಲೇಖನ ಬರೆಯುವದಕ್ಕಿಂತ..ಅಜೆಂಡ ಆಧಾರಿತ ಲೇಖನ ಬರೆಯುವುದೇ ಹೆಚ್ಚು. ವಿಷಯ ಏನೇ ಇರಲಿ, ಅದಕ್ಕೆ ತಮ್ಮ ಅಜೆಂಡಾ ಸುತ್ತುವುದಷ್ಟೇ ಈ ಜನರ ಕೆಲಸ. ನಿಮಗೆ ನಗೆ ಲೇಖನ ಬರೆಯುವ ಅಭ್ಯಾಸ ಆಗಬೇಕೆಂದರೇ ಈ ಎಡಬಿಡಂಗಿಗಳ (ವಿಶೇಷವಾಗಿ ಕರ್ನಾಟಕದ ಎಡಬಿಡಂಗಿಗಳು) ಲೇಖನ ಓದಬೇಕು.

[ಆದರೆ ಆ ಕಮ್ಯುನಿಸಂ ಗೆ ಬದ್ಧವಾದ ಕಾರ್ಮಿಕ ಸಂಘಟನೆಗಳೇ ಸರ್ಕಾರಿ ಸ್ವಾಮ್ಯದ ಕಾರ್ಖಾನೆಗಳು ಹಳ್ಳ ಹಿಡಿದು ಹೋಗಿರುವುದಕ್ಕೆ ಕಾರಣ ಎಂಬುದನ್ನು ನಾವು ಮರೆಯಬಾರದು.]
ಬಡತನ/ದರಿದ್ರತೆಗಳೇ ಇವರ ಬಂಡವಾಳ..ಅವೆರಡು ಇಲ್ಲಿದಿದ್ದಲ್ಲಿ ‘ಹಕ್ಕಿಗಾಗಿ ಹೋರಾಟ, ಅಸಮಾನತೆ ವಿರುದ್ಧ ಹೋರಾಟ’ ಎಂಬ ಅಸ್ತ್ರವನ್ನು ಹರಿಬಿಡುತ್ತವೆ. ಒಟ್ಟಿನಲ್ಲಿ ಇವರಿಗೆ ಜೀವಂತವಾಗಿರಲು ಯಾವುದಾದರೂ ‘ಹೋರಾಟ’ ಬೇಕು!. ಇವರಿಗೆ ಗೊತ್ತಾಗಿ ಬಿಟ್ಟಿದೆ..ಜನ ಅರ್ಥಿಕವಾಗಿ ಸಬಲ/ಸ್ವಾವಲಂಬಿ ಗಳಾದಷ್ಟು ತಮ್ಮ ಸಿದ್ಧಾಂತದ ಮರಣ ಹತ್ತಿರವಾಗುತ್ತದೆ ಎಂದು. ಉದಾಹರಣೆಗೆ, ಕೆಲವು ತಿಂಗಳ ಹಿಂದಿನ ಧರ್ಮಸ್ಥಳದ ಪ್ರಕರಣ ತೆಗೆದುಕೊಳ್ಳಿ. ಈ ಜನ ಹಿನ್ನಲೆಯಲ್ಲಿ ಉಳಿದು, ಆ ಪ್ರಕರಣವನ್ನು ಉಪಯೋಗಿಸಿಕೊಳ್ಳಲು ಪಟ್ಟ ಪ್ರಯತ್ನಗಳನ್ನು ಗಮನಿಸಿದಿರಾ? ಇವರಿಗೆ ಆ ಪ್ರಕರಣದಲ್ಲಿ ಸೌಜನ್ಯಾ ಕುಟುಂಬಕ್ಕೆ ನ್ಯಾಯ ದೊರಕಿಸಿ ಕೊಡುವುದಕ್ಕಿಂತ ತಮ್ಮ ಬೆಳೆ ಬೇಯಿಸಿಕೊಳ್ಳುವುದು ಮುಖ್ಯವಾಗಿತ್ತು. ಇವರಿಗೆ ಜನ ಸ್ವಸಹಾಯ ಸಂಘಗಳ ನೆರವಿನಿಂದ ಸ್ವಾವಲಂಬಿಗಳಾಗುತ್ತಿರುವುದು/ ಅವರ ಬದ್ಧತೆ ಇನ್ನೊಬ್ಬರ ಕಡೆಗೆ ತಿರುಗುತ್ತಿರುವುದು ಸಹಿಸಲಸಾಧ್ಯವಾಗಿತ್ತು. ಇವರ ಬೆಳ್ತಂಗಡಿ ಸುತ್ತಮುತ್ತಲಿನ ‘ಕಾಡಿನ ಹೋರಾಟ’ ಮತ್ತು ಇತ್ತ ಕಾರ್ಮಿಕ ಸಂಘಟನೆಗಳ ಮೂಲಕ ಮಾಡುತ್ತಿರುವ ‘ನಾಡಿನ ಹೋರಾಟ’ ಎರಡೂ ಅಪ್ರಸ್ತುತವಾಗಲು ಪ್ರಾರಂಭವಾದಾಗ ಸುರು ಹಚ್ಚಿಕೊಂಡಿದ್ದೇ ಈ ‘ಸೌಜನ್ಯಳಿಗೆ ನ್ಯಾಯ’ ಎಂಬ ಮುಖವಾಡದ ಹೋರಾಟ.

ನಮ್ಮ ಕರ್ನಾಟಕದ ಮಟ್ಟಿಗೆ ಬಂದರೆ., ನಮ್ಮ ಕರ್ನಾಟಕದ ಎಡಬಿಡಂಗಿಗಳು ಅಪರೂಪದ ಮಿಶ್ರತಳಿಯವು. ಮಾರ್ಕ್ಸ, ಲೆನಿನ್, ಮಾವೊ ಇವೆಲ್ಲುಗಳ ಮಿಶ್ರಣದ ಗೊಂದಲಮಯ ಪ್ರಾಡಕ್ಟುಗಳು. ದಿನದ ಹೊತ್ತಿನಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ಕಾರಟ್, ಯೇಚೂರಿ ಇವುಗಳ ಮನಸ್ಸಿನಲ್ಲಿ… ಆದರೆ ಸಂಜೆಯಾಗುತ್ತಿದ್ದಂತೆ ಕಾಡಿನ ‘ಹೋರಾಟ’ ಗಾರರ ಬಗ್ಗೆ ಪ್ರೀತಿ, ಕಕ್ಕುಲಾತಿ ಉಕ್ಕಲು ಪ್ರಾರಂಭವಾಗಿಬಿಡುತ್ತದೆ. ಆಗಾಗ ಪ್ರಸ್ತುತವಾಗಿರಲು ಇರಲಿ ಎಂದು ಜಾತಿ/ಧರ್ಮದ ಹೋರಾಟಕ್ಕೆ ಗಾಳಿ ಹಾಕುವ ಕಾರ್ಯವನ್ನು ಸುರು ಹಚ್ಚಿಕೊಳ್ಳುತ್ತವೆ. ಹಾಗೆಯೇ ತಾವು ಸಿಪಿಐ(ಎಮ್) ಗಳೊ ಅಥವಾ ಸಿಪಿಐ(ಎಮ್ ಎಲ್) ಗಳೊ ಎಂಬ ಬಗ್ಗೆ ಗೊಂದಲ ಬೆಳಗ್ಗೆ ಎದ್ದ ಕೂಡಲೇ ಅನುಭವಿಸುತ್ತವೆ. ಇವುಗಳಲ್ಲಿರುವ ಕೆಲವು ಬಹುಪಾತ್ರಾಭಿನಯ ಪ್ರವೀಣರು..ಅನುಕೂಲಕ್ಕೆ ತಕ್ಕ ಹಾಗೆ ಆಳುವ ಪಕ್ಷದವರ ಬೆನ್ನು ಕೆರೆದು ಕೂಡಲೊಂದು ಕುರ್ಚಿ, ಸಂಪಾಗಿರಲಷ್ಟು ಗಂಜಿ ಸಂಪಾದಿಸುವ ಕಲೆಯಲ್ಲಿ ಪಾರಂಗತರು.

ಹೀಗೆ ಒಟ್ಟಿನಲ್ಲಿ ಈ ಎಡ ಬಿಡಂಗಿಗಳು ನಮ್ಮ ದೇಶವನ್ನು ಕೊರೆಯತ್ತಿರುವ ಗೆದ್ದಲು ಹುಳುಗಳು. ಸಿದ್ಧಾಂತ, ಅಜೆಂಡ ಪ್ರಿಯರಾದ ಈ ಜನ ಭಾರತ-ಚೀನ ಯುದ್ಧ ನಡೆದಾಗ ಕೂಡ, ಚೀನ ಆಕ್ರಮಣಕಾರಿಯಾಗಿ ನಡೆದುಕೊಂಡಾಗ ಕೂಡ ಚೀನದ ಪರವಾಗಿ ನಿಲ್ಲಲು, ಪ್ರೀತಿ ತೋರಿಸಲು ಹಿಂಜರಿಯುವುದಿಲ್ಲ!. ಕಾಲಕ್ಕೆ ತಕ್ಕಂತೆ, ಇವರ ಚೀನ ಕೂಡ ಬದಲಾಗಿ, ಬಂಡವಾಳಶಾಹಿ ತತ್ವ ಅಳವಡಿಸಿಕೊಂಡು ಆರ್ಥಿಕ ಸುಧಾರಣೆ ತಂದುಕೊಂಡರೂ, ಇವಿನ್ನೂ ಇಲ್ಲಿ ಶತಮಾನಗಳ ಹಿಂದಿನ ಸಿದ್ಧಾಂತ-ವಾದಗಳಿಗೆ ಜೋತು ಬಿದ್ದಿವೆ. ಇಷ್ಟೆಲ್ಲ ಇದ್ದರೂ ಮಾತು ಮಾತಿಗೆ ವಿಚಾರವಾದ-ವಿಚಾರವಾದ ಎಂದು ಹಲಬುವುದನ್ನು ನಿಲ್ಲಿಸುವುದಿಲ್ಲ!. ನಮ್ಮ ಪುಣ್ಯವೆಂದರೇ ನಮ್ಮ ದೇಶದಲ್ಲಿ ಇವುಗಳ ಅವಸಾನ ಸುರುವಾಗಿದೆ..ಇವು ಆದಷ್ಟು ಬೇಗ ಇತಿಹಾಸ ಸೇರಲಿ.